Hibrus 7:14 - Pijin Bible

¹⁴ Bikos yumi save finis, Jisas hemi kamaot long traeb blong Jiuda ya. An taem Mosis hemi tokabaotem traeb blong olketa prist bifoa, hemi no talem enisamting abaotem traeb blong Jiuda ya.

Pijin Deuterocanon

¹⁴ Bikos yumi save finis, Jisas hemi kamaot long traeb blong Jiuda ya. An taem Mosis hemi tokabaotem traeb blong olketa prist bifoa, hemi no talem enisamting abaotem traeb blong Jiuda ya.

Hibrus 7:14 Iomraidhean Croise

Jenesis 46:12

An narafala nao Jiuda, wetem olketa pikinini blong hem, wea nem blong olketa nao, Sela, an Peres, an Jera. Tufala narafala pikinini blong hem wea nem blong tufala nao Era an Onan, tufala dae finis long Kenan. Tufala pikinini blong Peres, nem blong tufala nao, Hesron an Hamul.

Jenesis 49:10

Wanfala long olketa wea bae hemi bon kam bihaen long yu bae hemi kamap king, an olketa wea bae i bon kam bihaen long hem, oltaem bae olketa holem paoa fo king. An olketa ya nomoa bae olketa gohed fo kamap king, go-go paoa ya hemi go long wanfala man wea hemi garem raet fo holem disfala paoa ya, nao evri pipol bae i obeim hem.

Aesaea 11:1

(Profet) !Olketa pipol blong mi! Olsem wanfala niufala Brans hemi grouap kam long botom tri wea olketa bin katemdaon, wanfala niufala king bae hemi kamap long laen blong King Deved.

Maeka 5:2

Yawe hemi tok olsem, “Yufala blong vilij ya long Betlehem, long provins long Efrata long Jiuda. Vilij blong yufala hemi wanfala smolfala vilij nomoa long olketa taon wea i stap raonem yufala. Bat nomata olsem, bae mi mekem wanfala man long traeb blong yufala, fo rul ovarem Israel. Laen blong man ya, hemi wanfala impoten laen wea hemi barava stat kam longtaem bifoa.”

Nambas 24:17

Mi lukluk long samting long maen blong mi, bat i no distaem. Mi lukim finis wanem bae hemi kamap longtaem bihaen. Wanfala sta bae hemi kamaot long laen blong Jekob. Ya, wanfala king bae mas kamap long Israel. Bae hemi kam brekem hed blong olketa lida blong Moab, an bae hemi spoelem olketa man fo faet.

Matiu 2:6

‘Betlehem long provins long Jiuda, yu nao wanfala long olketa nambawan taon long Jiuda, bikos wanfala king bae hemi kamaot long yu, an hem nao bae hemi lidim olketa pipol blong mi long Israel.’”

Gudnius abaotem Jisas Kraes wea Luk hemi raetem 1:43

?Waswe nao disfala bikfala samting tumas hemi hapen long mi, wea yu mami blong Masta blong mi, yu kam fo lukim mi?

Gudnius abaotem Jisas Kraes wea Luk hemi raetem 3:33

Nason hemi san blong Aminadab. Aminadab hemi san blong Admin. Admin hemi san blong Anae. Anae hemi san blong Hesron. Hesron hemi san blong Pires. Pires hemi san blong Jiuda.

Gudnius abaotem Jisas Kraes wea Jon hemi raetem 20:13

Tufala enjel ya i askem Meri olsem, “?Woman, waswe nao yu krae?” Hemi ansarem tufala olsem, “!Olketa tekem bodi blong Masta blong mi from hia nao, an mi no save wea nao olketa putum hem!”

Gudnius abaotem Jisas Kraes wea Jon hemi raetem 20:28

Long taem ya, Tomas hemi sei nao, “!Yu nao Masta blong mi an yu nao God blong mi!”

Leta wea Pol hemi raetem go long sios long Rom 1:3

Gudnius ya hemi abaotem San blong hem, Jisas Kraes Masta blong yumi. Hemi barava man hu hemi bon kam long laen blong King Deved.

Leta wea Pol hemi raetem go long sios long Rom 2:3

!Bat yufala tu, yufala gohed fo duim olketa semsamting wea yufala jajem nara pipol long hem! ?Waswe, yufala tingse bae God hemi no panisim yufala?

Efesas 1:3

!Yumi mas preisim God, Dadi blong Masta blong yumi Jisas Kraes! Bikos yumi stap joen wetem Jisas Kraes, God hemi givim yumi evri blesing blong hem long heven.

Filipae 3:8

An evri narasamting moa long laef blong mi, mi tingim olsem samting nating nomoa. Hem olsem bikos mi savegud long Jisas Kraes Masta blong mi, wea hemi barava nambawan samting tumas moa. Bikos mi falom hem, mi lusim go evrisamting finis. Mi tingim evrisamting ya i olsem ravis nomoa, fo mi save kasem Kraes

Hibrus 7:13

Nao Masta blong yumi wea Buktambu hemi tokabaotem ya, hemi kamaot long deferen laen. An no eniwan long laen blong hem hemi waka olsem prist bifoa.

Hibrus 7:15

Evrisamting hemi klia moa long distaem, bikos disfala narakaen prist hu hemi olsem Melkisedek ya, hemi kam finis nao.

Revelesin 22:16

“Mi Jisas, mi nao sendem enjel blong mi fo go an talemaot olketa samting ya long yufala long olketa sios. Mi nao mi bon kam long laen blong olo blong yumi Deved. An mi nao disfala sta blong eli moning wea hemi barava saen fogud.”

Revelesin 5:5

Bat wanfala long olketa bikman ya hemi tok olsem long mi, “Yu no krae. !Lukim! Laeon blong traeb blong Jiuda, disfala nambawan man wea hemi bon kam long traeb blong Jiuda an hemi nambawan lida hu hemi save falom olo blong hem Deved, hem nao hemi winim faet ya finis. So hem nao hemi save brekemaot sevenfala tambu mak ya an openem disfala skrol.”