Hibrus 13:7 - Pijin Bible

⁷ Yufala tingimbaek olketa lida blong yufala bifoa, hu i talemaot toktok blong God long yufala. Yufala tingting long gudfala wei blong laef blong olketa go-go olketa dae, an yufala mas falom gud disfala wei blong biliv blong olketa.

Pijin Deuterocanon

⁷ Yufala tingimbaek olketa lida blong yufala bifoa, hu i talemaot toktok blong God long yufala. Yufala tingting long gudfala wei blong laef blong olketa go-go olketa dae, an yufala mas falom gud disfala wei blong biliv blong olketa.

Hibrus 13:7 Iomraidhean Croise

Nambawan Singsing 1:8

Daling blong mi, yu barava luknaes tumas winim evri narafala woman. Sapos yu no save long ples wea olketa sipsip ya i stap long hem, yu mas falom rod blong olketa, mekem olketa nanigot blong yu save kaikai kolsap long olketa haostent blong olketa man fo lukaftarem sipsip.

Matiu 24:45

Nao Jisas hemi sei moa, “?Hu nao wakaman hu hemi waes an hemi kipim promis olowe? Hem nao disfala man wea bos blong hem hemi putum hem fo lukaftarem olketa nara wakaman, mekem hem nao hemi save givim kaikai long olketa wakaman long barava taem fo kaikai.

Gudnius abaotem Jisas Kraes wea Luk hemi raetem 12:42

Nao Masta hemi tok olsem, “?Hu nao wakaman hu hemi waes an hemi save kipim promis olowe? Hem nao disfala man wea bos blong hem hemi putum hem fo lukaftarem olketa nara wakaman blong hem, mekem hem nao save givim kaikai long olketa long barava taem fo kaikai.

Gudnius abaotem Jisas Kraes wea Luk hemi raetem 5:1

Long wanfala taem, Jisas hemi stanap long saet long leik long Genesaret. An plande pipol nao olketa kam raonem hem, wea olketa pus strong fo kam long hem, mekem olketa save herem toktok blong God.

Gudnius abaotem Jisas Kraes wea Luk hemi raetem 8:11

An Jisas hemi sei moa, “Mining blong disfala tokpiksa hemi olsem ya, disfala sid ya hemi olsem toktok blong God nao ya.

Aposol 13:46

Bat Pol an Banabas tufala gohed strong nomoa fo talem olsem, “Mitufala mas talemaot toktok blong God long yufala fastaem. Bat from yufala agensim diswan, yufala somaot dat yufala i no fit fo garem disfala tru laef wea hemi no save finis. So mifala mas lusim yufala an go moa long olketa pipol hu i no Jiu.

Aposol 14:23

Nao long evri sios, tufala makem samfala pipol fo stap olsem lida blong olketa. An olketa stop fo no kaikai an olketa prea an tufala givim olketa Kristin ya long han blong Masta hu olketa biliv long hem finis.

Aposol 4:31

Taem olketa prea finis, disfala haos wea olketa hipap tugeta long hem ya, hemi seksek nao. An olketa evriwan olketa fulap long Holi Spirit, an bihaen ya, olketa gohed strong fo talemaot toktok blong God nao.

Leta wea Pol hemi raetem go long sios long Rom 10:17

So pipol save biliv taem olketa herem Gudnius, an olketa save herem Gudnius taem eniwan hemi talemaot toktok abaotem Kraes.

1 Korin 10:13

Evrisamting wea hemi kam fo traem yufala ya, hemi diskaen samting wea hemi save kasem eni pipol nomoa ya. An God hemi save kipim promis olowe, so bae hemi no letem enisamting fo traem yufala wea hemi save winim paoa blong yufala. Bikos taem enisamting hemi traem yufala, bae God hemi helpem yufala fo gohed fo stanap strong, mekem yufala save faendem wei fo win.

1 Korin 11:1

So yufala mas falom wei blong mi, olsem mi tu mi falom wei blong Kraes.

1 Korin 4:16

So mi barava laekem yufala fo trae fo falom wei blong mi.

Filipae 3:17

Nao olketa Kristin fren, yufala mas gohed fo falom wanem mi duim. Yufala mas lane gud long eksampol blong eniwan hu hemi falom wei wea mifala bin som finis long yufala.

