Hosia 5:5 - Pijin Bible

⁵ Disfala barava praod wei blong olketa, hem nao hemi jajem olketa finis. Olketa sin blong olketa hemi mekem olketa fo wikdaon an lus nao. An olketa pipol blong Jiuda i falom nao wei blong olketa, mekem olketa tu i lus.

Pijin Deuterocanon

⁵ Disfala barava praod wei blong olketa, hem nao hemi jajem olketa finis. Olketa sin blong olketa hemi mekem olketa fo wikdaon an lus nao. An olketa pipol blong Jiuda i falom nao wei blong olketa, mekem olketa tu i lus.

Hosia 5:5 Iomraidhean Croise

Provebs 11:21

Yu save, ravis man nao bae hemi panis, stretfala man nao bae hemi fri.

Provebs 11:5

Stretfala wei blong barava gudfala man, hem nao stretem wei fo hem. Ravis wei blong ravis man, hem nao mekem hem foldaon.

Provebs 14:32

Taem trabol hemi kam, ravis man hemi foldaon finis. Bat nomata stretfala man hemi dae, hemi garem sefples long God.

Provebs 24:16

Nomata trabol hemi kasem gudfala man plande taem, bat hemi save stanap moa. Bat trabol bae barava spoelem man nogud.

Provebs 30:13

Samfala man i praod tumas, olketa tingdaonem evriwan.

Aesaea 3:8

Hemi tru nao wea pipol blong Jerusalem wetem evriwan long Jiuda i duim olketa samting wea hemi barava nogud tumas agensim Yawe hu hemi hae tumas. Olketa i olsem pipol wea i drang an i foldaon finis.

Aesaea 3:9

Olketa i barava olsem pipol blong bifoa long Sodom. Man save luksave nomoa long fes blong olketa wea olketa no filsem fo sin long ae blong olketa narafala pipol. !Sore tumas long olketa, bikos olketa mekem bikfala trabol long olketa seleva!

Aesaea 44:9

(Profet) Olketa pipol hu i gohed fo wakem olketa kaving god fo wosipim, olketa ya i nating fitim enisamting nao. An olketa kaving ya wea olketa wakem, i barava yusles tu. Olketa pipol hu i wosipim olketa narafala god ya, i blaen an krangge. Bae olketa barava sem fogud.

Aesaea 59:12

“Yawe. Mifala bin agensim yu long plande samting nao, an olketa sin blong mifala hemi olsem witnes agensim mifala. Mifala save long evri ravis samting wea mifala bin duim.

Jeremaea 14:7

“Olketa pipol gohed fo tok olsem, ‘O Yawe. Nomata olketa sin blong mifala i gohed fo somaot dat mifala nogud, bat plis, yu sore long mifala an helpem mifala, mekem pipol preisim biknem blong yu. Plande taem nao, mifala lusim yu, an mifala mekem sin agensim yu tumas.

Jeremaea 2:19

Yufala bin lusim mi, so bae mi letem yufala fo stap farawe from mi. Bae mi letem yufala gohed fo stap long olketa ravis wei blong yufala. Hem nao hemi panis blong yufala. From samting ya nao, bae yufala luksave dat disfala wei wea yufala i lusim mi an no tinghae long mi, hemi barava ravis wei nao, an from samting ya bae yufala mas safa.” Hem nao mesij blong Lod Yawe hu hemi garem evri paoa.

Hosia 14:1

(Profet) Olketa blong Israel. Yufala mas kambaek nao long Yawe hu hemi God blong yumi. Sin blong yufala nao hemi mekem yufala foldaon.

Hosia 14:2

Tanem tingting blong yufala an kambaek moa long Yawe. Yufala mas prea olsem long hem, “O Yawe. Plis yu lisin kam long prea blong mifala an aotem olketa sin blong mifala. An bae mifala preisim yu fo hemi olsem sakrifaes go long yu.

Hosia 4:5

Evri de an naet, yufala gohed fo olobaot nomoa olsem pipol wea i stap insaet long tudak, an olketa profet tu i semsem nomoa olsem yufala. Bae mi spoelem finis disfala kantri blong Israel, wea hemi olsem mami fo yufala.

Hosia 5:14

Bae mi spoelem finis olketa pipol blong Israel, an bae mi spoelem tu olketa pipol blong Jiuda, olsem laeon hemi pisisim mit wea hemi kaikaim. Bae mi pisisim olketa evriwan, an lusim olketa. An taem mi tekem olketa aot, bae no eniwan nao save sevem olketa.

Hosia 7:10

Disfala praod wei wea olketa trae fo lukaftarem olketa seleva, hemi olsem nao witnes agensim olketa. Nomata bikfala trabol bin gohed fo kasem olketa, bat olketa nating kambaek nomoa long mi.

Hosia 8:14

“Mi nao mi mekem olketa blong Israel, bat olketa fogetem mi nao. Olketa gohed nomoa fo wakem olketa bikfala haos blong olketa king. An olketa blong Jiuda tu i gohed fo wakem olketa strongfala taon wea bikfala wolston hemi goraonem olketa. Bat olketa bikfala haos ya blong king an olketa strongfala taon ya wea olketa wakem, bae mi sendem faea godaon fo bonem olketa evriwan.”

Emos 5:2

!Ooo Israel! !Ooo Israel! Olketa enemi blong yu i kilim yu dae an yu no save laefbaek moa enitaem. Yu dae nomoa long ples blong yu, bat no eniwan nao save helpem yu. !Ooo Israel! !Ooo Israel!

Matiu 23:31

So yufala barava talemaot stret, wea yufala nao barava long laen blong olketa pipol hu i kilim dae olketa profet ya.

Gudnius abaotem Jisas Kraes wea Luk hemi raetem 19:22

Nao bos blong hem hemi tok olsem, ‘!Yu ravis wakaman! Bae mi falom toktok wea yu talem finis nao fo jajem yu ya. Ya, yu save nao dat mi wanfala had man wea mi save tekem samting wea nara man hemi putum stap, an mi save tekem tu kaikai wea olketa nara man olketa plantem.