Hibrus 7:15 - Pijin Bible

¹⁵ Evrisamting hemi klia moa long distaem, bikos disfala narakaen prist hu hemi olsem Melkisedek ya, hemi kam finis nao.

Pijin Deuterocanon

¹⁵ Evrisamting hemi klia moa long distaem, bikos disfala narakaen prist hu hemi olsem Melkisedek ya, hemi kam finis nao.

Hibrus 7:15 Iomraidhean Croise

Sams 110:4

Yawe hemi bin mekem wanfala strongfala promis wetem yu, an bae hemi no save sensim tingting blong hem. Hemi bin promis olsem, “Bae yu nao yu prist olowe ya, olsem Melkisedek ya long bifoa.”

Matiu 13:21

Bat hemi no go dip nomoa insaet long maen blong hem, so hemi no stap longtaem nomoa. Taem hadtaem hemi kasem hem, an taem olketa pipol i meksave long hem from toktok ya, bae hemi kuiktaem tu fo lusim go evrisamting.

Hibrus 5:6

An long nara ples long Buktambu hemi sei, “Bae yu nao yu prist olowe, olsem Melkisedek long bifoa.”

Hibrus 7:11

Bikos olketa prist long traeb blong Livae olketa stap fo duim waka blong olketa, God hemi save givim go disfala Lo blong Mosis long olketa pipol blong Israel. ?Nao sapos waka blong olketa prist ya hemi fit fo mekem olketa pipol kamap stret fogud, waswe nao wanfala narakaen prist moa hemi mas kam bihaen? Bat waka blong olketa prist ya hemi no fit, an dastawe nao wanfala prist hemi kam hu hemi no olsem olketa prist long laen blong Eron, bat hemi olsem Melkisedek.

Hibrus 7:14

Bikos yumi save finis, Jisas hemi kamaot long traeb blong Jiuda ya. An taem Mosis hemi tokabaotem traeb blong olketa prist bifoa, hemi no talem enisamting abaotem traeb blong Jiuda ya.

Hibrus 7:16

Wei wea hemi kamap prist hemi no falom eni lo abaotem laen blong prist ya, bat hemi kamap prist long paoa blong disfala laef wea hemi no save finis.

Hibrus 7:3

Yumi no save hu nao mami an dadi blong Melkisedek an hu nao olketa pipol long laen blong hem. An yumi no save wataem nao hemi bon kam an wataem nao hemi dae. Dastawe nao hemi olsem San Blong God hu i stap prist evritaem an olowe nao.