Jajis 2:5 - Pijin Bible

⁵ So olketa kolem ples ya “Bokim”, wea hemi minim “Olketa krae”. Nao olketa mekem sakrifaes go long Yawe long ples ya.

Pijin Deuterocanon

⁵ So olketa kolem ples ya “Bokim”, wea hemi minim “Olketa krae”. Nao olketa mekem sakrifaes go long Yawe long ples ya.

Jajis 2:5 Iomraidhean Croise

Jenesis 35:8

Nao, olowoman wea olketa kolem Debora hemi dae long ples ya, an olketa berem hem long botom blong wanfala ok tri long saot saet long Betel. So from samting ya nao, olketa kolem ok tri ya Alonbakut, wea i minim, “Ok tri ya long ples fo krae.” Olo ya hemi bin lukaftarem Ribeka long taem hemi pikinini yet.

Josua 7:26

Olketa hipimap olketa ston antap long bodi blong olketa, an hip ston ya hemi stap yet ka-kam kasem tude. Hem nao olketa kolem ples ya Akoa Vali, wea hemi minim “Trabol Vali.” Bihaen, Yawe hemi no kros moa long olketa pipol blong Israel.

Jajis 13:19

Oraet, Manoa hemi go tekem wanfala yang nanigot wetem bred, an hemi kam bonem antap long wanfala bikfala ston fo mekem sakrifaes long Yawe. Taem faea ya hemi laet antap long ston, Yawe hemi duim wanfala bikfala samting. Tufala lukim dat faea hemi laet goap long skae an disfala Enjel blong Yawe hemi go insaet long laet blong faea nao. So Manoa jes save dat man ya hemi barava Enjel blong Yawe. Tufala fraet tumas so tufala foldaon long graon an haedem fes blong tufala. An bihaen, tufala no lukim moa Enjel ya.

Jajis 2:1

Enjel blong Yawe hemi goaot from ples long Gilgal fo go long pipol blong Israel long ples wea nem blong hem Bokim. An hemi tok olsem long olketa. “Bifoa, mi tekem yufala aot from Ijip, an mi tekem yufala kam long lan wea mi promisim long olketa grani blong yufala bifoa. An mi bin tok olsem long olketa grani blong yufala, ‘Bae mi nating brekem agrimen wea mi mekem wetem yufala.

Jajis 2:4

Taem Enjel blong Yawe hemi talem finis toktok long pipol blong Israel, evriwan barava krae nao.

Jajis 2:6

Bifoa kam, Josua hemi sendemaot olketa pipol blong Israel. An evriwan long olketa hemi go fo tekem ples blong hem insaet long lan wea God hemi promisim.

Jajis 6:24

Nao Gidion hemi wakem wanfala olta fo wosipim Yawe long ples ya, an hemi kolem ples ya “Yawe hemi Givim Piis”. An olta ya hemi stap yet long Ofra long graon blong laen blong Abiesa.

1 Samuel 7:9

Den Samuel hemi kilim wanfala smolfala sipsip an hemi ofarem long Yawe olsem sakrifaes wea hemi barava bone. An hemi prea go long Yawe fo hemi helpem olketa. Nao Yawe hemi herem prea blong hem.