Hibrus 9:16 - Pijin Bible

¹⁶ Nao sapos wanfala man hemi bin raetem wanfala agrimen fo talemaot hu nao bae tekem olketa samting blong hem taem hemi dae, oraet, olketa mas somaot dat man ya hemi barava dae finis bifoa olketa save tekem olketa samting blong man ya.

Pijin Deuterocanon

¹⁶ Nao sapos wanfala man hemi bin raetem wanfala agrimen fo talemaot hu nao bae tekem olketa samting blong hem taem hemi dae, oraet, olketa mas somaot dat man ya hemi barava dae finis bifoa olketa save tekem olketa samting blong man ya.

Hibrus 9:16 Iomraidhean Croise

Leta wea Pol hemi raetem go long sios long Rom 5:12

Sin hemi kam insaet long wol falom rong blong wanfala man nomoa, an sin nao hemi mekem hem dae. An long sem wei nao, evri pipol mas dae bikos evriwan sin finis.

Leta wea Pol hemi raetem go long sios long Rom 6:23

Bikos taem eniwan hemi stap long wei blong sin, wejis blong hem nao dae. Bat from yumi joen wetem Jisas Kraes Masta blong yumi, God hemi givim fri nao disfala presen long yumi, wea yumi save garem laef wea hemi no save finis.

1 Korin 15:22

Nao evriwan olketa mas dae bikos olketa joen wetem Adam. Long sem wei tu, God bae hemi mekem evriwan fo laefbaek moa bikos olketa joen wetem Kraes.

Hibrus 1:3

Hem nao hemi somaot saen blong bikfala paoa blong God. Hemi barava olsem God nao, an hemi holem skae an wol ya strong wetem toktok blong hem, wea hemi garem bikfala paoa. Taem hemi tekemaot sin blong olketa pipol finis, hemi go sidaon long heven long raetsaet blong God hu hemi garem evri paoa.

Hibrus 13:20

Disfala blad blong Jisas Masta blong yumi, hemi mekem kamtru disfala spesol agrimen wea hemi stap olowe. Long disfala blad nao, God hu hemi givim piis, hemi mekem Jisas fo laefbaek moa wea hemi stap olsem Nambawan Man fo Lukaftarem Sipsip.

Hibrus 9:15

Kraes hemi mekem kamtru disfala niufala spesol agrimen blong God, mekem olketa pipol wea God hemi siusim olketa finis, olketa save kasem wanem hemi promisim olketa. Hem nao disfala tru laef long heven wea hemi no save finis enitaem. An diswan hemi hapen bikos Kraes hemi dae fo peimaot olketa pipol from sin blong olketa wea olketa bin duim taem olketa garem yet disfala fas spesol agrimen ya.

Hibrus 9:17

Bikos taem man hemi laef yet, disfala agrimen hemi no garem eni paoa. Bat taem hemi dae finis nao, bae olketa pipol save falom nomoa disfala agrimen ya.

Jemes 2:10

Sapos wanfala man hemi obeim evri lo ya, bat hemi brekem wanfala nomoa, hemi olsem hemi barava brekem evri lo ya nao.