Jajis 21:7 - Pijin Bible

⁷ Distaem tu-tri wantok ya nomoa i laef yet an olketa no garem eni waef. Yumi bin promis finis long nem blong Yawe wea bae yumi no save givim olketa gele blong yumi fo maritim olketa. ?So wanem nao bae yumi save duim fo helpem olketa?”

Pijin Deuterocanon

⁷ Distaem tu-tri wantok ya nomoa i laef yet an olketa no garem eni waef. Yumi bin promis finis long nem blong Yawe wea bae yumi no save givim olketa gele blong yumi fo maritim olketa. ?So wanem nao bae yumi save duim fo helpem olketa?”

Jajis 21:7 Iomraidhean Croise

Jajis 21:1

Bifoa, taem olketa traeb blong Israel i bin hipap tugeta long Mispa, olketa evriwan bin mekem wanfala tambu promis olsem, “Bae mifala no givim eni gele blong mifala fo maritim eni man long traeb blong Benjamin.”

Jajis 21:18

Bat yumi bin mekem finis disfala tambu promis wea no eniwan long yumi bae hemi save givim dota blong hem fo maritim eni man long traeb blong Benjamin. An yumi sei olsem ‘Letem Yawe hemi panisim eni man wea hemi givim dota blong hem long traeb blong Benjamin.’”

Jajis 21:22

Sapos olketa dadi o brata blong olketa i kam fo komplen long mifala, bae mifala save tok olsem long olketa, ‘Plis yufala tingim olketa traeb blong Israel an letem olketa gele ya i stap wetem traeb blong Benjamin. Hemi mas olsem, bikos long faet agensim Jabes-Gilead, yumi no tekem inaf gele mekem yumi givim long evri man ya. An bikos yufala nating givim olketa gele go long traeb blong Benjamin, yufala nating brekem tambu promis wea yumi mekem finis.’”

Jajis 21:6

Olketa filsore tumas long traeb blong Benjamin, nao olketa tok olsem, “Tude, yumi kolsap lusim nao wanfala long olketa tuelfala traeb blong yumi.

Jajis 21:8

Yu save, olketa bin ask olsem, “?Long taem yumi kam tugeta frant long Yawe long Mispa, hu nao long olketa traeb blong yumi hemi no kam joen wetem yumi?” So taem olketa kaontem evriwan olketa faendemaot wea olketa man blong Jabes-Gilead long saet go long Jodan riva nao i no kam fo joenem olketa.

1 Samuel 14:45

Bat wea, olketa soldia tokstrong olsem long Sol, “!Sei! !Man ya nao hemi mekem yumi fo win tude! ?Hao nao hem save dae? Mifala tok tru long nem blong Yawe hu hemi laef olsem no eniwan save kilim hem dae. Nomata wanfala smol hea long hed blong hem, no eniwan save pulumaot. Samting wea hemi mekem tude, God nao hemi helpem hem.” Long toktok ya nao, olketa soldia i sevem Jonatan mekem hemi no dae.