Jajis 10:17 - Pijin Bible

¹⁷ Oraet, laen blong Amon i mekredi fo faet, an olketa kam an stap long lan blong Gilead. An pipol blong Israel i kam tugeta tu long Mispa.

Pijin Deuterocanon

¹⁷ Oraet, laen blong Amon i mekredi fo faet, an olketa kam an stap long lan blong Gilead. An pipol blong Israel i kam tugeta tu long Mispa.

Jajis 10:17 Iomraidhean Croise

Jenesis 31:49

Nao Laban hemi tok olsem, “Letem Yawe hemi gohed fo sekap long yumitufala, taem yumitufala no stap tugeta.” Dastawe olketa kolem moa ples ya “Mispa” o “Ples fo sekap”.

Josua 13:26

An lan ya hemi stat long taon long Hesbon an hemi go moa kasem taon long Rama Mispa an taon long Betonim. An stat kam from taon long Mahanaem, hemi ka-kam kasem spialaen blong ples long Lo-Deba.

Jajis 10:18

Bat olketa lida blong pipol blong Gilead i gohed fo ask olsem, “?Hu nao save lidim yumi fo go faetem laen blong Amon? Man wea hemi lidim yumi, bae hem nao hemi kamap sif blong yumi evriwan long Gilead.”

Jajis 11:11

So hemi gobaek wetem olketa long Mispa. An olketa pipol blong Gilead i mekem hem fo kamap sif blong olketa nao an bos blong olketa soldia blong olketa. An long datfala taem, hemi mekem agrimen wetem olketa long ae blong Yawe.

Jajis 11:29

Oraet, Spirit blong Yawe hemi kam long Jefta an givim paoa long hem. So hemi go long lan blong Gilead an long lan blong Manase fo kolem kam olketa man fo faet. An hemi kambaek moa long Mispa long Gilead an bihaen hemi go fo faetem laen blong Amon.

Jajis 11:34

Jefta hemi garem nomoa wanfala pikinini gele, hemi no garem eni narafala pikinini moa. Oraet, Jefta hemi kambaek long hom blong hem long Mispa, bat wea, dota blong hem nao hemi kam fo mitim hem. Hemi gohed fo dans kamaot wetem tamborin blong hem.

Jajis 11:4

Long taem wea laen blong Amon hemi kam fo faetem pipol blong Israel,

Jajis 11:6

Nao olketa tok olsem long hem, “Hemi gud yu kambaek, an yu lidim mifala fo go faetem laen blong Amon.”

1 Samuel 7:5

Den Profet Samuel hemi sendem go toktok long olketa pipol blong Israel olsem, “Yufala mas kam hipap long Mispa. Long ples ya nao bae mi prea go long Yawe fo yufala.”