Jajis 16:12 - Pijin Bible

¹² Oraet, Dilaela hemi tekem olketa niufala rop an taemapem Samson long hem. Taem olketa man i haed long narafala rum, hemi kolem hem olsem, “!Samson getap! !Olketa blong Filistia i kam nao!” Bat Samson hemi stanap an brekem olketa rop long han blong hem olsem olketa pis koton nomoa.

Pijin Deuterocanon

¹² Oraet, Dilaela hemi tekem olketa niufala rop an taemapem Samson long hem. Taem olketa man i haed long narafala rum, hemi kolem hem olsem, “!Samson getap! !Olketa blong Filistia i kam nao!” Bat Samson hemi stanap an brekem olketa rop long han blong hem olsem olketa pis koton nomoa.

Jajis 16:12 Iomraidhean Croise

Aposol 21:33

Nao kapten blong ami hemi kam kasem Pol an hemi talem olketa soldia blong hem fo kasholem hem an taemapem hem wetem tufala sen. An hemi askem olketa pipol olsem, “?Hu nao disfala man ya? ?An wanem nao hemi duim?”

Jajis 15:14

Oraet, taem olketa kasem Lehi, olketa soldia blong Filistia i ran kam long hem an olketa singaot. Long datfala taem, Spirit blong Yawe hemi kam long hem, an hemi mekem hemi strong moa. Hemi brekem tufala rop ya wea olketa taemapem long hem, olsem wea man save brekem drae gras.

Jajis 16:11

Samson hemi tok olsem, “Sapos olketa taemapem mi long olketa niufala rop wea no eniwan bin yusim bifoa, bae mi wik nomoa olsem olketa narafala man.”

Jajis 16:13

Bihaen, Dilaela hemi tokhad olsem long hem, “Yu barava mekful fogud long mi. Yu gohed nomoa fo laea long mi. Olketa samting ya yu talem hemi nating tru. Plis yu talem long mi. ?Sapos wanfala man hemi wande taemapem yu, wanem nao bae hemi duim?” An Samson hemi tok olsem, “Yu save mi garem sevenfala koel blong longfala hea blong mi, nao sapos yu tekem olketa an yu taengem wetem kaleko wea yu gohed fo wakem, an yu fasenem wetem stik blong masin fo wakem kaleko, bae mi kamap wik nomoa olsem olketa narafala man.”