Jajis 21:12 - Pijin Bible

¹² Olketa go faet an olketa faendem 400 yang gele long Jabes-Gilead, an olketa tekem olketa kambaek long ples long Saelo long Kenan, wea olketa blong Israel i stap long hem.

Pijin Deuterocanon

¹² Olketa go faet an olketa faendem 400 yang gele long Jabes-Gilead, an olketa tekem olketa kambaek long ples long Saelo long Kenan, wea olketa blong Israel i stap long hem.

Jajis 21:12 Iomraidhean Croise

Sams 78:60

Hemi lusim nao tambu haostent blong hem long Saelo, long ples ya nao hemi bin stap wetem olketa pipol blong hem.

Jeremaea 7:12

Yufala go long ples wea taon long Saelo bin stap bifoa, disfala ples wea mi siusim fastaem fo olketa grani blong yufala i mekem wosip long mi. Yufala go lukim wanem mi bin duim long ples ya taem olketa bin gohed fo sin. Mi barava spoelem datfala ples.

Josua 18:1

Bihaen long taem wea pipol blong Israel i winim faet long olketa enemi long lan, olketa kam tugeta long Saelo an putumap Tambu Haostent blong Yawe long ples ya.

Jajis 20:18

Oraet, olketa blong Israel i go long tambuples long Betel an prea olsem go long God, “?Hu long mifala nao bae hemi go fastaem fo faetem traeb blong Benjamin?” Yawe hemi ansa olsem, “Traeb blong Jiuda mas lidim yufala.”

Jajis 21:13

Long datfala taem, olketa traeb blong Israel i sendem go toktok long olketa man blong traeb blong Benjamin wea i haed yet long bikfala ston long Rimon. Olketa talem traeb blong Benjamin dat olketa laekem piis moa.

Jajis 21:8

Yu save, olketa bin ask olsem, “?Long taem yumi kam tugeta frant long Yawe long Mispa, hu nao long olketa traeb blong yumi hemi no kam joen wetem yumi?” So taem olketa kaontem evriwan olketa faendemaot wea olketa man blong Jabes-Gilead long saet go long Jodan riva nao i no kam fo joenem olketa.