Jajis 2:21 - Pijin Bible

²¹ bae mi no save ronemaot olketa narafala pipol wea i bin stap long lan ya long taem wea Josua hemi dae.

Pijin Deuterocanon

²¹ bae mi no save ronemaot olketa narafala pipol wea i bin stap long lan ya long taem wea Josua hemi dae.

Jajis 2:21 Iomraidhean Croise

Esikiel 20:24

Mi bin jajem olketa olsem bikos olketa les fo lisin long toktok blong mi an les fo obeim olketa lo blong mi. An olketa Sabat de wea mi makem fo olketa res long hem, olketa barava mekravis long hem nao. Olketa aftarem nomoa olketa ravis kaving blong olketa grani blong olketa bifoa.

Josua 23:4

An mi bin givim finis disfala lan stat kam long Jodan Riva long ist go-go hemi en long Mediterenian Si long west. Ya, mi bin givim finis olketa lan blong olketa narafala pipol wea yumi bin winim long faet an wetem olketa lan long narafala pipol wea yumi no winim yet.

Josua 23:5

Yawe hu hemi God blong yumi nao hemi bin promisim finis long yumi dat bae hemi mekem olketa enemi blong yumi fo ranawe from yumi. Ya, taem yumi go insaet long lan blong olketa, bae hem nao hemi ronem olketa aot an bae yufala nao i tekova long lan blong olketa olsem wea hemi bin promisim long yufala.

Jajis 1:1

Bihaen long taem wea Josua hemi dae, olketa blong Israel i askem Yawe olsem, “?Wanem traeb nao bae go fastaem fo faetem olketa pipol blong Kenan?”

Jajis 2:3

Dastawe nao mi talem stret long yufala, distaem, sapos yufala go fo faet wetem pipol long disfala eria long Kenan, bae mi no helpem yufala fo winim olketa. Bat bae olketa mekful long yufala an olketa god blong olketa bae i kamap olsem wanfala trap fo kasem yufala.”

Jajis 3:1

Yawe hemi letem samfala pipol blong Kenan fo stap yet long lan ya. Hem duim olsem fo yusim olketa fo traem pipol blong hem hu i no bin joenem olketa dadi blong olketa long faet long Kenan bifoa.

Jajis 3:3

Olketa laen wea i stap yet long lan ya hemi olsem: faefala ravis lida blong Filistia wetem pipol blong olketa, an laen blong Kenan, an laen blong Saedon, an laen blong Hivi wea i stap long olketa maonten long Baal-Hemon go kasem Lebo-Hamat.