Jajis 14:12 - Pijin Bible

¹² Samson hemi tok olsem long olketa, “Bae mi talem yufala wanfala tokhaed, an yufala mas talem ansa blong hem insaet long sevenfala de blong disfala fist. Sapos yufala talemaot mining blong tokhaed ya, oraet bae mi givim long yufala teti lavalava wea olketa wakem long nambawan waet kaleko an teti spesol kaleko moa.

Pijin Deuterocanon

¹² Samson hemi tok olsem long olketa, “Bae mi talem yufala wanfala tokhaed, an yufala mas talem ansa blong hem insaet long sevenfala de blong disfala fist. Sapos yufala talemaot mining blong tokhaed ya, oraet bae mi givim long yufala teti lavalava wea olketa wakem long nambawan waet kaleko an teti spesol kaleko moa.

Jajis 14:12 Iomraidhean Croise

Jenesis 45:22

an hemi givim olketa niufala kaleko tu long olketa. Bat fo barava brata blong hem ya, hemi givim faefala niufala kaleko long hem, wetem 300 silva seleni.

1 Kings 10:1

Nao Kuin long Seba hemi herem nius wea Yawe hemi mekem King Solomon fo garem barava biknem, so hemi kam fo lukim hem long Jerusalem. Hemi askem olketa had kuestin long king fo testem waes blong hem.

2 Kings 5:22

An Gehasi hemi tok olsem, “Ya, evrisamting hemi oraet nomoa, bat masta blong mi hemi sendem mi kam fo tok long yu olsem, ‘Distaem nomoa tufala yangfala profet i jes kam. Tufala kam from olketa hil long distrik blong Efrem, plis yu givim kam teti-foa kilo silva, an tufala nambawan kaleko fo tufala.’ ”

2 Kings 5:5

An king long Siria hemi tok olsem, “Oraet, bae mi raetem wanfala leta, mekem yu go givim long king long Israel.” Den Naaman hemi tekem leta blong king ya, an hemi tekem 340 kilo silva, an 70 kilo gol, an tenfala nambawan kaleko, an hemi go.

2 Kronikols 7:8

So King Solomon wetem staka pipol blong Israel i mekem fist blong Bikde fo Stap long Smolfala Lif Haos, an olketa gohed long fist ya fo sevenfala de. Long taem ya, staka pipol tumas i kam from olketa ples, stat long Lebo-Hamat long not, go kasem smolfala wata long spialaen long lan blong Ijip long saot.

Sams 49:4

Bae mi tingting gudfala long olketa waes toktok wea olketa olo i bin talem, an taem mi ringim gita bae mi talemaot mining blong olketa waes toktok ya.

Provebs 1:6

fo save long mining blong olketa waes toktok an save givim ansa long kuestin blong waesman.

Provebs 31:24

Woman olsem, hemi wakem olketa gudfala kaleko, an hemi salem long olketa bisnisman.

Esikiel 17:2

“Man blong graon. Yu mas talem wanfala parabol long olketa pipol blong Israel.

Esikiel 20:49

Mi tok olsem, “!Lod Yawe! Bae olketa pipol i nating lisin long mi, bikos olketa jes gohed fo tokabaotem mi olsem, ‘!Hemi man fo talem parabol nomoa ya!’”

Matiu 13:13

So mi yusim olketa tokpiksa fo tisim pipol ya, bikos taem olketa lukluk, olketa nating luksave nomoa, an taem olketa lisin, olketa nating heresave o minim nomoa.

Matiu 13:34

Evrisamting wea Jisas hemi talem long olketa pipol ya, hemi talem long tokpiksa nomoa. Hemi nating talem enisamting long olketa pipol ya wea hemi no save yusim tokpiksa long hem.

Matiu 27:28

Nao olketa tekemaot olketa kaleko blong Jisas, an olketa mekem hem fo werem wanfala longfala red kaleko.

Matiu 6:19

An Jisas hemi sei moa, “Yufala mas no hipimap olketa risis blong yufala long disfala wol. Bikos olketa kokoros an rasta i save spoelem nomoa, an olketa man fo stil olketa save brekem haos fo stilim risis ya tu.

Gudnius abaotem Jisas Kraes wea Luk hemi raetem 14:7

Nao long taem ya, Jisas hemi lukim samfala pipol wea olketa kam fo kaikai wea olketa siusim nomoa olketa nambawan ples fo sidaon long hem. So hemi talem olketa olsem,

Gudnius abaotem Jisas Kraes wea Jon hemi raetem 16:29

Nao olketa disaepol blong hem olketa sei long hem, “!Ei, long distaem yu barava toktok klia nomoa long mifala, yu no toktok long olketa tokpiksa nao!

1 Korin 13:12

Distaem, yumi save lelebet nomoa abaotem God. Hemi olsem yumi lukim long glas wea hemi no klia gudfala. Bat long taem wea bae hemi kam, bae yumi lukim evrisamting stret olsem long ae blong God seleva. Long taem ya, bae yumi save finis nao, olsem God hemi save finis abaotem yumi finis.

Jemes 5:2

Risis blong yufala i gohed fo roten finis. An olketa kaleko i nogud tu.

Jajis 14:11

An taem olketa wantok blong gele ya i lukim Samson, olketa sendem tetifala man fo stap wetem hem long fist ya.

Jajis 14:13

Bat sapos yufala no save talemaot mining blong hem go-go kasem mekseven de blong fist ya, bae yufala givim olketa samting ya long mi.” Nao olketa tok olsem long hem, “Oraet, yu talem kam tokhaed ya.”