Hosia 13:10 - Pijin Bible

¹⁰ Yufala bin tok olsem, ‘!Givim mifala wanfala king an olketa lida fo helpem mifala!’ ?Bat wea nao disfala king an olketa lida? !Olketa no save sevem yufala!

Pijin Deuterocanon

¹⁰ Yufala bin tok olsem, ‘!Givim mifala wanfala king an olketa lida fo helpem mifala!’ ?Bat wea nao disfala king an olketa lida? !Olketa no save sevem yufala!

Hosia 13:10 Iomraidhean Croise

1 Kings 12:20

Taem pipol blong Israel i herem dat Jeroboam hemi kambaek finis, olketa kolem hem fo kam long wanfala miting blong olketa bikman. Den olketa mekem hem fo kamap king blong Israel. Stat long datfala taem, traeb blong Jiuda nomoa i falom olketa king long laen blong King Deved.

2 Kings 17:4

Bat wanfala taem, Hosea hemi bin sendem samfala man fo go lukim King So blong Ijip, mekem hemi kam helpem hem. Den Hosea hemi no peim taks moa go long king blong Asiria. Bat taem King Salmanesa hemi faendemaot samting ya, hemi sendem samfala man fo kasholem King Hosea, an putum hem long prisin.

Sams 10:16

Lod Yawe yu nao yu King, an bae yu gohed fo rul olowe nao. Olketa hu i wosipim olketa narafala god, bae i finis from ples blong yu.

Sams 149:2

Yumi blong Israel, yumi mas hapi bikos Yawe nao hemi mekem yumi. Ya, yumi olketa pipol blong hem long Saeon, yumi mas hapi bikos hem nao hemi king blong yumi.

Sams 44:4

Yu nao yu King blong mi, an God blong mi. Yu nao yu mekem olketa pipol blong yu fo win.

Sams 74:12

God, nomata olsem, stat long bifoa kam yet, yu nao King blong mifala, an plande taem yu bin sevem mifala finis.

Sams 89:18

Lod Yawe, yu nao yu siusim man fo gadem mifala. Ya, yu nao yu holi an yu God blong mifala pipol long Israel, an yu nao yu siusim king fo lukaftarem mifala.

Aesaea 33:22

Yawe nao hemi king blong yumi an hemi jajem yumi long olketa stretfala wei blong hem. Hemi tisim yumi long olketa lo blong hem an hem nao hemi sevem yumi.

Aesaea 43:15

Mi nao Yawe, Holi God blong Israel, hu mi mekem yufala, an mi nao mi King blong yufala.”

Jeremaea 2:28

?Bat wea nao olketa god blong yufala ya taem trabol hemi kasem yufala? !Letem olketa god ya kam fo sevem yufala! Yufala blong Jiuda nao garem plande god tumas olsem olketa taon blong yufala, an hemi fitim nao fo olketa sevem yufala.”

Jeremaea 8:19

!Lisin kam! From olketa farawe ples nao, mi herem olketa pipol blong mi. Olketa gohed fo kraeaot olsem, “?Waswe, Yawe hemi no stap moa long maonten long Saeon? ?King blong ples ya, hemi no stap yet long dea?” An Yawe hemi tok olsem, “?Waswe nao yufala gohed fo mekem mi kros long wei wea yufala mekem wosip long olketa narafala god wea i kanduit helpem yufala?”

Lamentesin 4:20

Disfala king wea Yawe bin siusim, hemi olsem wea hemi holem laef blong yumi. Yumi tingse hemi save gadem yumi from olketa narafala kantri, bat enemi i kasholem hem, an tekem hem aot from yumi.

Hosia 10:3

No longtaem bae olketa pipol ya i tok olsem, “Distaem yumi no garem king nao, bikos yumi no tinghae long Yawe. ?Bat sapos yumi garem king, wanem nomoa bae hemi save duim fo helpem yumi?”

Hosia 13:4

Yawe hemi tok olsem, “Mi Yawe nao mi God blong yufala, an mi bin tekem olketa grani blong yufala fo kamaot from Ijip. Mi nomoa mi God blong yufala, an no eni narafala god moa hemi stap fo sevem yufala.

Hosia 3:4

Long sem wei tu, bae olketa pipol blong Israel mas stap fo lelebet longtaem, wea olketa no garem king, o bikman. An bae olketa no mekem sakrifaes moa long olketa narafala god, an no stanemap moa olketa pos fo wosipim. An bae olketa no yusim moa olketa kaving, o olketa narafala samting moa fo faendemaot abaotem enisamting wea bae hemi no kamap yet.

Hosia 7:7

Taem olketa kros tumas olsem, olketa gohed fo kilim dae evri lida blong olketa. Ya, fo longtaem nao, olketa bin gohed olsem fo kilim dae evri king blong olketa, bat no eni king bin askem mi nomoa fo helpem hem.”

Hosia 8:4

“Olketa gohed nomoa fo siusim olketa king an lida blong olketa, bat olketa nating askem mi fastaem. An olketa gohed fo hipimap olketa silva an gol fo wakem olketa kaving god long hem, bat olketa kaving ya jes spoelem olketa nao.

Sekaraea 14:9

Bae Yawe hemi kamap King long disfala wol. Long datfala de, Yawe nomoa hemi God, an bae pipol i kolem hem long wanfala nem nomoa.

Gudnius abaotem Jisas Kraes wea Jon hemi raetem 1:49

Taem Nataniel hemi herem diswan nomoa, hemi sei nao, “!Tisa, yu nao San Blong God ya! !An yu nao King blong Israel!”

1 Samuel 8:7

Bat Yawe hemi tok olsem, “Yu, falom nomoa tingting blong olketa. Olketa no les long yu, olketa les long mi. Olketa no laekem mi fo stap olsem king blong olketa.