Hibrus 5:13 - Pijin Bible

¹³ Eniwan hu hemi susu, hemi bebi yet ya an hemi no luksave yet long olketa tising abaotem wanem hemi stret an wanem hemi rong.

Pijin Deuterocanon

¹³ Eniwan hu hemi susu, hemi bebi yet ya an hemi no luksave yet long olketa tising abaotem wanem hemi stret an wanem hemi rong.

Hibrus 5:13 Iomraidhean Croise

Sams 119:123

Yu bin promis fo sevem mi, so mi lukluk weitem wanem yu bin promisim fo kamtru, go-go ae blong mi hemi soa nao.

Aesaea 28:9

Bat samfala long olketa i gohed fo toktok agensim mi olsem, “!Ei! !Ating profet ya hemi krangge nao ya! ?Hu nao hemi tingse hemi gohed fo tisim ya? ?Hu nao hemi nidim olketa toktok blong hem ya? !Mifala i no smolfala pikinini wea hemi susu yet long mami blong hem ya!

Matiu 11:25

Nao long semtaem, Jisas hemi tok go olsem, “Dadi, yu nao yu Masta blong evrisamting long heven an long disfala wol. Mi tengkiu tumas long yu, bikos yu haedem olketa samting long olketa pipol hu i waes an save tumas, bat yu somaot olketa samting ya long olketa hu i olsem smolfala pikinini.

Gudnius abaotem Jisas Kraes wea Mak hemi raetem 10:15

Mi talem yufala tru samting nao, sapos eniwan hemi no olsem wanfala pikinini hu hemi hapi fo mekhae long God, bae hemi nating fit fo stap insaet long kingdom blong God.”

Leta wea Pol hemi raetem go long sios long Rom 2:20

An yufala tingse yufala nao tisa blong olketa krangge pipol an olketa hu i no garem gudfala save. Yufala tingse long Lo nao yufala garem evri save an evri tru toktok.

1 Korin 13:11

Taem mi smolfala pikinini yet, toktok blong mi an save blong mi an tingting blong mi, hemi olsem blong smolfala pikinini nomoa ya. Bat distaem wea mi bikman finis, mi no olsem pikinini moa.

1 Korin 14:20

Olketa fren, yufala mas no stap olsem pikinini long save blong yufala. Nomoa. Yufala mas stap olsem bikman long save blong yufala. Bat hemi gud sapos yufala stap olsem smolfala pikinini nomoa long wei fo duim olketa ravis samting ya.

1 Korin 3:1

Nao olketa fren, long bifoa ya, mi no save tok long yufala olsem mi save tok wetem pipol wea olketa garem Holi Spirit. Long taem ya, mi tok long yufala olsem olketa pipol blong wol nomoa, wea yufala olsem olketa smolfala pikinini nomoa long wei blong Kraes.

2 Korin 3:9

Olfala spesol agrimen hemi bin garem saen blong bikfala paoa blong God, nomata Lo ya hemi save jajem pipol fo dae. !So disfala niufala spesol agrimen wea hemi mekem pipol fo stret, hemi garem saen blong bikfala paoa blong God wea hemi nambawan tumas winim faswan!

Efesas 4:14

Den, bae yumi no olsem olketa pikinini wea olketa save ran go olobaot fo lisin long enikaen laea tising. Bae yumi no olsem smolfala bot wea strongfala win an bikfala wev save pusum olobaot long si. Bae yumi no falom olketa laea tisa wea olketa laekem yumi fo go long rong wei an falom olketa trik blong olketa nomoa.

2 Timoti 3:16

Evri buk insaet long Buktambu, God nao hemi mekem pipol fo raetem, falom tingting blong hem seleva. Olsem, Buktambu hemi gud tumas fo givim save long yumi, an fo somaot sin blong yumi, an fo stretem wei blong yumi, an fo tisim yumi abaotem laef wea hemi stret long ae blong God.

1 Pita 2:2

Bat yufala mas olsem olketa smolfala bebi wea i jes bon an i laekem susu tumas. Olsem, yufala mas laekem tumas disfala nambawan milk blong God wea hemi save mekem yufala grouap go-go God hemi sevem yufala.

2 Jon 1:11

Bikos eniwan hu hemi welkamem man olsem, hemi somaot dat hemi joen wetem datfala man long olketa ravis waka hemi duim.