Hibrus 3:14 - Pijin Bible

¹⁴ Yumi save stap joen wetem Kraes, sapos yumi gohed olowe fo holestrong long disfala strong biliv wea yumi garem fastaem ya.

Pijin Deuterocanon

¹⁴ Yumi save stap joen wetem Kraes, sapos yumi gohed olowe fo holestrong long disfala strong biliv wea yumi garem fastaem ya.

Hibrus 3:14 Iomraidhean Croise

Leta wea Pol hemi raetem go long sios long Rom 11:17

Samfala brans blong barava oliv tri God hemi brekemaot finis. An yufala, nomata yufala olsem olketa brans blong wael oliv tri, God hemi joenem yufala go long disfala barava oliv tri ya. An distaem yufala tu i save garem olketa gudfala samting wea hemi kamaot long olketa Jiu ya.

Leta wea Pol hemi raetem go long sios long Rom 11:22

Yufala mas tingim gud dat God hemi save sore an kaen tumas, bat hemi save jajem yumi tu. Hemi jajem olketa hu i lusim wei blong hem, bat hemi sore an kaen long yufala sapos yufala gohed fo falom gudfala wei blong hem. Bat sapos yufala no duim diswan, bae hemi katemaot yufala tu.

1 Korin 1:30

God nao hemi mekem yufala fo kamap joen wetem Jisas Kraes. An long Kraes nao hemi mekem yumi fo kamap barava waes, an fo kamap stret long ae blong hem seleva, an fo kamap olketa spesol pipol blong hem. Bikos Kraes nao hemi peimaot yumi from olketa sin blong yumi.

1 Korin 10:17

An hemi wanfala bred nomoa ya. So nomata yumi plande, yumi wanfala bodi nomoa bikos yumi evriwan kaikaim haf long disfala wanfala bred.

1 Korin 9:23

Mi duim evrisamting olsem, mekem disfala Gudnius hemi save go-gohed moa an mekem mi save kasem olketa promis blong hem.

Efesas 3:6

Hem ya nao disfala plan. Gudnius abaotem Kraes hemi mekem yufala hu i no Jiu fo tekem olketa gudfala samting wea God hemi gohed fo givim long olketa pipol blong hem long Israel. Yufala wetem mifala olketa Jiu i kamap wanfala bodi. An wanem God hemi promis fo givim kam long mifala bikos mifala joen wetem Jisas Kraes, hemi blong yufala tu ya.

Diutronomi 1:35

‘!Yufala ravis pipol blong distaem! !Bae no eniwan long yufala save go insaet long gudfala lan wea mi bin promis fo givim long olketa olo blong yufala!

1 Timoti 6:2

Nomata olketa slev wea i waka fo olketa Kristin masta i olsem brata blong olketa nomoa, olketa mas tinghae long olketa ya tu. Ya, olketa slev olsem, olketa mas waka gud moa bikos olketa helpem olketa masta wea i Kristin pipol, an olketa lavem olketa masta ya tumas. Nao yu mas tisim olketa samting ya long olketa pipol, an yu mas tokstrong long olketa fo olketa mas falom.

Hibrus 11:1

Taem yumi biliv long God, yumi trastem hem long olketa samting wea hemi bin promisim yumi. Nomata yumi no lukim yet, yumi save dat olketa samting ya i stap finis.

Hibrus 12:10

Olketa dadi blong yumi long wol ya, olketa stretem yumi fo sotfala taem nomoa, falom tingting blong olketa. Bat God hemi stretem yumi fo barava helpem yumi, mekem yumi save stap holi olsem hem seleva.

Hibrus 3:1

Olketa Kristin fren blong mi wea God hemi siusim yufala finis, yufala mas putum tingting blong yufala strong long Jisas, wea God hemi sendem kam olsem Haeprist blong yumi. An hem nao wanem yumi bilivim.

Hibrus 3:6

Bat Kraes wea hemi San Blong God, hem nao hemi Masta blong disfala haos blong God wea hemi lukaftarem gudfala tumas. An yumi nao disfala haos blong God, sapos yumi gohed nomoa fo holestrong long biliv an yumi hapi fo mekem tingting blong yumi i stap strong long God oltaem.

Hibrus 6:11

Mifala laekem tumas fo yufala evriwan i gohed fo holestrong long disfala biliv blong yufala, go-go kasem taem wea evrisamting wea yufala tingting tumas long hem, hemi kam tru.

Hibrus 6:4

Nao olketa Kristin hu i tanem go baeksaet blong olketa long Kraes, hemi had tumas fo olketa tane kambaek long Kraes moa ya. Bikos fastaem, olketa save finis wea God hemi tru, an olketa tekem disfala presen wea God hemi givim kamdaon long heven, an Holi Spirit hemi stap long laef blong olketa finis.

1 Pita 4:13

Yufala mas gohed fo hapi long wei wea yufala safa wetem Kraes. Sapos olsem, bae yufala tu i hapi fogud, taem Kraes hemi kam wetem saen blong bikfala paoa blong God.

1 Pita 5:1

Mi tu mi wanfala lida long sios, an mi lukim Kraes taem hemi safa. An bae mi garem saen blong bikfala paoa blong God, taem Kraes hemi kambaek moa. Mi wande talem strong long yufala olketa lida long sios olsem,

1 Jon 1:3

So wanem mifala barava lukim an barava herem, hem nao mifala talemaot long yufala ya. Long disfala wei nao, bae yufala save stapgud wetem mifala olsem wea mifala stapgud wetem God Dadi an tugeta wetem San blong hem Jisas Kraes.