Jajis 12:8 - Pijin Bible

⁸ Nao bihaen long Jefta, Ibsan hemi kamap sif long Israel, an hemi wanfala man blong Betlehem.

Pijin Deuterocanon

⁸ Nao bihaen long Jefta, Ibsan hemi kamap sif long Israel, an hemi wanfala man blong Betlehem.

Jajis 12:8 Iomraidhean Croise

Jenesis 15:19

Olketa pipol wea i stap yet long graon ya distaem, nao olketa long laen blong Kein, laen blong Kenas, laen blong Kadmon, laen blong Het, laen blong Peris, laen blong Refaem, laen blong Amoa, laen blong Kenan, laen blong Gigas, an laen blong Jebus.”

Maeka 5:2

Yawe hemi tok olsem, “Yufala blong vilij ya long Betlehem, long provins long Efrata long Jiuda. Vilij blong yufala hemi wanfala smolfala vilij nomoa long olketa taon wea i stap raonem yufala. Bat nomata olsem, bae mi mekem wanfala man long traeb blong yufala, fo rul ovarem Israel. Laen blong man ya, hemi wanfala impoten laen wea hemi barava stat kam longtaem bifoa.”

Matiu 2:1

Jisas hemi bon long taon long Betlehem long provins long Jiudia, an hemi long taem wea Herod hemi king ovarem kantri ya. No longtaem bihaen wea Jisas hemi bon, samfala man hu olketa stap kam farawe tumas long ist, olketa kam kasem Jerusalem. Olketa ya olketa save lukluk fo luksave long mining blong olketa sta antap long skae.

Josua 19:15

Nem blong samfala taon wea i stap insaet long eria ya nao: Katat, an Nahalal, an Simron, an Idala an Betlehem. Tuelfala taon wetem olketa vilij raonem olketa i stap long datfala eria.

Jajis 10:1

Bihaen Sif Abimelek hemi dae, Tola, san blong Pua hu hemi san blong Dodo, hemi kamap sif long pipol blong Israel. Hemi wanfala man long traeb blong Isaka, an ples blong hem nao Samia wea hemi stap long olketa maonten long lan blong Efrem.

Jajis 12:7

Jefta hemi sif long Israel fo siksfala yia, an hemi dae, an olketa berem hem long ples blong hem long Gilead.

Jajis 12:9

Hemi garem siksti pikinini wea tetifala i boe, an nara tetifala i gele. Hemi letem olketa dota blong hem fo marit long olketa narafala famili wea i no long laen blong hem. An hemi tekem olketa gele blong narafala famili wea i no long laen blong hem fo kam maritim olketa boe blong hem. Hemi lidim pipol blong Israel fo sevenfala yia,

Jajis 17:7

Oraet, wanfala yangman from traeb blong Livae, hemi stap long Betlehem long lan blong traeb blong Jiuda, bat hemi no man blong datfala ples.

Jajis 19:1

Long taem wea pipol blong Israel i no garem king yet, wanfala man long traeb blong Livae hemi stap long bus long olketa maonten long lan blong Efrem. Hemi garem wanfala woman blong Betlehem long Jiuda.

1 Samuel 16:1

Nao Yawe hemi tok olsem long Profet Samuel, “?Bae yu filnogud from King Sol go-go kasem wataem? Mi les fo hemi king long Israel. Yu tekem oliv oel an yu go faendem wanfala man long Betlehem, nem blong hem Jese. Mi siusim wanfala san blong hem finis fo hemi kamap king.”