Jajis 3:16 - Pijin Bible

¹⁶ Oraet, Ehud hemi bin wakem wanfala naef wea hemi sap long tufala saet, an longfala blong hem i kasem foti-faev sentemita, an hemi taengem naef ya long raet lek blong hem insaet long kaleko blong hem.

Pijin Deuterocanon

¹⁶ Oraet, Ehud hemi bin wakem wanfala naef wea hemi sap long tufala saet, an longfala blong hem i kasem foti-faev sentemita, an hemi taengem naef ya long raet lek blong hem insaet long kaleko blong hem.

Jajis 3:16 Iomraidhean Croise

2 Samuel 20:8

Taem olketa kasem bikfala ston long Gibeon, Amasa hemi mitim olketa. Long datfala taem, Joab hemi werem olketa kaleko fo faet blong hem, an hemi hangem sotfala naef fo faet long strap blong hem. Naef ya hemi stap insaet long paos blong hem, bat taem hemi wakabaot go fo mitim Amasa, naef ya hemi foldaon.

Sams 149:6

Hemi gud tumas sapos yumi holem olketa sap naef fo faet an yumi singaot fo preisim hem.

Sams 45:3

Yu strongfala man fo faet wea yu gudfala tumas, an yu hae tumas. Yu mas tekem naef blong yu fo faet, an hangem go long saet blong yu.

Nambawan Singsing 3:8

Olketa evriwan i save gud tumas long wei blong faet. Evriwan long olketa i hangem naef long saet, an olketa redi nao fo faet wetem eniwan hu i kam fo faetem olketa long naet.

Hibrus 4:12

Toktok blong God hemi garem laef an hemi gohed fo waka nomoa. Hemi barava sap tumas winim naef fo faet wea hemi sap long tufala saet an hemi save go kasem insaet long olketa bon blong man. Toktok blong God ya hemi save go barava insaet long tingting an long laef blong man. Hemi save go kasem insaet long pipol fo jajem olketa tingting blong olketa wetem wanem olketa laekem tumas.

Revelesin 1:16

Hemi holem sevenfala sta long raet han blong hem. An wanfala naef fo faet wea hemi sap tumas long tufala saet evriwan, hemi kamaot long maos blong hem. An fes blong hem hemi saen olsem san long midol de.

Revelesin 2:12

Disfala man hemi tok olsem moa, “An yu mas raet go long enjel blong sios long Pegamam, an yu sei olsem, ‘Hem nao toktok blong mi wea mi garem naef fo faet wea hemi sap tumas long tufala saet evriwan.

Jajis 3:15

Nao olketa krae go moa long Yawe. So hemi makem wanfala sif fo sevem olketa. Nem blong hem nao, Ehud, san blong Gera long traeb blong Benjamin. Man ya hemi save yusim lefhan. Nao pipol blong Israel i putum taks long han blong hem fo sendem go long Paramaon sif Eglon.

Jajis 3:17

Nao hem wetem olketa man blong hem i karim go taks ya an givim long Paramaon sif Eglon hu hemi wanfala barava baonsa man.

Jajis 3:21

Den Ehud hemi holem naef long lefhan blong hem an pusum naef ya go insaet long bele blong Paramaon sif.