Hibrus 3:19 - Pijin Bible

¹⁹ Olsem, yumi save nao, olketa no biliv long God, an dastawe nao olketa no save kasem ples fo res wetem God.

Pijin Deuterocanon

¹⁹ Olsem, yumi save nao, olketa no biliv long God, an dastawe nao olketa no save kasem ples fo res wetem God.

Hibrus 3:19 Iomraidhean Croise

Sams 106:24

Bat bihaen olketa les fo go long gudfala lan wea God hemi bin givim fo olketa, bikos olketa nating bilivim promis blong hem.

Gudnius abaotem Jisas Kraes wea Mak hemi raetem 16:16

An eniwan hu hemi biliv long Gudnius ya an hemi baptaes, hem nao God bae hemi sevem hem. Bat eniwan hu hemi no biliv, bae God hemi jajem hem.

Gudnius abaotem Jisas Kraes wea Jon hemi raetem 3:18

Eniwan hu hemi biliv long disfala San ya, God bae hemi no jajem hem. Bat eniwan hu hemi no biliv long hem, God hemi jajem hem finis nao. God hemi duim olsem, bikos man ya hemi no biliv long San blong hem wea hemi wanfala nomoa.

Gudnius abaotem Jisas Kraes wea Jon hemi raetem 3:36

Eniwan hu hemi biliv long disfala San, hemi garem tru laef wea hemi no save finis. Bat eniwan hu hemi no biliv long disfala San, hemi no save garem disfala laef, an God bae hemi kros long hem olowe nao.

Leta wea Pol hemi raetem go long sios long Rom 11:23

An sapos olketa Jiu olketa stat fo biliv moa, bae God hemi joenem olketa moa insaet long oliv tri ya. Bikos God hemi garem paoa fo joenem olketa baek moa.

Diutronomi 1:32

Bat nomata mi toktok hao long olketa, olketa nating save trastem Yawe. Evritaem hemi lidim yumi kam fo res long olketa gudfala ples, an hemi som rod long yumi, an long naet hemi go fastaem long yumi long wanfala bikfala faea, an long de hemi go fastaem long yumi long wanfala bikfala klaod wea hemi stanap stret, bat olketa nating save trastem hem.”

2 Tesalonaeka 2:12

Bikos olketa no biliv long tru toktok, an olketa hapi fo duim olketa ravis samting, God bae hemi jajem olketa ya.

Hibrus 3:12

Olketa Kristin fren, yufala mas lukaot, nogud eniwan long yufala hemi gorong long tingting blong hem, mekem hemi lusim biliv blong hem an hemi lusim God hu hemi laef.

1 Jon 5:10

So eniwan hu hemi biliv long San Blong God, hemi garem strongfala tingting abaotem disfala toktok. Bat eniwan hu hemi no biliv long God, hemi no bilivim disfala toktok wea God hemi talemaot abaotem San blong hem. Diskaen man hemi mekem God fo luk olsem man fo laea nao.

Jiud 1:5

Nao mi laek fo talem gud wanfala toktok long yufala, nomata yufala save finis long hem. Fastaem, Masta blong yumi hemi sevem olketa pipol blong Israel, taem hemi tekemaot olketa from Ijip ya. Bat bihaen nomoa, hemi gohed fo kilim dae samfala pipol wea olketa no biliv long hem.