Jajis 13:1 - Pijin Bible

¹ Oraet, bihaen moa, pipol blong Israel i gohed fo duim olketa nogud samting long ae blong Yawe. So hemi mekem olketa fo stap andanit long paoa blong laen blong Filistia fo fotifala yia.

Pijin Deuterocanon

¹ Oraet, bihaen moa, pipol blong Israel i gohed fo duim olketa nogud samting long ae blong Yawe. So hemi mekem olketa fo stap andanit long paoa blong laen blong Filistia fo fotifala yia.

Jajis 13:1 Iomraidhean Croise

Jeremaea 13:23

?Waswe, yufala tingim dat blak man save sensim kala long skin blong hem? ?Waswe, yufala ting bikfala wael puskat hemi save sensim olketa kala long bodi blong hem? Olketa ya no save mekem samting ya, an yufala tu wea oltaem yufala gohed fo mekem olketa ravis wei, yufala tu no save sensim wei blong yufala fo mekem olketa samting wea hemi stret.

Leta wea Pol hemi raetem go long sios long Rom 2:6

Bae God hemi peimbaek evri pipol falom wanem nao olketa duim.

Hibrus 11:32

?An wanem nao bae mi talem moa? Mi no garem taem fo toktok abaotem Gidion, an Barak, an Samson, an Jefta, an Deved, an Samuel, an olketa profet moa.

Jajis 10:6

An bihaen, pipol blong Israel i gohed moa fo duim olketa nogud samting long ae blong Yawe. Olketa lusim hem an wosipim olketa tambu kaving blong Baal an Astarot. Olketa gohed fo wosipim tu olketa god blong Siria, an olketa god blong Saedon, an olketa god blong Moab, an olketa god blong Amon, an olketa god blong Filistia.

Jajis 10:7

So, Yawe hemi kros tumas long olketa, an hemi letem laen blong Filistia long west an laen blong Amon long ist fo faetem olketa.

Jajis 12:15

an hemi dae, an olketa berem hem long Piraton, long olketa maonten long lan blong Efrem wea bifoa i blong laen blong Amalek.

Jajis 14:4

Long datfala taem, olketa blong Filistia nao i rul ovarem pipol blong Israel. An yu save, wanem Samson hemi duim hemi kamap bikos Yawe hemi wande spoelem olketa long Filistia. Bat mami an dadi blong hem i no save long diswan.

Jajis 15:11

Nao 3,000 soldia blong Jiuda i go long kev long Etam an tokstrong olsem long Samson, “?Wanem nao yu duim long mifala? ?Waswe, yu no save nomoa dat olketa blong Filistia i rul ovarem yumi?” Bat hemi tok olsem, “Mi duim olketa samting ya fo sensimbaek wanem olketa bin duim long mi fastaem.”

Jajis 15:20

Samson hemi lidim pipol blong Israel fo tuentifala yia long taem wea laen blong Filistia hemi rul ovarem olketa.

Jajis 2:11

Long datfala taem, pipol blong Israel i stat fo duim olketa nogud samting long ae blong Yawe an wosipim olketa laea god olsem Baal.

Jajis 3:7

Oraet, pipol blong Israel i gohed fo duim olketa nogud samting long ae blong Yawe hu hemi God blong olketa. Olketa lusim hem an gohed fo wosipim olketa laea god olsem Baal an Astarot.

Jajis 4:1

Taem Ehud hemi dae finis, pipol blong Israel i gohed fo duim olketa nogud samting long ae blong Yawe.

Jajis 6:1

Nao pipol blong Israel i gohed fo duim olketa nogud samting moa agensim Yawe, an from samting ya, hemi mekem laen blong Midian i mekful long olketa long Israel fo sevenfala yia.

1 Samuel 12:9

Bat nomata olsem, olketa nating tingabaotem Yawe God blong olketa. So hemi letem king blong Moab wetem ami blong hem fo faetem an winim olketa. Bihaen, hemi letem Sisera wetem ami from Hasoa fo kam faetem olketa. An bihaen, hemi letem moa ami blong Filistia fo winim olketa.

1 Samuel 4:9

!Yumi mas stanap strong! !Yumi mas faet olsem barava man! Sapos nomoa, bae olketa spoelem yumi. Bae olketa mekem yumi fo kamap slev blong olketa, olsem wea bifoa, yumi mekem olketa fo kamap slev blong yumi. !Yumi man ya! !Distaem yumi mas faet!”

1 Samuel 7:13

So ami blong Filistia i lus, an olketa no kambaek moa long lan blong Israel fo faetem olketa. An long taem blong Profet Samuel, Yawe hemi agensim olketa blong Filistia ya.