Jajis 20:1 - Pijin Bible

¹ Evri pipol blong Israel i kam tugeta olsem wanfala grup an olketa kam tugeta frant long Yawe long Mispa. Olketa kam from evri ples, stat long taon long Dan long not, an long taon long Beereseba long saot, an long eria long Gilead long ist.

Pijin Deuterocanon

¹ Evri pipol blong Israel i kam tugeta olsem wanfala grup an olketa kam tugeta frant long Yawe long Mispa. Olketa kam from evri ples, stat long taon long Dan long not, an long taon long Beereseba long saot, an long eria long Gilead long ist.

Jajis 20:1 Iomraidhean Croise

2 Samuel 19:14

Nao olketa toktok blong king hemi mekem evriwan blong Jiuda i wanmaen fo sapotem Deved moa. So olketa sendem mesij go long hem, an olketa pipol blong hem, fo kambaek.

2 Samuel 2:9

An long dea, hemi mekem Isboset fo kamap king long Israel. Hemi king nomoa long tufala eria blong Gilead, an Jesreel, an olketa distrik long Asa, an Efrem, an Benjamin.

2 Samuel 24:2

So king hemi tok olsem long Joab, “Joab, yu wetem olketa komanda blong ami, yufala go long olketa traeb blong Israel, an kaontem olketa man hu i fit fo faet. Yufala mas stat long taon long Dan long not, go kasem taon long Beereseba long saot. Mi laek fo save haomeni man i stap.”

2 Samuel 3:10

Hemi promis long Deved olsem, bae hemi tekemaot raet fo kamap king from laen blong Sol an givim go long Deved. Ya, hemi mekem strongfala promis fo mekem Deved kamap king long Israel an long Jiuda, stat long taon long Dan long not, go olowe kasem taon long Beereseba long saot.”

1 Kings 5:5

Yawe hemi promis finis long dadi blong mi olsem, ‘Pikinini blong yu wea mi mekem hem fo sensim yu an kamap king, hem nao bae hemi bildim Tambuhaos fo mekhae long nem blong mi.’ So distaem, mi tingting fo bildim Tambuhaos ya, fo mekhae long nem blong Yawe, God blong mi.

2 Kings 25:23

Nao samfala komanda blong olketa soldia blong Jiuda i stap yet aotsaet long Jerusalem. Olketa ya i olsem, Ismael san blong Netanaea hu hemi san blong Elisama, an Johanan san blong Karea, an Seraea san blong Tanumet blong Netofa, an Jaasanaea blong taon long Maaka. Taem olketa ya i herem dat Gedalaea hemi kamap gavna blong provins, olketa kam wetem olketa man blong olketa fo lukim hem long Mispa.

1 Kronikols 21:2

So king hemi tok olsem long Joab an olketa komanda blong ami, “Yufala go long olketa traeb blong Israel, an kaontem olketa man hu i fit fo faet. Yufala mas stat long taon long Dan long not, go kasem taon long Beereseba long saot. Yufala mas ripot long mi mekem mi save haomeni man i stap.”

2 Kronikols 30:5

Long datfala taem, olketa sendem toktok go long evriwea long Israel, stat long taon long Beereseba long Jiuda long saot, go kasem taon long Dan long Israel long not. Olketa kolem olketa pipol fo kam tugeta long Jerusalem fo mekem Fist blong Pasova. Olketa rekod i talem dat namba blong olketa pipol hu i kam long datfala taem hemi antap long namba wea i bin kam eni narafala taem bifoa.

Esra 3:1

Olketa pipol blong Israel wea i kambaek long lan blong olketa, i stapgud nao long olketa taon blong olketa. An taem mekseven mans long yia hemi kolsap kam, olketa evriwan i hipap tugeta long Jerusalem.

Nehemaea 11:27

an Hasasual, an Beereseba wetem olketa vilij wea i stap raonem hem,

Nehemaea 8:1

Long datfala taem, olketa pipol i kam long Jerusalem fo hipap tugeta long bikfala open eria frant long Wata Geit ya. Olketa kolem kam Prist Esra, hu hemi tisa blong Lo wea God hemi talem kam long Mosis fo olketa pipol blong Israel mas obeim, an olketa askem hem fo tekem kam disfala buk blong Lo.

Jeremaea 40:6

Jeremaea hemi go long Mispa, an hemi stap wetem Gedalaea, san blong Ahikam, midol long olketa pipol wea olketa blong Babilonia i no tekemaot from lan blong olketa.

