Jajis 3:3 - Pijin Bible

³ Olketa laen wea i stap yet long lan ya hemi olsem: faefala ravis lida blong Filistia wetem pipol blong olketa, an laen blong Kenan, an laen blong Saedon, an laen blong Hivi wea i stap long olketa maonten long Baal-Hemon go kasem Lebo-Hamat.

Pijin Deuterocanon

³ Olketa laen wea i stap yet long lan ya hemi olsem: faefala ravis lida blong Filistia wetem pipol blong olketa, an laen blong Kenan, an laen blong Saedon, an laen blong Hivi wea i stap long olketa maonten long Baal-Hemon go kasem Lebo-Hamat.

Jajis 3:3 Iomraidhean Croise

Jenesis 49:13

Sebulun, bae yu mekem ples blong yu kolsap long solwata. Ples blong yu bae hemi wanfala sef ples wea olketa sip i save haed long hem, an lan blong yu bae hemi go olowe go-go kasem taon ya long Saedon.

2 Samuel 24:7

Den olketa go long saot long taon long Taea wea hemi garem bikfala wolston. Bihaen, olketa go long olketa taon long lan blong Hivi, an long olketa taon long lan blong olketa narafala pipol blong Kenan. An las ples nao, olketa go kasem taon long Beereseba long distrik blong Jiuda, long saot.

1 Kings 8:65

So King Solomon wetem staka pipol blong Israel i mekem fist blong Bikde fo Stap long Smolfala Lif Haos, an olketa gohed long fist ya fo sevenfala de. Den olketa gohed fo sevenfala de moa. Long taem ya, staka pipol tumas i kam from olketa ples, stat long Lebo-Hamat long not, go kasem smolfala wata long spialaen long lan blong Ijip long saot.

1 Kings 9:20

Long taem wea pipol blong Israel bin tekova long kantri ya, olketa no save kilim dae evri pipol wea i stap long lan ya. Olketa ya i long laen blong Amoa, an blong Het, an blong Peris, an blong Hivi, an blong Jebus. So samfala long olketa laen ya hu i no blong pipol blong Israel i stap yet long lan blong Israel. Nao King Solomon hemi fosim olketa ya fo waka olsem slev, an olketa waka olsem slev olowe long Israel.

Esikiel 47:20

“An long west saet, Mediterenian Si nao hemi baondri go kasem wanfala ples west long ples wea rod hemi gotru long olketa maonten long Hamat. Hem nao baondri long lan long west saet.

Nambas 13:29

An mifala lukim dat olketa long laen blong Amalek i stap long saet long saot, an olketa long laen blong Het, wetem laen blong Jebus an laen blong Amoa olketa stap long ples blong maonten, an olketa long laen blong Kenan i stap long saet blong si an long saet blong Jodan Riva.”

Nambas 34:8

den hemi go falom rod wea hemi gotru long olketa maonten long Hamat, an go kasem Sedad,

Diutronomi 1:7

Yufala mas goaot nao. Yufala mas go stap long olketa ples olsem: long lan blong laen blong Amoa long olketa maonten, an long vali blong Jodan Riva, an long lan blong olketa laen blong Kenan, an long drae eria long saot long Kenan. Lan ya hemi go kasem Mediterenian Si long west, an long not hemi kasem maonten long Lebanon, an long west hemi kasem datfala bikfala Yufretis Riva.

Diutronomi 3:9

Yu save, maonten long Hemon, pipol blong Saedon i kolem long Sirion, bat laen blong Amoa i kolem long Senia.

Josua 11:19

Olketa laen blong Hivi wea i stap long Gibeon nomoa i mekem piis wetem Josua an olketa pipol blong Israel, bat evri narafala pipol, Josua wetem ami blong hem i kilim evriwan dae.

Josua 11:3

An hemi sendem go toktok tu long olketa narafala pipol long lan ya long Kenan wea olketa stap long tufala saet long Jodan Riva, an long olketa laen blong Amoa, an long olketa laen blong Het, an long olketa laen blong Peres, an long olketa laen blong Jebus wea i stap long olketa taon long olketa hil, an long olketa laen blong Hivi wea i stap long distrik ya long Mispa long botom blong maonten long Hemon.