1 Tesalonaeka 1:6

Taem yufala bilivim disfala Gudnius, yufala falom olketa gudfala wei blong mifala wea hemi olsem wei blong Masta blong yumi. An nomata yufala mitim plande trabol, bat Holi Spirit hemi mekem yufala hapi nomoa.

1 Tesalonaeka 2:13

An narasamting moa, oltaem mifala talem tengkiu long God, bikos taem yufala herem mifala talemaot toktok blong God, yufala no herem olsem toktok blong man nomoa, bat yufala biliv wea hemi barava toktok blong God. Diswan hemi tru tumas, bikos God hemi gohed nao fo duim olketa gudfala samting long laef blong yufala hu biliv long hem.

2 Tesalonaeka 3:7

Yufala seleva save finis nao dat yufala mas falom olketa wei blong mifala. Taem mifala stap wetem yufala, mifala no les fo duim waka.

2 Tesalonaeka 3:9

Taem mifala duim olsem, hemi no minim wea mifala no garem raet fo askem yufala fo helpem mifala. Nomoa ya. Bat mifala laek fo somaot gudfala wei fo yufala, mekem yufala save falom.

1 Timoti 3:5

?Sapos eniwan hemi no save lukaftarem famili blong hem seleva, hao nao hemi save lukaftarem sios blong God?

Hibrus 13:17

Olketa lida blong yufala i lukaftarem laef blong yufala. An bihaen nao, bae olketa mas talem God abaotem wanem olketa bin duim. Dastawe yufala mas obeim olketa an tinghae long olketa, mekem olketa hapi long waka ya. Sapos yufala mekem waka blong olketa fo kamap hevi, bae hemi no save helpem yufala nao ya.

Hibrus 13:24

Yufala mas sei halo long evri lida long sios wetem olketa evri pipol blong God. Olketa Kristin hu i stap kam long Itali, olketa sei halo long yufala tu.

Hibrus 6:12

Yufala no stap les, bat yufala mas olsem olketa pipol long bifoa hu i biliv long God, an hu i wiling fo stap weit nomoa. Olketa pipol ya nao bae i tekem wanem God hemi promis fo givim long olketa.

1 Pita 4:11

Nao taem eniwan long yufala hemi gohed fo talemaot toktok blong God, hemi mas talemaot nomoa olketa toktok wea God hemi givim kam. An taem eniwan long yufala hemi helpem olketa pipol, hemi mas duim long paoa wea God hemi givim long hem. From olketa gudfala waka olsem, bae pipol save preisim God long nem blong Jisas Kraes. Hem nao hemi garem bikfala paoa an saen blong bikfala paoa ya, evritaem an olowe nao. Amen.

Revelesin 1:9

Mi Jon, mi brata blong yufala bikos yumi evriwan biliv long Jisas. Yumi evriwan fren tugeta, nomata olketa mekem yumi safa bikos yumi biliv long Jisas. Olketa bin putum mi long smolfala aelan long Patmos, bikos mi bin talemaot toktok blong God an olketa tru toktok abaotem Jisas.

Revelesin 20:4

An mi lukim moa samfala tron. An mi lukim tu olketa spirit blong olketa pipol wea olketa bin katemaot hed blong olketa bifoa, bikos olketa bin talemaot tru toktok abaotem Jisas an olketa bin obeim toktok blong God. Olketa ya, olketa no wosipim wael animol ya o kaving blong hem. An olketa no tekem tu disfala mak blong wael animol ya long fohed o long han blong olketa. Olketa laefbaek moa long taem ya, an God hemi mekem olketa fo sidaon long olketa tron fo rulim olketa pipol. Olketa stap fo rul wetem Kraes fo 1,000 yia.

Revelesin 6:9

Nao Smolfala Sipsip ya hemi brekem moa mekfaev tambu mak long skrol ya, an mi lukim plande spirit andanit long olta. Olketa spirit ya, i spirit blong olketa pipol wea olketa bin kilim dae bifoa, bikos olketa nao bin biliv long toktok blong God an olketa bin gohed fo talemaot disfala toktok ya.