Jajis 11:3 - Pijin Bible

³ Jefta hemi ranawe from olketa brata blong hem an go stap long wanfala gud ples wea olketa kolem Tob. An taem hemi stap long ples ya, samfala nogud man i kam an joenem hem. An olketa Jefta save goaot fo faet an stil.

Pijin Deuterocanon

³ Jefta hemi ranawe from olketa brata blong hem an go stap long wanfala gud ples wea olketa kolem Tob. An taem hemi stap long ples ya, samfala nogud man i kam an joenem hem. An olketa Jefta save goaot fo faet an stil.

Jajis 11:3 Iomraidhean Croise

2 Samuel 10:6

Taem olketa blong Amon i save dat olketa mekem King Deved barava kros fogud long olketa, olketa haerem samfala ami blong Aram. Olketa kolem kam 20,000 soldia blong Aram wea olketa stap long Bet-Rehob an long Soba, an 12,000 man blong taon long Tob, an olketa kolem king blong Maaka tu wetem 1,000 man blong hem. Olketa evriwan i kam joenem olketa fo faet.

2 Samuel 10:8

Den olketa soldia blong Amon i go stanap aotsaet long geit blong taon long Raba, an olketa redi fo faet long dea. An olketa soldia blong Aram wetem olketa soldia blong Tob, an olketa soldia blong Maaka, olketa stap redi fo faet aotsaet long taon ya, long open ples.

Aposol 17:5

Bat olketa bikman blong Jiu olketa barava joles fogud, so olketa go faendem olketa nogud man long taon an olketa hipimap plande pipol moa an olketa mekem bikfala raoa tumas fo kamap insaet long taon ya. An olketa ran go long haos blong Jeson fo lukaotem Pol an Saelas, mekem olketa save tekem tufala go long olketa bikman.

Jajis 11:2

Bat Gilead hemi garem olketa narafala pikinini wea i bon long waef blong hem. An taem olketa grouap, olketa raosim Jefta fo no stap wetem olketa. Olketa tok olsem long hem, “Bae yu no garem enisamting from dadi blong mifala bikos mami blong yu hemi wanfala juri woman.”

Jajis 9:4

Nao olketa tekem seventi silva seleni long tambu haos blong disfala god Baal-Berit an givim go silva ya long Abimelek. Nao hemi tekem seleni ya, an hemi peim go long samfala ravis man fo mekem olketa kam joenem hem.

1 Samuel 22:2

An olketa man hu i trabol, o i garem kaon wea i no save peim, o olketa hu i kros long samting, olketa tu kam joenem hem. Long wei olsem, Deved hemi kamap lida long 400 pipol.

1 Samuel 27:2

So hemi tekem go tufala waef blong hem, Ahinoam, disfala woman from Jesreel, an Abigeil, disfala woman from Kaamel wea hemi wido blong Nabal. An hemi tekem go tu 600 man blong hem wetem olketa woman an pikinini blong olketa. Olketa go stap long taon long Gat, wea Akis, san blong Maok, hemi sif long taon ya.