Jajis 11:23 - Pijin Bible

²³ “Evrisamting ya Yawe nao hemi duim fo olketa pipol blong hem. Hem nao hemi raosim laen blong Amoa. ?So waswe nao yu wande tekem olketa lan ya wea i no blong yufala enitaem bifoa?

Pijin Deuterocanon

²³ “Evrisamting ya Yawe nao hemi duim fo olketa pipol blong hem. Hem nao hemi raosim laen blong Amoa. ?So waswe nao yu wande tekem olketa lan ya wea i no blong yufala enitaem bifoa?

Jajis 11:23 Iomraidhean Croise

Jenesis 48:22

Graon ya long Sekem hemi gudfala tumas an mi givim long yu nao. Mi bin tekem ples ya from olketa laen blong Amoa long faet. Mi no givim graon ya long olketa brata blong yu, mi laek fo givim go long yu seleva nomoa, an hemi blong yu nao.”

2 Kronikols 20:11

Bat wea, distaem olketa kam sensimbaek kaenfala wei blong olketa olo blong mifala, olketa trae fo ronemaot mifala from disfala lan wea yu givim fo mifala.

Josua 5:1

Evri sif long Amoa wea olketa stap long west saet long Jodan Riva an evri sif long Kenan wea i stap kolsap long Mediterenian Si, olketa herem nius wea Yawe hemi mekem Jodan Riva fo kamap drae, mekem olketa blong Israel i save kam akros long riva ya. So olketa fraet tumas long olketa blong Israel an tingting blong olketa hemi barava wikdaon.

Jajis 11:22

Olketa lan wea pipol blong Israel i tekem finis wea fastaem hemi blong laen blong Amoa, hemi stat long Anon Riva long saot an hemi godaon kasem Ded Si an Jodan Riva long west an hemi go kasem Jabok Riva long not an go kasem drae eria long ist.

Jajis 11:24

Kemos nao hemi god blong yufala, an sapos hemi tekova long samfala lan an givim go long yufala, oraet yufala save onam nao. An long sem wei tu, Yawe nao hemi God blong mifala, an taem hemi tekova long disfala lan an givim kam long mifala, oraet mifala onam nao.