Hosia 5:12 - Pijin Bible

¹² Bae mi spoelem Israel finis, olsem wea kokoros save spoelem kaleko. An bae mi spoelem tu Jiuda, olsem wea olketa kamap roten.

Pijin Deuterocanon

¹² Bae mi spoelem Israel finis, olsem wea kokoros save spoelem kaleko. An bae mi spoelem tu Jiuda, olsem wea olketa kamap roten.

Hosia 5:12 Iomraidhean Croise

Stori abaotem Job 13:28

So mi fil olsem man wea hemi kamap nogud olsem wanfala pis roten kaleko, o olsem kaleko wea kokoros hemi kaikaim.

Sams 39:11

Taem yu tokstrong long man fo panisim hem fo olketa sin blong hem, yu spoelem tu olketa samting wea hemi laekem tumas, olsem wea kokoros hemi save spoelem evrisamting. Ya hemi tru, man hemi olsem nomoa wanfala smolfala win, wea hemi blou fo lelebet taem nomoa, an finis nao.

Provebs 12:4

Nambawan wei blong woman, hemi olsem biknem blong hasban blong hem. Ravis wei blong woman, hemi olsem bikfala sik long hasban blong hem.

Aesaea 5:24

Dastawe nao bae Yawe hemi panisim yufala olsem wea faea hemi bonem drae gras. Ya, bae hemi spoelem yufala fogud olsem gras wea olketa rut blong hem hemi roten an flaoa blong hem hemi drae an win hemi bloum go. Hemi duim diswan bikos yufala les tumas fo herem olketa tising blong Holi God blong yumi long Israel hu hemi garem evri paoa.

Aesaea 50:9

Lod Yawe nao bae hemi helpem mi. No eniwan nao save sei wea mi rong. Olketa hu i tok agensim mi bae i lus finis, olsem kaleko wea kokoros hemi kaikaim finis.”

Aesaea 51:8

Olketa pipol ya bae i lus finis, olsem kaleko wea kokoros hemi kaikaim. Bat stretfala wei blong mi fo sevem man bae hemi gohed olowe nao.”

Jona 4:7

Bat long eli moning long neks de, God hemi mekem wom fo kaikaim disfala vaen tri, an tri ya hemi dae nao.