Hibrus 11:7 - Pijin Bible

⁷ Noa hemi biliv long God, an dastawe hemi obeim God taem hemi wonem hem abaotem olketa samting wea no eniwan i lukim yet. Hemi wakem wanfala bikfala sip fo sevem olketa famili blong hem. An bikos hemi obeim God, hemi somaot dat olketa pipol blong wol ya i rong, bat hem seleva hemi kamap stret long ae blong God olsem evriwan hu i biliv long hem.

Pijin Deuterocanon

⁷ Noa hemi biliv long God, an dastawe hemi obeim God taem hemi wonem hem abaotem olketa samting wea no eniwan i lukim yet. Hemi wakem wanfala bikfala sip fo sevem olketa famili blong hem. An bikos hemi obeim God, hemi somaot dat olketa pipol blong wol ya i rong, bat hem seleva hemi kamap stret long ae blong God olsem evriwan hu i biliv long hem.

Hibrus 11:7 Iomraidhean Croise

Jenesis 19:14

So Lot hemi go lukim tufala man wea bae tufala maritim tufala gele blong hem. Nao hemi tok olsem long tufala, “!Yu hariap! !Bae yumi goaot kuiktaem from ples ya! !Distaem nomoa, Yawe bae hemi spoelem taon ya finis!” Bat tufala tingse hemi gohed fo tokplei nomoa long tufala, so tufala no kam nomoa.

Jenesis 6:13

Nao God hemi tok olsem long Noa, “Bikos wol ya hemi kamap ful nao long evri ravis samting wea olketa pipol ya i mekem, bae mi barava finisim wol ya nao wetem pipol ya.

Jenesis 6:22

Nao Noa hemi duim evrisamting ya nao olsem wea God hemi bin talem hem.

Jenesis 6:9

Stori abaotem Noa wetem laen blong hem hemi olsem: Noa hemi garem trifala pikinini boe, hu nem blong trifala, Siem, an Ham an Jafet. Noa nomoa hemi wanfala man hu hemi stret tumas long ae blong God, an hemi no garem enisamting wea hemi rong long laef blong hem, an oltaem hemi stap frengud wetem God.

Jenesis 7:5

Nao Noa hemi duim evrisamting wea God hemi bin talem hem.

Jenesis 8:16

olsem, “Distaem, yu wetem waef blong yu, an trifala pikinini blong yu wetem trifala waef blong trifala, yufala evriwan save kamaot long sip ya nao.

2 Kings 4:5

Oraet, woman ya wetem tufala san blong hem i go insaet long haos, an satem doa. Tufala san ya i gohed fo karim kam olketa emti botol long hem. Hemi tekem smolfala botol oel ya, an hemi stat fo kapsaetem oel go long olketa botol ya.

Stori abaotem Job 35:8

Olketa sin blong yu save spoelem nomoa olketa narafala pipol. An olketa gudfala samting wea yu duim, hemi save helpem nomoa olketa pipol ya.

Provebs 22:3

Man garem save, hemi lukim trabol, hem go long sef ples. Man no garem save, hem gohed long trabol, an hemi panis.

Provebs 27:12

Man garem save, hemi lukim trabol, hem go long sef ples. Man no garem save, hem gohed long trabol, an hemi safa.

Esikiel 14:14

Nomata sapos trifala man ya, Noa, an Danel, an Job i stap wetem yufala long taem ya, bat stretfala wei blong trifala bae hemi sevem nomoa laef blong trifala seleva. Hem nao mesij blong mi Lod Yawe.

Esikiel 33:5

Hemi olsem bikos hemi herem trampet ya fo wonem olketa, bat hemi no tinghevi nomoa long hem. Sapos hemi bin lisin long woning long trampet ya an ranawe, hemi save sevem nomoa laef blong hem, bat hemi no duim.

Matiu 2:12

Bihaen long diswan, olketa gobaek moa long kantri blong olketa. Bat olketa gobaek falom deferen rod nao, bikos God hemi bin talem olketa long wanfala drim wea olketa mas no gobaek moa long Herod.

Matiu 24:15

Nao Jisas hemi sei moa, “Bae yufala save lukim wanfala nogud samting tumas wea hemi save spoelem God, bae hemi stanap insaet long tambuples. Diswan ya nao wanem profet Daniel hemi tokabaotem ya.” Man hu hemi ridim disfala toktok ya, hemi mas save gudfala long mining blong hem.

Matiu 24:25

Hem nao mi talem yufala abaotem wanem bae hemi hapen.

