Jajis 18:10 - Pijin Bible

¹⁰ Taem yumi go kasem datfala ples, bae yufala lukim dat olketa pipol i tingse olketa stap nomoa long sef ples. Ples ya hemi bikfala an hemi garem evrisamting wea yumi laekem. An God hemi givim finis datfala ples long yumi.”

Pijin Deuterocanon

¹⁰ Taem yumi go kasem datfala ples, bae yufala lukim dat olketa pipol i tingse olketa stap nomoa long sef ples. Ples ya hemi bikfala an hemi garem evrisamting wea yumi laekem. An God hemi givim finis datfala ples long yumi.”

Jajis 18:10 Iomraidhean Croise

Eksodas 3:8

Dastawe nao, mi kamdaon fo tekem olketa aot from paoa blong pipol long Ijip an fo lidim olketa aot from lan ya. Bae mi tekem olketa go long wanfala gudfala lan, wea i bikfala tumas, an wea graon blong hem hemi gudfala tumas, an oltaem hemi garem kaikai long hem. Hem nao lan wea distaem, olketa laen blong Kenan, an olketa laen blong Het, an olketa laen blong Amoa, an olketa laen blong Peris, an olketa laen blong Hivi, an olketa laen blong Jebus olketa stap long hem.

Esikiel 20:6

Long datfala taem, mi bin mekem strongfala promis fo tekem olketa aot from Ijip, an lidim olketa long wanfala lan wea mi siusim finis fo olketa stap long hem. Lan ya hemi barava gud tumas winim evri narafala kantri long wol. Graon blong hem hemi barava gud tumas, an oltaem hemi garem staka kaikai long hem.

Diutronomi 2:29

Laen blong Iso long Seia, an pipol blong Moab long Ara, olketa ya letem mifala gotru long eria blong olketa finis. Plis, mifala laek fo gotru long ples blong yu an katkros long Jodan Riva, fo go long lan wea Yawe, God blong mifala, hemi givim long mifala.’

Diutronomi 4:1

Mosis hemi tok moa olsem, “!Pipol blong Israel, yufala mas obeim olketa lo an rul wea bae mi gohed fo tisim yufala long hem. An sapos yufala obeim, Yawe hu hemi God blong olketa olo blong yumi bifoa, bae hemi mekem yufala fo laef, an bae yufala save go tekova long lan wea hemi redi fo givim long yufala.

1 Timoti 6:17

Olketa pipol hu i garem plande risis long wol ya, yu mas talemaot strong long olketa fo olketa mas no praod tumas. Olketa mas no putum trast blong olketa long olketa samting wea hemi save lus enitaem, bat olketa mas putum trast blong olketa long God nomoa. Hem nao hemi save givim kam evri gudfala samting fo mekem yumi stap hapi.

Josua 2:23

Bihaen, tufala kamdaon moa, an katkros long Jodan Riva fo gobaek long Josua, an talem hem abaotem evrisamting wea hemi hapen long tufala.

Josua 2:24

An tufala tok olsem, “Yumi barava save nao dat Yawe hemi givim finis datfala lan fo yumi. Evri pipol long ples ya i barava fraet fogud long yumi.”

Josua 6:16

Taem olketa goraonem taon ya long mekseven taem finis, olketa prist i redi fo bloum olketa trampet longtaem tumas. Den Josua hemi tok olsem long olketa, “!Distaem, yufala singaot bikfala! !Yawe hemi putum finis taon ya long han blong yumi!

Jajis 18:11

So 600 soldia long traeb blong Dan i tekem olketa wepon an goaot from Sora an Estaol.

Jajis 18:27

So traeb blong Dan i tekem olketa tambu samting an prist ya tu. Den olketa go fo faetem taon long Laeis. Olketa pipol long taon ya i kuaet tumas an no save faet. So traeb blong Dan i kilim olketa dae an bonem taon blong olketa.

Jajis 18:7

Nao faefala ya i go kasem taon long Laeis wea hemi farawe long not. Long datfala ples, faefala ya i lukim dat olketa pipol blong datfala taon i tingse hemi sef ples nomoa. An kastom blong olketa hemi olsem kastom long taon long Saedon, nomata Saedon hemi stap farawe from ples ya. Olketa i kuaet pipol nomoa an olketa no save faet o mekem trabol long eni narafala pipol. An olketa garem plande gudfala samting long lan blong olketa. An olketa nating wari nomoa long olketa narafala pipol kolsap long olketa.

Jajis 18:9

An faefala ya i tok olsem, “Ya, mifala lukim dat lan blong olketa long Laeis hemi barava gud tumas. So yumi mas go nao long ples ya fo faetem olketa. An yumi mas go kuiktaem fo tekova long ples ya.