Jajis 3:8 - Pijin Bible

⁸ An diswan nao hemi mekem Yawe fo kros tumas long olketa. Nao hemi mekem Kusan-Risataem, Paramaon sif long Mesopotemia, fo winim olketa long faet. An olketa stap andanit long hem fo eitfala yia.

Pijin Deuterocanon

⁸ An diswan nao hemi mekem Yawe fo kros tumas long olketa. Nao hemi mekem Kusan-Risataem, Paramaon sif long Mesopotemia, fo winim olketa long faet. An olketa stap andanit long hem fo eitfala yia.

Jajis 3:8 Iomraidhean Croise

Jenesis 24:10

Nao wakaman ya hemi tekem tenfala kamel blong masta blong hem, wetem plande deferen kaen samting wea i luk gudfala tumas wea masta ya hemi givim, fo givim long olketa longwe, an hemi goaot nao long ples ya. Hemi wakabaot go long kantri ya wea olketa kolem Mesopotemia, long saet long not, long taon ya wea Nehoa hemi stap long hem. Hemi wakabaot go fo plande de,

Sams 106:41

Hemi letem olketa fo go long han blong olketa hiden pipol hu i enemi blong olketa, mekem olketa ya fo rulim olketa nao.

Sams 129:1

!Pipol long Israel, yufala talem kam! ?Stat long taem wea olketa olo blong yumi i bin slev long Ijip ka-kam kasem tude, hao nao olketa enemi blong yumi i bin spoelem yumi?

Sams 44:12

Yu bin salem olketa pipol blong yu long barava lou praes fogud, olsem samting nating nomoa.

Sams 6:1

Lod Yawe, taem yu kros, plis no tokstrong kam long mi. Nomata yu kros tumas long mi, plis no panisim mi.

Sams 85:3

Long taem ya, yu bin holembaek kros blong yu from mifala, an yu no kros moa long mifala nao.

Eksodas 22:24

An bae mi kros long yufala, an mekem yufala dae long faet, an bae olketa waef blong yufala i kamap wido, an olketa pikinini blong yufala bae i no garem dadi moa.

Aesaea 50:1

Yawe nao hemi tok moa olsem, “Olketa pipol blong mi. ?Waswe, yufala tingse mi bin les nomoa long yufala, olsem man hu hemi divosim waef blong hem? ?Wea nao olketa pepa fo somaot divos ya? ?Yufala tingse mi bin salem yufala nomoa fo olketa pipol long narafala kantri, olsem man hu hemi salem olketa pikinini blong hem fo waka olsem slev long narafala kantri? !Nomoa nao! Olketa bin fosim yufala fo lusim lan blong yufala an go long narafala kantri bikos yufala bin sin tumas, an mi les long yufala bikos wei blong yufala hemi barava nogud tumas.

Levitikas 26:17

Bae mi agensim yufala, an olketa enemi blong yufala bae i winim yufala, an olketa wea i heitem yufala bae i rulim yufala. Nomata no eniwan hemi ronem yufala, bae yufala ranawe, bikos yufala barava fraet fogud.

Habakuk 3:7

Mi lukim dat olketa blong Kusan i fraet, an olketa blong Midian i seksek fogud.

Leta wea Pol hemi raetem go long sios long Rom 7:14

Yumi save, Lo ya hemi blong God. Bat mi, mi man nomoa ya wea mi stap olsem wakaman blong sin.

Diutronomi 29:20

Yawe bae hemi no save fogivim kaen man ya. Kros blong hem bae hemi kam long man ya olsem wanfala faea. An olketa trabol wea olketa raetem finis long disfala Buk blong Lo, bae i kasem hem, go-go Yawe hemi mekem no eniwan save tingim nem blong hem moa.

Diutronomi 32:30

Tingabaotem kuestin blong mi. ?Hao nao wanfala enemi soldia nomoa, hemi save winim 1,000 man blong yufala? ?Hao nao tufala enemi soldia nomoa, save ronem 10,000 man blong yufala? Yufala mas luksave long hem. Samting olsem hemi kamap bikos Yawe, disfala sefples blong yufala, hemi lusim yufala.

Jajis 2:14

Bikos Yawe hemi kros tumas long olketa, hemi putum olketa long han blong olketa enemi hu i stap raonem olketa. Nao olketa enemi ya i kamap strong tumas an pipol blong Israel i no save gadem olketa seleva. An olketa enemi i gohed fo stilim evrisamting blong olketa.

Jajis 2:20

So Yawe hemi kros tumas long olketa an hemi tok olsem, “Pipol blong Israel i brekem disfala Agrimen wea mi talem long olketa grani blong olketa bifoa fo kipim. Bikos olketa no save obeim mi olsem,

Jajis 3:10

Nao Spirit blong Yawe hemi kam long Otniel an hemi givim paoa long hem an hemi kamap sif blong Israel an lidim olketa long faet. Nao Yawe hemi mekem Otniel winim Kusan-Risataem.

Jajis 3:7

Oraet, pipol blong Israel i gohed fo duim olketa nogud samting long ae blong Yawe hu hemi God blong olketa. Olketa lusim hem an gohed fo wosipim olketa laea god olsem Baal an Astarot.

Jajis 3:9

Bat bihaen, olketa long Israel i krae go long Yawe fo helpem olketa, nao hemi makem wanfala sif fo hemi sevem olketa from enemi blong olketa. Man ya hemi Otniel wea dadi blong hem hemi Kenas hu hemi smol brata blong Kelab.

Jajis 4:9

Nao Debora hemi tok olsem, “Oraet, bae mi kam wetem yufala. Bat nomata yu winim faet bae yu no save garem biknem from faet ya. Hemi olsem bikos Yawe bae putum Sisera long han blong wanfala woman.” So tufala go long Kedes.

1 Samuel 12:9

Bat nomata olsem, olketa nating tingabaotem Yawe God blong olketa. So hemi letem king blong Moab wetem ami blong hem fo faetem an winim olketa. Bihaen, hemi letem Sisera wetem ami from Hasoa fo kam faetem olketa. An bihaen, hemi letem moa ami blong Filistia fo winim olketa.