Hibrus 5:12 - Pijin Bible

¹² Yufala bin biliv longtaem finis, so hemi fitim fo yufala seleva i stap olsem tisa. Bat hemi luk olsem yufala nidim narafala man fo kam tisim yufala moa abaotem olketa fas samting wea yufala herem finis abaotem Kraes. Yufala olsem olketa pikinini hu i susu yet, wea yufala i no fit fo kaikaim strongfala kaikai.

Pijin Deuterocanon

¹² Yufala bin biliv longtaem finis, so hemi fitim fo yufala seleva i stap olsem tisa. Bat hemi luk olsem yufala nidim narafala man fo kam tisim yufala moa abaotem olketa fas samting wea yufala herem finis abaotem Kraes. Yufala olsem olketa pikinini hu i susu yet, wea yufala i no fit fo kaikaim strongfala kaikai.

Hibrus 5:12 Iomraidhean Croise

2 Samuel 16:23

Long datfala taem, eni toktok wea Ahitofel hemi talem, hemi nambawan tumas olsem wea hemi barava toktok blong God. Nomata Deved o Absalom, tufala evriwan i tinghae tumas long olketa toktok blong Ahitofel.

Esra 7:10

Yawe hemi gohed fo helpem olketa, bikos Esra hemi wakahad tumas fo lanem an obeim Lo blong Yawe, an hemi gohed fo tisim olketa blong Israel long olketa lo an olketa rul ya wea hemi stap long buk long Lo ya.

Sams 34:11

Yufala olketa yanga, yufala kam an lisin long mi. Bae mi tisim yufala fo tinghae long Yawe.

Aesaea 28:13

Dastawe nao disfala Mesij blong Yawe, bae hemi barava olsem nomoa taem man hemi tisim smolfala pikinini fo talem sem toktok wea hemi gohed fo talem. Hemi sud barava isi fo olketa heresave. Bat nomata olsem, olketa no falom nomoa disfala tising. Dastawe nao olketa foldaon insaet long trap an olketa enemi i holem olketa, an olketa no save ranawe.

Aesaea 55:1

Yawe hemi tok moa olsem, “!Yufala kam long mi! Yufala evriwan hu i barava dae fo wata, yufala kam. Wata hemi stap nomoa. Yufala hu i no garem seleni, yufala kam. Yufala kam tekem kaikai, an gohed fo kaikai nomoa. Yufala kam an dringim milk an waen, wea hemi no kostem yufala enisamting. !Hemi fri nomoa!

Matiu 17:17

Nao Jisas hemi sei, “Maewat, yufala olketa pipol blong distaem ya, wei blong yufala hemi ravis tumas an yufala nating biliv long God. ?Haomas taem nao mi mas stap wetem yufala? !Hemi had tumas distaem fo mi stap wetem yufala! !Tekem kam boe ya long mi!”

Gudnius abaotem Jisas Kraes wea Mak hemi raetem 9:19

Nao Jisas hemi sei long olketa olsem, “Maewat, yufala ya nating save biliv long God. ?Haomas taem nao mi mas stap wetem yufala? !Hemi had tumas distaem fo mi stap wetem yufala! !Yufala tekem kam boe ya long mi!”

Aposol 7:38

An Mosis ya hemi stap wetem olketa pipol blong Israel taem olketa hipap tugeta long disfala drae eria. Hemi stap wetem olketa olo blong yumi, an hemi talem olketa wanem disfala enjel hemi bin talemaot long hem long maonten long Saenae. Hemi herem disfala toktok blong God wea hemi garem laef long hem, an hemi givim kam long yumi.

Leta wea Pol hemi raetem go long sios long Rom 3:2

!Oo plande gudfala samting ya! Nambawan samting nao hemi olsem, God bin givim kam olketa toktok blong hem long olketa Jiu fo lukaftarem.

1 Korin 14:19

Bat taem mi stap wetem olketa long sios, mi laek fo tisim olketa. An nomata mi talem nomoa faefala wod wea olketa save heremsave, hem nao hemi moabeta winim sapos mi talemaot plande taosen wod long olketa spesol kaen langguis.

1 Korin 14:20

Olketa fren, yufala mas no stap olsem pikinini long save blong yufala. Nomoa. Yufala mas stap olsem bikman long save blong yufala. Bat hemi gud sapos yufala stap olsem smolfala pikinini nomoa long wei fo duim olketa ravis samting ya.

Galesia 4:3

Yumi olsem tu. Taem yumi olsem disfala pikinini yet, yumi stap wakaman blong olketa wei blong wol nomoa.

Filipae 3:1

Nao olketa Kristin fren blong mi, mi laekem yufala fo stap hapi long Masta. Hemi gud nomoa long mi fo raetem moa wanem mi talem yufala finis bifoa, bikos hemi save helpem yufala.

Kolosi 3:16

Yufala mas letem toktok ya blong Kraes wea hemi fulap long olketa gudfala samting, fo hemi stap oltaem insaet long maen blong yufala. An yufala mas gohed fo yusim olketa waes toktok fo stretem yufala an fo tisim yufala evriwan gudfala. An hemi gud fo yufala preisim God long maen blong yufala, an gohed fo singim olketa singsing blong Buktambu an olketa singsing blong lotu an olketa nara singsing wea Holi Spirit hemi save givim kam.

Hibrus 10:32

Yufala mas tingimbaek olketa samting wea hemi hapen bifoa, long taem yufala jes kasem finis disfala laet blong God. Long taem ya, nomata yufala safa tumas long plande samting, yufala gohed nomoa fo stanap strong.

Hibrus 5:11

Mifala garem plande samting moa fo talem go long yufala abaotem hao nao Jisas hemi kamap Haeprist olsem Melkisedek, bat hemi had tumas fo tisim yufala gud bikos yufala slou tumas fo lanem olketa samting ya.

Hibrus 5:13

Eniwan hu hemi susu, hemi bebi yet ya an hemi no luksave yet long olketa tising abaotem wanem hemi stret an wanem hemi rong.

Hibrus 6:1

Dastawe nao yumi mas lusim diskaen wei wea yumi go-gohed oltaem fo tokabaotem olketa fas samting wea yumi bin lanem abaotem Kraes. Yumi mas gohed nao long olketa tising blong Kraes wea hemi fitim olketa bikman fo save long hem. Nogud yumi gohed moa fo tisim olketa samting wea yumi stat wetem ya. Olsem olketa tising abaotem: hao yumi mas lusim olketa ravis wei wea yumi save dae long hem, an hao yumi mas biliv long God,

1 Pita 2:2

Bat yufala mas olsem olketa smolfala bebi wea i jes bon an i laekem susu tumas. Olsem, yufala mas laekem tumas disfala nambawan milk blong God wea hemi save mekem yufala grouap go-go God hemi sevem yufala.

1 Pita 4:11

Nao taem eniwan long yufala hemi gohed fo talemaot toktok blong God, hemi mas talemaot nomoa olketa toktok wea God hemi givim kam. An taem eniwan long yufala hemi helpem olketa pipol, hemi mas duim long paoa wea God hemi givim long hem. From olketa gudfala waka olsem, bae pipol save preisim God long nem blong Jisas Kraes. Hem nao hemi garem bikfala paoa an saen blong bikfala paoa ya, evritaem an olowe nao. Amen.