Jajis 14:6 - Pijin Bible

⁶ Nao Spirit blong Yawe hemi kamdaon long hem an mekem hem kamap barava strong tumas, an hemi go kilim dae laeon ya an pisisim bodi blong hem long han blong hem nomoa. Hemi kilim dae datfala laeon olsem wea laeon save kilim dae smolfala nanigot nomoa. Bat hemi no talem samting ya long mami an dadi blong hem.

Pijin Deuterocanon

⁶ Nao Spirit blong Yawe hemi kamdaon long hem an mekem hem kamap barava strong tumas, an hemi go kilim dae laeon ya an pisisim bodi blong hem long han blong hem nomoa. Hemi kilim dae datfala laeon olsem wea laeon save kilim dae smolfala nanigot nomoa. Bat hemi no talem samting ya long mami an dadi blong hem.

Jajis 14:6 Iomraidhean Croise

Sams 91:13

Bae yu save step nomoa long olketa wael animol an olketa poesen snek. Ya, nomata olsem no eni nogud samting save spoelem yu.

Aesaea 42:2

Bae hemi no singaot bikfala falom olketa rod long taon.

Sekaraea 4:6

Oraet, enjel ya hemi tok olsem long mi, ?Hem ya nao Mesij blong Yawe long Serababel: I no long strong blong yufala. An i no long paoa blong yufala. Bat i long spirit blong mi nomoa. ?Hem nao toktok blong Yawe hu hemi garem evri paoa.

Matiu 11:29

Yufala kam fo falom tising blong mi an letem mi lanem yufala, bikos mi ya, mi no save raf an mi no haemapem mi seleva. An bae yufala save faendem ples fo res long laef blong yufala ya.

Hibrus 11:33

Olketa biliv long God, an dastawe olketa duim enikaen bikfala samting. Olketa faetem olketa deferen kantri an olketa winim olketa. Olketa duim wanem hemi stret an olketa tekem olketa gudfala samting wea God hemi promis fo givim long olketa. Olketa satem maos blong olketa laeon,

1 Jon 3:8

Bat eniwan hu hemi gohed olowe long wei blong sin, hemi pikinini blong Seitan ya, bikos Seitan nao hemi stap olowe long wei blong sin stat kam bifoa. Bat San Blong God nao hemi kam fo barava spoelem evrisamting wea Seitan hemi duim.

Jajis 11:29

Oraet, Spirit blong Yawe hemi kam long Jefta an givim paoa long hem. So hemi go long lan blong Gilead an long lan blong Manase fo kolem kam olketa man fo faet. An hemi kambaek moa long Mispa long Gilead an bihaen hemi go fo faetem laen blong Amon.

Jajis 13:25

Oraet, Spirit blong Yawe hemi stat fo mekem Samson fo kamap strong taem hemi stap long Mahane-Dan, wanfala ples midol long tufala taon long Sora an Estaol.

Jajis 14:19

Spirit blong Yawe hemi kam long hem, an hemi mekem hemi barava strong moa, nao hemi godaon long taon long Askelon. An long ples ya, hemi kilim dae tetifala man an tekemaot olketa spesol kaleko blong olketa. Bihaen, hemi gobaek long Timna an hemi givim olketa kaleko ya long olketa man hu i talemaot ansa blong tokhaed ya. Hemi barava kros fogud from disfala samting, so hemi gobaek long ples blong dadi blong hem.

Jajis 14:5

Oraet, Samson wetem mami an dadi blong hem i godaon long Timna. An taem hemi wakabaot go long wanfala plantesin blong grep blong Timna, hemi herem wanfala yang laeon hemi mekem bikfala noes an kamaot long hem.

Jajis 14:7

Oraet hemi godaon fo tok wetem gele ya, an hemi barava laekem hem tumas.

Jajis 15:15

Den Samson hemi lukim wanfala bon blong maos blong dongki wea hemi jes dae, so hemi pikimap an yusim fo kilim dae 1,000 soldia blong Filistia.

Jajis 15:8

So hemi faetem olketa go-go hemi kilim dae staka long olketa. An bihaen, hemi lusim eria blong Filistia an go fo haed long kev long ples long Etam.

Jajis 16:30

Long semtaem hemi singaot bikfala olsem, “!Nomata mi dae, letem olketa blong Filistia dae!” Den hemi yusim paoa blong hem, an hemi pusumaot tufala pos ya, nao Tambuhaos hemi foldaon antap long olketa sif wetem evriwan insaet long hem. Long taem wea Samson hemi dae, hemi kilim dae plande pipol moa winim olketa wea hemi bin kilim dae long taem wea hemi laef.

Jajis 3:10

Nao Spirit blong Yawe hemi kam long Otniel an hemi givim paoa long hem an hemi kamap sif blong Israel an lidim olketa long faet. Nao Yawe hemi mekem Otniel winim Kusan-Risataem.

1 Samuel 10:16

An Sol hemi ansa olsem, “Hemi talem mitufala wea olketa faendem finis olketa dongki ya.” Bat Sol hemi no talem angkol blong hem wea profet hemi sei bae Sol hemi kamap king.

1 Samuel 10:6

An seknomoa, Spirit blong Yawe bae hemi kam kontrolem yu, an yu tu bae yu go joenem olketa fo dans an singsing fo preisim God. Hem nao bae yu kamap deferen man finis.

1 Samuel 11:6

An taem hemi herem nius ya nomoa, Spirit blong God hemi kam an kontrolem hem nao wea hemi mekem hem kamap kros tumas.

1 Samuel 14:1

Long datfala taem, King Sol hemi go putumap haostent blong hem kolsap long botom blong wanfala frut tri long Migron, kolsap nomoa long Gibea. An hemi garem samting olsem 600 soldia i stap wetem hem long ples ya. An wanfala prist wea nem blong hem Ahaeja, hemi stap wetem hem. Hemi san blong Ahitub hu hemi brata blong Ikabod. Dadi blong Ahitub an Ikabod hemi Finehas, hu hemi san blong Ilae, disfala prist blong Yawe long Saelo bifoa. Ahaeja ya hemi karim disfala tambu efod fo save long olketa ansa blong Yawe. Wanfala de, Jonatan hemi tok olsem long soldia wea hemi karim olketa samting blong hem fo faet, “Yu kam. Bae yumitufala go lukim olketa soldia blong Filistia wea i stopem rod long Mikmas.” Bat hemi nating talem long dadi blong hem, an olketa soldia tu i no save dat hemi go.

1 Samuel 17:46

Tude nomoa, Yawe bae hemi putum yu long han blong mi. Bae mi kilim yu an katemaot hed blong yu. An bae mi givim go bodi blong yufala blong Filistia long olketa bed an long olketa wael animol fo kaikaim. Den evriwan bae save olsem God hemi lukaftarem Israel.