Hibrus 7:10 - Pijin Bible

¹⁰ Bikos long taem wea Melkisedek hemi goaot fo mitim Ebraham, Livae hemi stap finis insaet long bodi blong Ebraham. Bikos long bihaen nao, Livae hemi bon kam long laen blong Ebraham ya.

Pijin Deuterocanon

¹⁰ Bikos long taem wea Melkisedek hemi goaot fo mitim Ebraham, Livae hemi stap finis insaet long bodi blong Ebraham. Bikos long bihaen nao, Livae hemi bon kam long laen blong Ebraham ya.

Hibrus 7:10 Iomraidhean Croise

Jenesis 35:11

An hemi sei long hem, “Mi nao God wea mi garem evri paoa. Yu mas garem plande pikinini wea bae olketa bon kam long laen blong yu. Yu bae yu grandadi blong olketa pipol long plande ples, an bae olketa king tu i bon kam long laen blong yu.

Jenesis 46:26

Olketa ya wea i bon kam bihaen long Jekob, an olketa go wetem hem long Ijip hemi kasem siksti-siks, olketa no kaontem nomoa olketa waef blong olketa pikinini blong hem.

1 Kings 8:19

bat bae yu no save bildim Tambuhaos ya. San blong yu nao bae hemi bildim Tambuhaos fo mekhae long nem blong mi.’

Hibrus 5:6

An long nara ples long Buktambu hemi sei, “Bae yu nao yu prist olowe, olsem Melkisedek long bifoa.”

Hibrus 7:11

Bikos olketa prist long traeb blong Livae olketa stap fo duim waka blong olketa, God hemi save givim go disfala Lo blong Mosis long olketa pipol blong Israel. ?Nao sapos waka blong olketa prist ya hemi fit fo mekem olketa pipol kamap stret fogud, waswe nao wanfala narakaen prist moa hemi mas kam bihaen? Bat waka blong olketa prist ya hemi no fit, an dastawe nao wanfala prist hemi kam hu hemi no olsem olketa prist long laen blong Eron, bat hemi olsem Melkisedek.

Hibrus 7:5

Yumi save, evriwan long olketa prist olketa bon kam long traeb blong Livae nomoa. An Lo blong Mosis hemi talem olketa pipol blong Israel fo olketa mas givim go wanfala long evri tenfala samting wea olketa garem, fo olketa prist i save holem. Olketa prist ya i tekem olketa samting from olketa wantok wea olketa tu i kamaot long laen blong Ebraham.

Hibrus 7:9

So yumi save talem olsem, long taem bifoa wea Ebraham hemi givim go olketa samting long Melkisedek, Livae disfala olo grani blong olketa prist ya, hem seleva nao hemi givim go olketa samting long Melkisedek.