Jajis 4:12 - Pijin Bible

¹² Taem Sisera hemi herem nius wea Barak hemi lidim finis olketa soldia blong hem long maonten long Teboa,

Pijin Deuterocanon

¹² Taem Sisera hemi herem nius wea Barak hemi lidim finis olketa soldia blong hem long maonten long Teboa,

Jajis 4:12 Iomraidhean Croise

Sams 89:12

Yu nao yu bin mekem evri ples, stat long not go-go kasem long saot. Maonten long Teboa an maonten long Hemon i hapi tumas olsem pipol wea i hapi an singsing fo preisim yu.

Sams 89:13

!Lod Yawe, yu nao yu garem paoa fo mekem evrisamting! !Ya, paoa blong yu hemi bikfala tumas!

Jeremaea 46:18

“Hem ya nao mesij blong King ya wea nem blong hem nao Yawe hu hemi garem evri paoa. Hemi tok olsem: Mi mekem disfala strongfala promis long nem blong mi seleva nao: Bae enemi hemi kam fo faetem yufala hu hemi barava strong moa winim eni narawan. Bae hemi strong olsem maonten long Teboa wea hemi hae moa winim olketa narafala hil, an hemi olsem bikfala maonten long Kaamel wea hemi gohed fo stanap kolsap long solwata.

Hosia 5:1

“!Lisin kam long mi, yufala olketa prist! !Lisin kam long toktok blong mi, yufala pipol blong Israel! !Lisin kam long olketa toktok ya, yufala long famili blong king! Disfala toktok blong mi hemi agensim yufala nao. Long Mispa, wei blong yufala hemi olsem wanfala trap fo olketa pipol i foldaon long hem, an long maonten long Teboa, yufala olsem net wea man hemi putum mekem pipol save pas long hem.

Josua 19:12

Disfala spialaen hemi stat moa long Sarid an hemi go long saet long ist go-go kasem spialaen long Kislot-Teboa, an go moa kasem long Daberat, an hemi goap kasem long Jafia.

Josua 19:22

Spialaen blong eria ya hemi go pas insaet long trifala taon moa wea nem blong olketa nao Teboa, an Sahasuma an Bet-Semes, an hemi en long Jodan Riva. Sikstinfala taon wetem olketa vilij raonem olketa i stap long datfala eria.

Josua 19:34

Spialaen long saot hemi stat moa long Jodan riva an go west long taon long Asnot-Teboa an hemi falom spialaen long eria blong traeb blong Sebulun wea hemi go kasem taon long Hukok. Spialaen blong olketa long west nao hemi olsem spialaen blong traeb blong Asa.

Jajis 4:11

Long datfala taem, Heba wanfala man long laen blong Kein, hemi bin lusim finis laen blong hem. Laen ya i kamaot bihaen long Hobab, wanfala inlo blong Mosis. Heba hemi bin stanemap haostent blong hem finis long Kedes, kolsap long wanfala ok tri long ples olketa kolem Saananim.

Jajis 4:13

hemi redim 900 kaat fo faet wetem olketa soldia blong hem, an hemi sendem olketa go aot long Haroset-Ha-Goeim fo go long Kison Riva.

Jajis 4:6

Wanfala de, hemi sendem toktok go long Barak, san blong Abinoam, long Kedes long lan blong Naftali, mekem Barak hemi kam fo lukim hem. An taem hemi kam kasem hem, Debora hemi tok olsem long Barak, “Yawe hu hemi God blong pipol blong Israel hemi tok olsem long yu, ‘Yu mas go kolem 10,000 man fo faet from tufala traeb blong Naftali an Sebulun. Yu mas lidim olketa go long maonten long Teboa.

Jajis 8:18

Bihaen, Gidion hemi askem Sif Seba an Sif Salmuna olsem, “?Waswe long olketa man wea yutufala kilim dae long maonten long Teboa?” Nao tufala tok olsem, “Fes blong olketa hemi luk olsem yu nomoa. Mifala lukim dat olketa evriwan i barava olsem nao pikinini blong wanfala sif.”