Nambas 32:1

Oraet, traeb blong Ruben, an traeb blong Gad olketa garem plande animol. An olketa lukim dat olketa ples long Gilead, an raonem taon long Jasea i gudfala ples fo fidim animol.

Nambas 32:40

An Mosis hemi givim eria blong Gilead long traeb blong Makia mekem olketa stap olowe nao long hem.

Josua 15:38

an Dilean, an Mispa, an Jokteel,

Josua 17:1

Nao olketa givim olketa lan long west saet long Jodan Riva fo olketa long traeb blong Manase hu hemi fasbon san blong Josef. Nem blong fasbon san blong Manase nao Makia, an san blong hem nao Gilead. An Mosis hemi bin givim finis tufala lan ya Gilead an Basan wea hemi long saet long Jodan riva long ist fo olketa long laen blong Gilead bikos olketa nao i barava nambawan soldia.

Josua 18:26

an Mispa, an Kefira, an Mosa,

Josua 22:12

olketa evriwan i kamap tugeta long Saelo fo go an faetem olketa wantok wea i wakem disfala olta.

Josua 22:9

Olketa soldia long traeb blong Ruben, an olketa long traeb blong Gad, an olketa long traeb blong Manase i gobaek nao long olketa ples blong olketa. Olketa lusim olketa wantok blong olketa fo stap bihaen long Saelo long lan long Kenan, an olketa gobaek long bikfala ples ya long Gilead wea hemi barava ples wea olketa onam, olsem wea Yawe bin talem long Mosis bifoa.

Josua 4:13

Samting olsem 40,000 soldia wea i karim olketa samting fo faet nao i gopas long frant long Yawe. Olketa go an stap long bikfala flat ples ya kolsap long Jeriko.

Jajis 10:17

Oraet, laen blong Amon i mekredi fo faet, an olketa kam an stap long lan blong Gilead. An pipol blong Israel i kam tugeta tu long Mispa.

Jajis 11:11

So hemi gobaek wetem olketa long Mispa. An olketa pipol blong Gilead i mekem hem fo kamap sif blong olketa nao an bos blong olketa soldia blong olketa. An long datfala taem, hemi mekem agrimen wetem olketa long ae blong Yawe.

Jajis 11:34

Jefta hemi garem nomoa wanfala pikinini gele, hemi no garem eni narafala pikinini moa. Oraet, Jefta hemi kambaek long hom blong hem long Mispa, bat wea, dota blong hem nao hemi kam fo mitim hem. Hemi gohed fo dans kamaot wetem tamborin blong hem.

Jajis 18:29

So olketa sensim nem blong Laeis mekem olketa kolem hem Dan, wea hemi nem blong grani blong olketa hu hemi san blong Jekob.

Jajis 20:11

So evriwan i joen tugeta olsem wanfala grup nomoa wea i wanmaen fo go faetem olketa pipol blong Gibea.

Jajis 20:18

Oraet, olketa blong Israel i go long tambuples long Betel an prea olsem go long God, “?Hu long mifala nao bae hemi go fastaem fo faetem traeb blong Benjamin?” Yawe hemi ansa olsem, “Traeb blong Jiuda mas lidim yufala.”

Jajis 20:2

Nao evri sif blong evri traeb blong Israel i hipap tugeta wetem olketa pipol. An namba long olketa soldia hemi 400,000, an olketa evriwan i garem naet fo faet.

Jajis 20:26

Nao ami blong Israel i gobaek moa long Betel an olketa barava filnogud tumas. Olketa gohed fo krae long Yawe an olketa no kaikaim enisamting go-go san hemi godaon. An olketa bonem olketa deferen kaen sakrifaes fo wosipim hem.

Jajis 20:8

Olketa evriwan i wanmaen nao an tok olsem, “No eniwan long yumi nao bae hemi go hom.

Jajis 21:5

Bihaen, olketa ask olsem, “?Waswe, long taem yumi kam tugeta frant long Yawe long Mispa, hu nao long olketa traeb blong yumi hemi no kam joen wetem yumi?” Olketa ask olsem, bikos long taem ya olketa bin mekem wanfala tambu promis olsem, “Sapos eniwan long yumi hemi no kam joen wetem yumi frant long Yawe long hia tude, bae yumi mas kilim hem dae.”

1 Samuel 10:17

Bihaen, Samuel hemi kolem olketa pipol blong Israel fo goap long Mispa mekem olketa herem mesij blong Yawe.

1 Samuel 3:20

Olketa evriwan long laen blong Israel, stat long taon long Dan long not go kasem taon long Beereseba long saot, olketa save olsem hemi wanfala trufala profet blong Yawe.