Hibrus 4:2 - Pijin Bible

² Yumi herem finis disfala Gudnius ya, olsem olketa pipol long bifoa olketa herem tu. Bat nomata olketa herem finis disfala toktok ya, hemi no helpem olketa, bikos taem olketa herem, olketa nating bilivim nomoa.

Pijin Deuterocanon

² Yumi herem finis disfala Gudnius ya, olsem olketa pipol long bifoa olketa herem tu. Bat nomata olketa herem finis disfala toktok ya, hemi no helpem olketa, bikos taem olketa herem, olketa nating bilivim nomoa.

Hibrus 4:2 Iomraidhean Croise

Aposol 13:46

Bat Pol an Banabas tufala gohed strong nomoa fo talem olsem, “Mitufala mas talemaot toktok blong God long yufala fastaem. Bat from yufala agensim diswan, yufala somaot dat yufala i no fit fo garem disfala tru laef wea hemi no save finis. So mifala mas lusim yufala an go moa long olketa pipol hu i no Jiu.

Aposol 3:26

So God hemi siusim Wakaman blong hem Jisas an hemi sendem hem kam long yufala fastaem, mekem hemi save givim blesing long yufala, taem hemi mekem yufala fo tane kambaek an lusim olketa ravis wei blong yufala.”

Leta wea Pol hemi raetem go long sios long Rom 2:25

Disfala wei fo mekem olketa boe fo kate hemi garem mining sapos yufala barava falom wanem Lo hemi talem. Bat sapos yufala brekem Lo, diskaen wei fo kate hemi no garem eni mining nomoa.

Leta wea Pol hemi raetem go long sios long Rom 3:3

An nomata samfala long olketa no falom disfala toktok, bat hemi no minim God hemi lusim promis blong hem.

1 Korin 13:3

Nomata mi givim go evrisamting blong mi fo olketa pua, an nomata mi letem olketa enemi fo bonem mi fo dae long faea, bat sapos mi no lavem olketa pipol, bae mi no save winim enisamting long diswan nomoa.

Galesia 3:2

Wanfala samting nomoa mi laek fo yufala talem kam long mi. ?Waswe, yufala tekem Spirit blong God bikos yufala falom Lo, o bikos yufala biliv long disfala Gudnius wea yufala herem?

Galesia 3:8

Long taem bifoa, Buktambu hemi tokabaotem finis wea God bae hemi mekem olketa pipol hu i no Jiu fo kamap stret long ae blong hem bikos olketa biliv. Long wei ya nao, Ebraham hemi herem Gudnius fastaem wea hemi sei, “Bae God hemi yusim yu nao fo blesim evri pipol long wol ya.”

Galesia 4:13

An yufala save dat bodi blong mi bin sik tumas, dastawe nao mi save talemaot Gudnius long yufala fastaem ya.

Diutronomi 1:32

Bat nomata mi toktok hao long olketa, olketa nating save trastem Yawe. Evritaem hemi lidim yumi kam fo res long olketa gudfala ples, an hemi som rod long yumi, an long naet hemi go fastaem long yumi long wanfala bikfala faea, an long de hemi go fastaem long yumi long wanfala bikfala klaod wea hemi stanap stret, bat olketa nating save trastem hem.”

1 Tesalonaeka 1:5

Taem mifala tekem go disfala Gudnius long yufala, mifala no toktok nating nomoa, bat Holi Spirit hemi mekem olketa mirakol tu. Mifala somaot dat mifala barava biliv strong long Gudnius. An taem mifala stap wetem yufala, yufala luksave finis long olketa gudfala samting wea mifala duim wea hemi fo helpem yufala.

1 Tesalonaeka 2:13

An narasamting moa, oltaem mifala talem tengkiu long God, bikos taem yufala herem mifala talemaot toktok blong God, yufala no herem olsem toktok blong man nomoa, bat yufala biliv wea hemi barava toktok blong God. Diswan hemi tru tumas, bikos God hemi gohed nao fo duim olketa gudfala samting long laef blong yufala hu biliv long hem.

1 Timoti 4:8

Hemi gud sapos yumi gohed fo mekem bodi blong yumi fo kamap strong moa. Bat hemi barava gudfala moa sapos yumi gohed fo mekem Kristin laef blong yumi fo kamap strong moa, bikos diswan hemi save helpem yumi long plande wei. Hemi givim gudfala samting long laef blong yumi distaem, an long laef wea bae hemi kam yet tu.

Hibrus 11:6

No eniwan save mekem God fo hemi hapi long hem, sapos hemi no biliv. Bikos eniwan hu hemi laek fo kam kolsap long God, hemi mas biliv dat God hemi stap, an hemi mas biliv dat God hemi givim olketa gudfala samting ya long olketa pipol hu i kam long hem.

Hibrus 3:12

Olketa Kristin fren, yufala mas lukaot, nogud eniwan long yufala hemi gorong long tingting blong hem, mekem hemi lusim biliv blong hem an hemi lusim God hu hemi laef.

Hibrus 4:6

Olketa pipol hu i herem Gudnius ya fastaem, olketa no save go insaet long ples fo res ya bikos olketa i no biliv. Bat long distaem, ples ya hemi stap yet fo olketa deferen pipol fo go insaet.

Jemes 1:21

So yufala mas no olobaot moa, an yufala mas no gohed moa long evri ravis wei. Bat yufala mas hambol an wiling fo obeim toktok wea God hemi putum insaet long tingting blong yufala. Disfala toktok nao save sevem yufala.

1 Pita 1:12

So God hemi somaot long olketa dat disfala tru toktok wea olketa gohed fo talemaot, hemi no fo helpem profet seleva, bat hemi fo helpem yufala nao. An Holi Spirit wea God hemi sendem kam, hemi givim paoa long samfala pipol, mekem olketa talemaot disfala Gudnius long yufala. An nomata olketa enjel tu, olketa wande savegud abaotem disfala Gudnius.