Hosia 4:3 - Pijin Bible

³ From disfala samting nao, bae mi mekem evrisamting long disfala lan fo kamap drae, an evrisamting wea hemi stap insaet bae hemi dae. Evri animol an evri bed an evri fis long disfala ples bae i dae evriwan.”

Pijin Deuterocanon

³ From disfala samting nao, bae mi mekem evrisamting long disfala lan fo kamap drae, an evrisamting wea hemi stap insaet bae hemi dae. Evri animol an evri bed an evri fis long disfala ples bae i dae evriwan.”

Hosia 4:3 Iomraidhean Croise

Aesaea 33:9

Olketa gaden long lan ya hemi emti finis nao, an no eniwan hemi waka moa long hem. Olketa bikfala tri long bus blong kantri long Lebanon i drae tu. Olketa gudfala graon long Saron hemi kamap finis olsem drae eria raonem Ded Si, an evri lif blong olketa tri long Basan an Kaamel i gohed fo foldaon tu.

Jeremaea 12:4

?Hao long nao lan blong mifala bae hemi stap drae, an olketa gras blong olketa animol i stap drae olsem? Distaem olketa animol an olketa bed i gohed nomoa fo dae, bikos olketa pipol hu i stap long lan ya i gohed fo falom olketa ravis wei. An narasamting moa, olketa gohed fo tok olsem, “Bae man ya kanduit lukim enisamting hemi hapen long mifala.”

Jeremaea 23:10

Disfala lan hemi fulap long olketa hu i no save tinghevi long Yawe, olsem man hu hemi brekem lo blong marit. Yawe hemi mekem trabol fo kam long lan, mekem no enisamting save grou nao. Olketa ples wea hemi bin garem gras long hem, hemi barava drae. Olketa profet ya i falom ravis wei nomoa, an olketa gohed fo yusim paoa blong olketa long wei wea hemi no stret.

Jeremaea 4:25

Mi lukim dat no eniwan nao hemi stap long lan, an olketa bed tu i no stap.

Jeremaea 9:10

Bae mi sore long olketa maonten, an mi krae fo olketa open eria wea hemi bin garem gras long hem, bikos olketa evriwan i drae finis, an hemi emti fogud. No eniwan hemi gotru long olketa ples ya. No eni buluka hemi stap long hem, An evri bed an evri wael animol tu i lus finis.

Jeremaea 9:9

“!Olketa! ?Waswe, yufala tingse bae mi no save panisim yufala fo olketa ravis samting ya? Nomoa ya, mi mas panisim diskaen pipol olsem yufala.” Hem nao mesij blong Yawe.

Esikiel 38:20

Evri fis, an evri bed, an evri animol, an evrisamting wea hemi laef, an evri pipol long wol bae i fraet an seksek frant long mi. Olketa maonten bae i brek, an olketa hae ples bae i foldaon, an olketa wolston bae i brek finis an foldaon long graon.

Joel 1:18

Evri buluka i gohed fo krae bikfala an i gohed fo go olobaot, bikos olketa no garem eni moa gras fo kaikaim. Ya, olketa sipsip tu i gohed fo safa fogud.

Emos 1:2

Yawe hemi singaot bikfala olsem laeon from disfala maonten long Saeon, an voes blong hem hemi here olsem saon blong bikfala tanda. Hemi save mekem olketa gudfala gras wea olketa sipsip i kaikaim fo dae, an hemi save mekem tu evri tri long maonten long Kaamel fo dae.

Emos 5:16

Dastawe nao Yawe, Masta hu hemi garem evri paoa, hemi tok olsem, ?Bae mi kam fo panisim yufala. An bae yufala krae fogud falom olketa rod insaet long taon blong yufala. Olketa pipol wea yufala peim fo krae fo yufala bae i krae fogud fo yufala. Bat hemi no naf, so bae yufala kolem kam olketa pipol hu i waka insaet long olketa gaden fo helpem yufala fo krae. Oltaem pipol i hapi insaet long olketa plantesin blong grep, bat long taem wea mi kam fo panisim yufala, bae yufala evriwan i krae fogud.? Hem nao toktok blong Yawe.

Emos 8:8

From diswan nao, bae mi sendem olketa enemi fo barava spoelem lan blong yufala, an yufala evriwan bae i sore an krae. Bae hemi olsem wanfala etkuek wea hemi sekem disfala kantri an graon bae hemi goap an daon, olsem Nael Riva taem hemi flad.?

Neiham 1:4

Hemi save tok long solwata, an hemi kamap drae. Hemi mekem olketa riva tu fo drae. Hemi mekem olketa gudfala graon long Basan hemi drae, an olketa tri long maonten long Kaamel i drae tu. Evri gudfala flaoa long Lebanon tu, hemi mekem olketa dae.

Sefenaea 1:3

Olketa pipol, an olketa animol, an olketa bed, an olketa fis, bae mi kilim dae olketa evriwan. An bae mi spoelem finis tu olketa samting wea i mekem olketa nogud man fo sin. Mi Yawe, an hem nao Mesij blong mi.?

Sekaraea 5:4

Hem ya mesij blong Yawe hu hemi garem evri paoa. Hemi tok olsem, ?Bae mi sendem toktok goaot long haos blong olketa man fo stil, an long haos blong olketa man hu hemi laea taem hemi mekem strongfala promis. An bae trabol ya hemi spoelem evri timba an ston long olketa haos ya, go-go olketa kamap nogud tumas.??