Jajis 11:2 - Pijin Bible

² Bat Gilead hemi garem olketa narafala pikinini wea i bon long waef blong hem. An taem olketa grouap, olketa raosim Jefta fo no stap wetem olketa. Olketa tok olsem long hem, “Bae yu no garem enisamting from dadi blong mifala bikos mami blong yu hemi wanfala juri woman.”

Pijin Deuterocanon

² Bat Gilead hemi garem olketa narafala pikinini wea i bon long waef blong hem. An taem olketa grouap, olketa raosim Jefta fo no stap wetem olketa. Olketa tok olsem long hem, “Bae yu no garem enisamting from dadi blong mifala bikos mami blong yu hemi wanfala juri woman.”

Jajis 11:2 Iomraidhean Croise

Jenesis 12:10

Nao long taem Ebram hemi stap long saot ya, evriples long Kenan, olketa no garem naf kaikai, so Ebram hemi gohed fo go moa long saot, go-go hemi kasem disfala kantri ya wea olketa kolem Ijip, nao olketa stap lelebet long ples ya.

Jenesis 21:10

So Sera hemi tok olsem long Ebraham, “Yu mas sendemaot disfala slev woman ya wetem pikinini blong hem, tufala mas goaot from ples ya. Mi no laekem pikinini blong hem ya fo tekova long enisamting. Pikinini blong mi, Aesak nao mas tekova long evrisamting wea yu bin onam ya.”

Provebs 2:16

Lisin long mi, an bae yu sef from suit toktok blong nogud woman.

Provebs 5:20

San, yu no holetaet long woman fo durong, an yu no hapi long waef blong nara man.

Provebs 5:3

Maos blong woman hu hemi laek fo durong hemi suit olsem suga, an kis blong hem hemi naes tumas,

Galesia 4:30

?Bat wanem nao Buktambu hemi talem? Hemi sei, “Raosimaot disfala slev woman wetem san blong hem. Bikos disfala san blong slev woman kanot tekova long enisamting wea dadi hemi onam. San blong fri woman nomoa bae hemi tekova long evrisamting ya.”

Diutronomi 23:2

“Eniwan hu hemi bon taem mami blong hem i no barava marit falom lo blong Israel, an olketa hu bae i kamaot long laen blong hem ya, olketa kaen man olsem i no garem raet fo joenem eni miting blong pipol blong Yawe.

Jajis 11:1

Nao wanfala man hemi stap, nem blong hem nao Jefta, an hemi wanfala nambawan soldia. Mami blong hem hemi wanfala juri woman an dadi blong hem nao Gilead.

Jajis 11:3

Jefta hemi ranawe from olketa brata blong hem an go stap long wanfala gud ples wea olketa kolem Tob. An taem hemi stap long ples ya, samfala nogud man i kam an joenem hem. An olketa Jefta save goaot fo faet an stil.