Jajis 21:1 - Pijin Bible

¹ Bifoa, taem olketa traeb blong Israel i bin hipap tugeta long Mispa, olketa evriwan bin mekem wanfala tambu promis olsem, “Bae mifala no givim eni gele blong mifala fo maritim eni man long traeb blong Benjamin.”

Pijin Deuterocanon

¹ Bifoa, taem olketa traeb blong Israel i bin hipap tugeta long Mispa, olketa evriwan bin mekem wanfala tambu promis olsem, “Bae mifala no givim eni gele blong mifala fo maritim eni man long traeb blong Benjamin.”

Jajis 21:1 Iomraidhean Croise

Eklesiastes 5:2

Yu mas tingting gudfala fastaem bifoa yu talem enisamting, an yu mas no hariap fo mekem promis long God. God hemi stap long heven, an yu stap long wol, so yu no toktok tumas.

Jeremaea 4:2

an sapos taem bae yufala mekem strongfala promis, yufala tok olsem, ‘Mi mekem disfala strongfala promis long nem blong Yawe hu hemi laef,’ an yufala toktru olsem; sapos yufala duim olketa samting ya olsem, bae mi blesim evri pipol long wol, an bae olketa ya i barava mekhae long mi.”

Jeremaea 40:6

Jeremaea hemi go long Mispa, an hemi stap wetem Gedalaea, san blong Ahikam, midol long olketa pipol wea olketa blong Babilonia i no tekemaot from lan blong olketa.

Gudnius abaotem Jisas Kraes wea Mak hemi raetem 6:23

An hemi mekem wanfala strongfala promis nao fo gele ya an hemi sei, “Mi bae mi givim yu enisamting nomoa wea yu askem long mi, nomata barava haf long evrisamting wea mi rul ovarem.”

Aposol 23:12

Long moning ya, samfala Jiu olketa hipap haed fo mekem wanfala plan. An olketa mekem wanfala strong promis wea bae olketa mas no kaikaim enisamting o dringim enisamting, go-go kasem taem wea olketa save kilim dae Pol finis.

Leta wea Pol hemi raetem go long sios long Rom 10:2

Mi savegud long olketa, an mi save talemaot klia dat olketa traehad tumas fo falom wei blong God, bat olketa no barava save hao nao fo duim.

Jajis 20:1

Evri pipol blong Israel i kam tugeta olsem wanfala grup an olketa kam tugeta frant long Yawe long Mispa. Olketa kam from evri ples, stat long taon long Dan long not, an long taon long Beereseba long saot, an long eria long Gilead long ist.

Jajis 20:10

An bae yumi divaedem olketa soldia ya long tenfala grup. Nao wanfala grup bae hemi lukaftarem olketa kaikai blong yumi. An yumi long olketa narafala grup, bae yumi go sensimbaek long olketa blong Gibea evri ravis samting wea olketa bin duim long yumi blong Israel.”

Jajis 20:48

Den ami blong Israel hemi taneraon an gobaek fo kilim dae olketa long traeb blong Benjamin wea i stap yet. Olketa kilim dae nao evriwan an evri animol an bonem nao evri taon blong traeb blong Benjamin.

Jajis 20:8

Olketa evriwan i wanmaen nao an tok olsem, “No eniwan long yumi nao bae hemi go hom.

Jajis 21:18

Bat yumi bin mekem finis disfala tambu promis wea no eniwan long yumi bae hemi save givim dota blong hem fo maritim eni man long traeb blong Benjamin. An yumi sei olsem ‘Letem Yawe hemi panisim eni man wea hemi givim dota blong hem long traeb blong Benjamin.’”

Jajis 21:22

Sapos olketa dadi o brata blong olketa i kam fo komplen long mifala, bae mifala save tok olsem long olketa, ‘Plis yufala tingim olketa traeb blong Israel an letem olketa gele ya i stap wetem traeb blong Benjamin. Hemi mas olsem, bikos long faet agensim Jabes-Gilead, yumi no tekem inaf gele mekem yumi givim long evri man ya. An bikos yufala nating givim olketa gele go long traeb blong Benjamin, yufala nating brekem tambu promis wea yumi mekem finis.’”

Jajis 21:5

Bihaen, olketa ask olsem, “?Waswe, long taem yumi kam tugeta frant long Yawe long Mispa, hu nao long olketa traeb blong yumi hemi no kam joen wetem yumi?” Olketa ask olsem, bikos long taem ya olketa bin mekem wanfala tambu promis olsem, “Sapos eniwan long yumi hemi no kam joen wetem yumi frant long Yawe long hia tude, bae yumi mas kilim hem dae.”

Jajis 21:7

Distaem tu-tri wantok ya nomoa i laef yet an olketa no garem eni waef. Yumi bin promis finis long nem blong Yawe wea bae yumi no save givim olketa gele blong yumi fo maritim olketa. ?So wanem nao bae yumi save duim fo helpem olketa?”

1 Samuel 14:24

Oraet, olketa soldia blong Israel i wikdaon bikos olketa hanggre fogud. Olketa no kaikai bikos Sol hemi bin mekem wanfala strong toktok olsem, “Hemi tambu fo eniwan i kaikai bifoa san hemi godaon. Fastaem yumi mas kilim dae olketa enemi blong mi fo sensimbaek olketa trabol wea olketa mekem. !Sapos eniwan hemi brekem tambu ya, hem mas dae!” Dastawe no eniwan long olketa hemi kaikai long de ya.