Hibrus 9:9 - Pijin Bible

⁹ Olketa samting ya, hemi olsem piksa wea hemi somaot long yumi mining blong wanem hemi bin hapen long datfala taem. Olketa sakrifaes wea olketa prist i gohed fo mekem long God, olketa kanot mekem man hu hemi mekem sakrifaes ya fo no filsem long tingting blong hem.

Pijin Deuterocanon

⁹ Olketa samting ya, hemi olsem piksa wea hemi somaot long yumi mining blong wanem hemi bin hapen long datfala taem. Olketa sakrifaes wea olketa prist i gohed fo mekem long God, olketa kanot mekem man hu hemi mekem sakrifaes ya fo no filsem long tingting blong hem.

Hibrus 9:9 Iomraidhean Croise

Leta wea Pol hemi raetem go long sios long Rom 5:14

Bat stat kam long taem blong Adam go kasem taem blong Mosis, evri pipol mas dae, nomata olketa no duim rong samting olsem Adam hu hemi no obeim toktok blong God. Adam hemi olsem piksa blong disfala man Kraes, hu hemi kam bihaen long hem.

Galesia 3:21

?So waswe, Lo hemi agensim olketa promis blong God ya? !Nomoa nao! Sapos God hemi bin givim kam wanfala lo wea hemi barava givim laef, evriwan hu i falom diswan bae olketa kamap stret long ae blong God nao.

Hibrus 10:11

Evri prist olketa duim waka blong olketa long evri de nomoa, an olketa gohed fo mekem semkaen sakrifaes oltaem. Bat olketa sakrifaes olsem ya i no save finisim sin nomoa.

Hibrus 11:19

Ebraham hemi save dat God hemi save mekem Aesak fo laefbaek moa. An yumi save sei Aesak hem olsem hemi laefbaek moa from dae.

Hibrus 5:1

God hemi save siusim wanfala man long olketa pipol fo hemi waka olsem haeprist. Waka blong hem, hemi fo helpem olketa pipol fo givim olketa ofaring long God an fo mekem olketa sakrifaes fo tekemaot sin blong olketa.

Hibrus 7:11

Bikos olketa prist long traeb blong Livae olketa stap fo duim waka blong olketa, God hemi save givim go disfala Lo blong Mosis long olketa pipol blong Israel. ?Nao sapos waka blong olketa prist ya hemi fit fo mekem olketa pipol kamap stret fogud, waswe nao wanfala narakaen prist moa hemi mas kam bihaen? Bat waka blong olketa prist ya hemi no fit, an dastawe nao wanfala prist hemi kam hu hemi no olsem olketa prist long laen blong Eron, bat hemi olsem Melkisedek.

Hibrus 8:4

Sapos hemi stap long wol ya, bae hemi no save waka olsem prist, bikos yumi garem plande prist finis hu i mekem olketa kaen sakrifaes long God, olsem Lo blong Mosis hemi talem.

Hibrus 9:24

Nao Kraes hemi no go insaet long wanfala tambuples wea olketa pipol nao i wakem, an wea hemi piksa nomoa blong disfala barava tru tambuples ya. Bat hemi barava go insaet long heven finis, an hemi stap wetem God distaem fo helpem yumi.

1 Pita 3:21

An disfala wata hemi saen blong baptaes wea God hemi sevem yufala long hem distaem. Baptaes ya, hemi no fo wasimaot olketa doti long bodi blong yufala bat hemi fo som yufala mekem wanfala promis long God dat tingting blong yufala hemi stap tru long hem. An bikos Jisas Kraes hemi laefbaek moa, baptaes ya hemi garem paoa fo sevem yufala.