Jajis 11:14 - Pijin Bible

¹⁴ Taem Jefta hemi herem toktok ya, hemi sendem moa olketa fo go lukim sif ya.

Pijin Deuterocanon

¹⁴ Taem Jefta hemi herem toktok ya, hemi sendem moa olketa fo go lukim sif ya.

Jajis 11:14 Iomraidhean Croise

Sams 120:7

Dastawe nao, nomata mi tokabaotem piis, bat yufala laek fo faet nomoa. (Singsing blong Deved. Olketa singim disfala singsing taem olketa goap fo fist long Jerusalem.)

Leta wea Pol hemi raetem go long sios long Rom 12:18

An yufala mas traehad oltaem fo stapgud long piis wetem evri pipol.

Hibrus 12:14

Yufala mas traehad fo stap long wei blong piis wetem evri pipol, an fo stap holi long ae blong God. Sapos eniwan hemi no stap holi olsem, bae hemi no save lukim Masta.

1 Pita 3:11

Hemi mas lusim olketa ravis wei, an hemi mas falom olketa gudfala wei, an hemi mas traehad fo garem piis wetem olketa nara pipol.

Jajis 11:13

Nao sif ya hemi tok olsem long olketa, “Bifoa kam, taem olketa grani blong yufala i lusim Ijip, olketa tekova long lan blong mifala wea hemi stat long Anon Riva long saot, an falom Jodan Riva long west, an go kasem Jabok Riva long not. Distaem yufala mas givim baek lan ya. Sapos yufala duim olsem bae mifala no mekem eni faet.”

Jajis 11:15

An olketa tok olsem, “Hem nao toktok blong Jefta. Hemi tok olsem: Olketa grani blong mifala bifoa i no tekem olketa lan blong laen blong Moab o blong laen blong Amon. Toktok wea yu talem hemi nating tru ya.