Jajis 1:18 - Pijin Bible

^18-19 Yawe hemi gohed fo helpem traeb blong Jiuda fo winim olketa lan antap long olketa hil. Bat olketa no save winim trifala taon long Gasa, an Askelon, an Ekron wetem eria raon long trifala kolsap long solwata. Hemi olsem bikos olketa long olketa taon ya i garem olketa kaat fo faet wea i garem aean wil.

Pijin Deuterocanon

^18-19 Yawe hemi gohed fo helpem traeb blong Jiuda fo winim olketa lan antap long olketa hil. Bat olketa no save winim trifala taon long Gasa, an Askelon, an Ekron wetem eria raon long trifala kolsap long solwata. Hemi olsem bikos olketa long olketa taon ya i garem olketa kaat fo faet wea i garem aean wil.

Jajis 1:18 Iomraidhean Croise

1 Kings 4:24

Hemi kontrolem olketa kantri long west saet long Yufretis Riva, stat long eria long Tifsa, go kasem eria long Gasa. An hemi mekem piis wetem olketa kantri wea i raonem hem.

Eksodas 23:31

An bae mi mekem spialaen long lan blong yufala fo stat long Red Si long saot go-go kasem Yufretis Riva long not, an stat long Mediterenian Si long west go-go kasem bikfala drae eria long ist. Bae mi mekem yufala strong an garem paoa fo tekova long olketa pipol blong lan ya, an bae yufala ronemaot olketa nomoa, taem yufala gohed fo muv go insaet long lan ya.

Jeremaea 25:20

wetem olketa strensa wea i stap long ples ya, an olketa king blong Us, an olketa king blong Filistia long olketa taon long Askelon, an Gasa, an Ekron, an smolfala haf blong Asdod wea hemi stap yet,

Jeremaea 47:5

Olketa long taon long Gasa bae i resarem hed fo somaot dat olketa sore an krae. Olketa long taon long Askelon bae i stap kuaet nomoa nao, bikos olketa no save tok. !Olketa blong Filistia hu i stap laef yet! ?Hao long nao bae yufala gohed fo katem skin blong yufala fo somaot sore blong yufala?

Diutronomi 2:23

An long sem wei tu, olketa lan kolsap long solwata long Mediterenian Si, olketa pipol blong Krit i tekova an stap long hem. Bifoa kam, ples ya hemi ples blong laen blong Avim, bat olketa pipol blong Krit i kilim dae olketa evriwan, an olketa tekova long olketa lan blong olketa go kasem Gasa long saot.

Josua 11:22

Josua wetem ami blong hem i kilim dae evri jaean wea i stap long olketa ples ya. Tu-tri nomoa i stap long olketa taon long Gasa, an Gat, an Asdod.

Josua 15:11

Spialaen ya hemi go moa kasem not saet long hil long Ekron, an hemi tane go long taon long Sikeron, an hemi pasim hil long Baala, an hemi go-go kasem taon long Jamnia, an hemi en long Mediterenian Si.

Jajis 14:19

Spirit blong Yawe hemi kam long hem, an hemi mekem hemi barava strong moa, nao hemi godaon long taon long Askelon. An long ples ya, hemi kilim dae tetifala man an tekemaot olketa spesol kaleko blong olketa. Bihaen, hemi gobaek long Timna an hemi givim olketa kaleko ya long olketa man hu i talemaot ansa blong tokhaed ya. Hemi barava kros fogud from disfala samting, so hemi gobaek long ples blong dadi blong hem.

Jajis 16:21

Olketa blong Filistia i kasholem hem an aotem tufala ae blong hem. Olketa taemapem hem long bikfala sen wea olketa wakem long bras an olketa tekem hem go long Gasa. Long datfala ples olketa putum hem long prisin wea waka blong hem nao fo tanem barava bikfala ston fo krasim wit mekem hem kamap flaoa.

Jajis 3:3

Olketa laen wea i stap yet long lan ya hemi olsem: faefala ravis lida blong Filistia wetem pipol blong olketa, an laen blong Kenan, an laen blong Saedon, an laen blong Hivi wea i stap long olketa maonten long Baal-Hemon go kasem Lebo-Hamat.

1 Samuel 6:17

Hem nao wei wea pipol blong Filistia i bin wakem faefala kaving long gol wea i luk olsem boela an faefala kaving long gol wea i luk olsem rat, falom namba blong olketa taon blong olketa olsem Asdod, an Gasa, an Askelon, an Gat, an Ekron. Faefala taon ya i garem wolston, an plande vilij stap raon long faefala taon ya, an evri taon ya i garem sif fo lida long hem. An yu save, olketa sendem olketa kaving ya olsem sakrifaes long Yawe fo peimaot kompensesin bikos olketa tekem Tambu Boks blong hem. An narasamting moa, disfala bikfala ston long gaden blong Josua long Bet-Semes wea olketa bin putum Tambu Boks long hem fastaem, hemi stap yet olsem wanfala memori fo makem wanem hem hapen long dea.