Jajis 1:1 - Pijin Bible

¹ Bihaen long taem wea Josua hemi dae, olketa blong Israel i askem Yawe olsem, “?Wanem traeb nao bae go fastaem fo faetem olketa pipol blong Kenan?”

Pijin Deuterocanon

¹ Bihaen long taem wea Josua hemi dae, olketa blong Israel i askem Yawe olsem, “?Wanem traeb nao bae go fastaem fo faetem olketa pipol blong Kenan?”

Jajis 1:1 Iomraidhean Croise

1 Kings 22:5

Bat fastaem, yumi mas faendemaot tingting blong Yawe.”

Eksodas 18:15

Bat Mosis hemi tok olsem, “Mi mas duim olsem bikos olketa pipol ya i kam long mi fo mi helpem olketa long wei wea God hemi laekem.

Eksodas 28:30

An hemi mas putum tufala spesol ston ya, Urim an Tumim, insaet long paos ya wea hemi hang long sest blong hem, mekem tufala ya i stap long sest blong hem evri taem hemi kam fo stanap frant long mi. Long wei ya nao, evri taem hemi stanap frant long ples wea mi stap, bae hemi save yusim tufala ston ya fo save long wanem mi Yawe mi laekem yufala fo duim.”

Nambas 27:21

An Josua mas go olowe long Haeprist Eleasa fo save long tingting blong mi. Haeprist bae hemi yusim disfala spesol ston Urim long frant long mi Yawe, fo faendemaot evrisamting wea mi laekem. So long disfala wei, bae mi save lidim hem wetem pipol blong Israel long evrisamting wea olketa duim.”

Jajis 1:27

Long datfala taem, traeb blong Manase hemi nating ronemaot evriwan long olketa pipol blong Kenan from lan blong olketa. Olketa pipol blong Kenan i stap nomoa long olketa taon ya olsem Bet-San, an Taanak, an Doa, an Ibleam, an Megido, an olketa smolfala vilij wea i stap raonem olketa ples ya.

Jajis 2:21

bae mi no save ronemaot olketa narafala pipol wea i bin stap long lan ya long taem wea Josua hemi dae.

Jajis 20:18

Oraet, olketa blong Israel i go long tambuples long Betel an prea olsem go long God, “?Hu long mifala nao bae hemi go fastaem fo faetem traeb blong Benjamin?” Yawe hemi ansa olsem, “Traeb blong Jiuda mas lidim yufala.”

Jajis 20:27

Long datfala taem, Tambu Boks long Spesol Agrimen blong Yawe hemi stap long Betel, an Haeprist ya Finehas, san blong Eleasa hu hemi san blong Eron nao, hemi lukaftarem. Nao olketa askem Yawe olsem, “?Waswe, bae mifala gobaek moa fo faet, o nomoa?” An Yawe hemi ansarem olketa olsem, “Ya, yufala mas gobaek moa. Tumoro, bae mi putum olketa long han blong yufala.”

1 Samuel 10:22

Nao olketa prea olsem long Yawe, “?Waswe, man hemi stap kam long hia?” An Yawe hemi som olsem, “Sol hemi haed longwe, long olketa samting blong yufala.”