Jajis 12:6 - Pijin Bible

⁶ oraet olketa talem hem fo sei “Jibolet”. Bat sapos hemi tok olsem, “Sibolet” olketa holem an kilim hem dae. Olketa duim olsem bikos olketa save dat traeb blong Efrem i no save talem stret, “Jibolet”. An long datfala taem, olketa kilim dae 42,000 man long traeb blong Efrem.

Pijin Deuterocanon

⁶ oraet olketa talem hem fo sei “Jibolet”. Bat sapos hemi tok olsem, “Sibolet” olketa holem an kilim hem dae. Olketa duim olsem bikos olketa save dat traeb blong Efrem i no save talem stret, “Jibolet”. An long datfala taem, olketa kilim dae 42,000 man long traeb blong Efrem.

Jajis 12:6 Iomraidhean Croise

Sams 69:15

Plis no letem wata ya wea hemi flad fo kavarem mi, an no letem mi draon insaet long dipsi, an no letem mi fo lus godaon insaet long grev.

Sams 69:2

Mi gohed fo draon nao insaet long suam wea hemi fulap fogud long mad, an hemi no garem strongfala graon fo mi stanap long hem, Ya, mi stap insaet long wata wea hemi flad bikfala, hemi kavarem mi an kolsap fo hemi draonem mi nao.

Provebs 17:14

Stat blong raoa hemi olsem wata hemi lus long smol hol long tangk, stopem bifoa bikfala faet i kamap.

Provebs 18:19

Hemi had tumas fo go kolsap long brata hu hemi kros long yu, bikos hemi olsem biktaon wetem wolston raonem. Raoa blong hem, hemi olsem aean geit wea olketa lokem.

Eklesiastes 10:12

Toktok blong waes man nao hemi mekem pipol fo tinghae long hem, bat toktok blong krangge man hemi spoelem hem seleva.

Aesaea 27:12

Long datfala taem, bae Yawe hemi panisim olketa pipol stat long Yufretis Riva long not, go-go kasem spialaen blong Ijip long saot. Bae hemi olsem wea man hemi bitim wit fo aotem skin blong hem, mekem hemi hipimap olketa gudfala sid blong wit. Bae Yawe hemi hipimap evri pipol blong Israel from olketa ples ya.

Matiu 12:25

Nomata olsem, Jisas hemi save nomoa long wanem olketa tingim, so hemi sei nao, “Sapos olketa pipol long wanfala kantri olketa faetem olketa seleva, bae kantri ya hemi barava nogud nao. An sapos wanfala famili o olketa pipol long wanfala taon olketa faetem olketa seleva, bae olketa no save stapgud moa ya.

Matiu 26:73

Bihaen lelebet taem moa, olketa pipol hu i stanap long ples ya olketa kam fo tok olsem long Pita tu, “Hemi tru nao ya, yu wanfala long olketa tu ya, bikos toktok blong yu nao hemi somaot ya.”

Gudnius abaotem Jisas Kraes wea Mak hemi raetem 14:70

Bat Pita hemi sei moa, “Mi nating save long man ya.” Bihaen lelebet taem moa, olketa pipol ya hu i stanap long ples ya olketa talem Pita olsem moa, “Ya, hemi tru ya, yu nao wanfala long olketa, bikos yu man blong Galili tu ya.”

Galesia 5:15

Bat sapos yufala gohed fo kros an fo faet olobaot nomoa long yufala seleva, yufala mas lukaot, nogud yufala spoelem yufala seleva finis.

Jajis 12:5

Nao ami blong Gilead i go gadem olketa ples wea man i save go akros long Jodan Riva, mekem traeb blong Efrem i no save ranawe fo go akros long ples ya. Taem eni man long traeb blong Efrem hemi kam ask fo krosim riva, olketa gad i askem hem olsem, “?Yu traeb blong Efrem?” An sapos hemi sei, “Nomoa”,

Jajis 12:7

Jefta hemi sif long Israel fo siksfala yia, an hemi dae, an olketa berem hem long ples blong hem long Gilead.