Josua 13:5

Yufala mas tekova tu long olketa lan blong olketa long taon long Gebal, an yufala mas tekova long evri eria long Lebanon wea hemi stat long taon long Balgad kolsap long maonten long Hemon go-go kasem Lebo-Hamat.

Josua 19:28

an Abdon, an Rehob, an Hamon, an Kana, an go muv go moa fo kasem bikfala taon long Saedon.

Josua 9:7

Bat olketa blong Israel i tok olsem long olketa man ya, “Hemi no stret fo mifala mekem agrimen wetem yufala. Maet yufala stap kolsap nomoa ya.”

Jajis 10:12

an laen blong Saedon, an laen blong Amalek, an laen blong Maon i barava spoelem yufala. So yufala krae kam long mi fo helpem yufala. Evritaem, mi nomoa mi tekem yufala aot from han blong olketa ya.

Jajis 10:7

So, Yawe hemi kros tumas long olketa, an hemi letem laen blong Filistia long west an laen blong Amon long ist fo faetem olketa.

Jajis 14:4

Long datfala taem, olketa blong Filistia nao i rul ovarem pipol blong Israel. An yu save, wanem Samson hemi duim hemi kamap bikos Yawe hemi wande spoelem olketa long Filistia. Bat mami an dadi blong hem i no save long diswan.

Jajis 18:7

Nao faefala ya i go kasem taon long Laeis wea hemi farawe long not. Long datfala ples, faefala ya i lukim dat olketa pipol blong datfala taon i tingse hemi sef ples nomoa. An kastom blong olketa hemi olsem kastom long taon long Saedon, nomata Saedon hemi stap farawe from ples ya. Olketa i kuaet pipol nomoa an olketa no save faet o mekem trabol long eni narafala pipol. An olketa garem plande gudfala samting long lan blong olketa. An olketa nating wari nomoa long olketa narafala pipol kolsap long olketa.

Jajis 3:2

Hemi duim olsem nomoa, mekem hemi lanem pipol blong Israel hu i no bin faet bifoa fo savegud hao fo faet.

Jajis 4:2

So, Yawe hemi mekem Sif Jabin fo rul ovarem olketa. Sif ya hemi wanfala sif long Kenan. Taon blong hem nao Hasoa, an nem blong lida blong olketa soldia blong hem nao Sisera. Lida ya hemi kam from Haroset-Ha-Goeim.

1 Samuel 13:5

Nao olketa soldia blong Filistia i kam tugeta fo faetem pipol blong Israel. Olketa garem 3,000 kaat fo faet wea hos hemi pulum, an 6,000 soldia fo ran long hos, an olketa narafala soldia moa wea i plande tumas olsem sanbis long saetsi. Olketa go stap long Mikmas long saet long ist long Bet-Aven.

1 Samuel 29:2

Faefala sif blong Filistia i maas kam wetem olketa soldia blong olketa fo go faet. Samfala grup blong olketa soldia ya i kasem 1,000, an samfala grup i 100. An Deved wetem olketa man blong hem i joen wetem olketa, an maas kam bihaen long Sif Akis.

1 Samuel 6:16

Long datfala taem, faefala sif blong Filistia i gohed fo lukluk long olketa samting ya go-go hemi finis. Den long sem de nomoa, faefala gobaek moa long taon long Ekron.

1 Samuel 6:4

Nao olketa pipol i ask olsem, “?Bae yumi sendem watkaen presen nao fo go wetem?” Den olketa ansa olsem, “Yufala mas tekem gol, an yufala mas wakem faefala kaving wea i luk olsem boela wea i spoelem yumi, an faefala kaving wea i luk olsem rat wea i spoelem yumi. Yumi mas wakem olsem, falom namba blong olketa faefala sif blong yumi long Filistia, bikos panis ya hemi kasem yumi evriwan wetem olketa sif blong yumi. Yumi mas sendem go olketa kaving ya long olketa, an yumi mas mekhae long God blong Israel. Sapos olsem, maet hemi no save gohed fo spoelem yumi an olketa god blong yumi wetem lan blong yumi.