Jajis 12:4 - Pijin Bible

⁴ So Jefta hemi kolem olketa man blong hem fo kam tugeta, nao olketa faetem traeb blong Efrem an kilim olketa. Hemi duim olsem bikos traeb blong Efrem i bin tokspoelem olketa olsem, “Yufala long laen blong Gilead i ravis tumas an stap nating long ples blong Efrem an Manase.”

Pijin Deuterocanon

⁴ So Jefta hemi kolem olketa man blong hem fo kam tugeta, nao olketa faetem traeb blong Efrem an kilim olketa. Hemi duim olsem bikos traeb blong Efrem i bin tokspoelem olketa olsem, “Yufala long laen blong Gilead i ravis tumas an stap nating long ples blong Efrem an Manase.”

Jajis 12:4 Iomraidhean Croise

1 Kings 17:1

Profet Elaeja hemi man blong Tisbe long Gilead. Nao hemi tok olsem long King Ehab, “Olsem Yawe, God blong Israel, hemi laef olowe, mi tok tru long yu. Mi wakaman blong hem, an mi talem stret long yu, bae hemi no ren fo tu-tri yia. An nomata diu wea i foldaon long naet, bae hemi no save foldaon tu. Bae hemi olsem go-go mi talem hem fo ren.”

Nehemaea 4:4

Nao mi prea olsem, “O God blong mifala. Plis yu herem prea blong mi. Olketa ya barava lukdaonem mifala fogud. Plis yu mekem olketa nogud toktok ya blong Sanbalat an Tobaea fo kasem tufala seleva nao. Plis yu mekem olketa enemi fo fosim olketa fo lusim lan blong olketa an stap long narafala kantri.

Sams 78:9

Olketa soldia long laen blong Efrem i mekredi finis long olketa bou blong olketa fo faet, bat long de ya fo faet, olketa ranawe nomoa.

Provebs 12:13

Nogud tok blong nogud man bae hemi kasholem hem, bat trabol no save kasem stret man.

Provebs 15:1

Tok isi long man wea hemi kros, bae hemi kol moa, tokstrong long hem, bae hemi hot moa.

Jajis 11:10

An olketa bikman i tok olsem, “Ya, mifala evriwan i agri nao. Letem Yawe nao hemi herem disfala agrimen blong yumi.”

Jajis 12:3

Nao taem mi lukim dat yufala no kam fo helpem mifala, nomata mi fraet mi tekem olketa man blong mi an go faetem olketa. An Yawe nao hemi mekem mifala winim olketa. ?So waswe nao yufala wande kam fo faetem mifala distaem?”

Jajis 12:5

Nao ami blong Gilead i go gadem olketa ples wea man i save go akros long Jodan Riva, mekem traeb blong Efrem i no save ranawe fo go akros long ples ya. Taem eni man long traeb blong Efrem hemi kam ask fo krosim riva, olketa gad i askem hem olsem, “?Yu traeb blong Efrem?” An sapos hemi sei, “Nomoa”,

1 Samuel 25:10

Go-go, Nabal hemi tok olsem, “?Deved? ?Hu nao san blong Jese? !Tude, ples ya hemi fulap long olketa slev wea i ranawe from masta blong olketa!