Jajis 15:4 - Pijin Bible

⁴ So hemi go holem 300 wael dog, an hemi taemapem tel blong evri tufala tugeta, an hemi taetem olketa drae lif long tel blong olketa wael dog ya.

Pijin Deuterocanon

⁴ So hemi go holem 300 wael dog, an hemi taemapem tel blong evri tufala tugeta, an hemi taetem olketa drae lif long tel blong olketa wael dog ya.

Jajis 15:4 Iomraidhean Croise

2 Samuel 14:30

Den hemi tok olsem long olketa wakaman blong hem, “Yufala save long gaden blong Joab wea hemi stap long saet blong gaden blong mi. Yufala go putum faea long bali wea hemi grou long hem.” So olketa go putum faea long gaden ya.

Sams 63:10

Bae olketa ya i dae long faet, an bae olketa wael dog nao i kaikaim bodi blong olketa.

Provebs 26:18

Taem man hemi laea long wantok, an talem dat hemi mekfan nomoa, hemi olsem man hu i mentol an hemi sutim olketa aro.

Nambawan Singsing 2:15

Yumi go ronem an kasholem olketa smolfala wael dog ya, nogud olketa spoelem plantesin grep wea hemi garem flaoa nao.

Aesaea 7:4

Yu mas tok olsem long hem, ‘!King Ehas! !Yu mas no wari o fraet! Tingting blong yu mas no wikdaon. !Yu lisin kam! Yu no fraetem tufala king ya Resin wetem Peka. Kros blong tufala fo yu hemi olsem smok blong tufala pis sakol wea hemi kolsap dae nao.

Lamentesin 5:18

Mifala gohed fo sore an krae bikos maonten long Saeon hemi kamap emti ples wea olketa wael dog nomoa i stap long hem.

Jajis 15:3

Samson hemi tok olsem, “Maekrangge, distaem hemi stret nomoa fo mi spoelem laen blong Filistia.”

Jajis 15:5

Hemi laetem olketa lif, an letem olketa wael dog ya fo ran olobaot long olketa gaden wit blong laen blong Filistia. Faea ya hemi bonem olketa wit wea olketa tekemaot an hipimap finis an olketa wea i no tekemaot yet. An hemi bonem tu olketa plantesin blong grep an olketa plantesin blong oliv.