Matiu 24:38

Long taem bikfala flad ya hemi no kam yet, pipol gohed fo kaikai an dring an mekem marit, go-go kasem barava de wea Noa hemi go insaet long bikfala sip nao.

Matiu 3:7

Bat taem Jon hemi lukim dat plande long olketa Farasi an olketa Sadiusi olketa kam long hem from olketa tu i wande fo baptaes, hemi sei long olketa nao, “!Yufala olsem olketa snek ya! ?Waswe, yufala tingse sapos yufala baptaes, bae yufala save ranawe from disfala kros blong God wea bae hemi kam ya?

Gudnius abaotem Jisas Kraes wea Luk hemi raetem 17:26

Nao wanem hemi hapen long taem blong Noa, hem tu bae hemi hapen long taem mi San Blong Man mi kambaek.

Leta wea Pol hemi raetem go long sios long Rom 1:17

Gudnius ya, hemi somaot disfala wei wea God hemi mekem olketa pipol stret long ae blong hem. Disfala wei nao hemi stat long biliv an hemi finis long biliv tu. Olsem hemi talem finis insaet long Buktambu, “Man hu hemi biliv, bae hemi stret long ae blong God an bae hemi garem tru laef.”

Leta wea Pol hemi raetem go long sios long Rom 10:6

Bat toktok abaotem hao pipol save stret long ae blong God long biliv blong olketa, hemi sei olsem, “Yu no sei insaet long tingting blong yu, ‘?Hu nao bae hemi goap long skae?’” Diswan hemi minim yumi no wari fo goap an tekem Kraes kamdaon fo sevem yumi.

Leta wea Pol hemi raetem go long sios long Rom 3:22

God seleva nao hemi mekem olketa pipol hu i biliv, fo olketa stret long ae blong hem. Diswan hemi duim long evriwan hu i biliv long Jisas Kraes. An no enisamting nomoa hemi deferen long olketa pipol ya,

Leta wea Pol hemi raetem go long sios long Rom 4:11

Long taem Ebraham hemi no kate yet, hemi biliv long God, an God hemi lukim hem olsem stretfala man. An bihaen, hemi tekem disfala mak blong kate wea hemi saen blong stretfala man. So Ebraham hemi olsem nambawan olo blong evri pipol hu i no kate bat olketa biliv long God, bikos God hemi lukim olketa olsem stretfala pipol.

Leta wea Pol hemi raetem go long sios long Rom 4:13

God hemi promisim Ebraham an olketa laen blong hem bihaen, dat disfala wol bae hemi blong olketa. Bat God hemi no mekem promis ya bikos Ebraham hemi duim wanem Lo hemi talem. Nomoa. Hemi bikos Ebraham hemi biliv long God, an God hemi lukim hem olsem stretfala man.

Leta wea Pol hemi raetem go long sios long Rom 9:30

Nao wanem mifala talem hemi olsem. Olketa pipol hu i no Jiu an hu i no trae fo kamap stret falom Lo, olketa stret finis long ae blong God bikos olketa biliv nomoa.

Galesia 5:5

Bat mifala biliv wea God bae hemi mekem mifala kamap stret long ae blong hem long paoa blong Holi Spirit.

Filipae 3:9

an mekem mi save joen gudfala wetem hem. So mi no stap stret long ae blong God bikos mi falom disfala Lo ya. !Nomoa! Mi kamap stretfala man bikos mi biliv long Kraes, wea God nao hemi duim diswan bikos mi biliv nomoa.

Hibrus 11:1

Taem yumi biliv long God, yumi trastem hem long olketa samting wea hemi bin promisim yumi. Nomata yumi no lukim yet, yumi save dat olketa samting ya i stap finis.

Hibrus 12:25

Yufala mas lukaot, nogud yufala les fo obeim God hu hemi toktok kam long yufala ya. Olketa pipol blong bifoa wea olketa no lisin long hem taem hemi wonem olketa kam long wol ya, olketa no save ranawe from panis ya. ?So hao nao bae yumi save ranawe from panis, sapos yumi tanem go baeksaet blong yumi long hem, taem hemi tok kam long heven fo wonem yumi?

Hibrus 5:7

Taem Jisas hemi stap yet long wol ya, hemi kraeaot bikfala long prea blong hem. Hemi prea go long God hu hemi save helpem hem fo no dae. Nao God hemi herem prea blong Jisas, bikos Jisas hemi save falom God an tinghae tumas long hem.

Hibrus 8:5

Olketa duim waka blong olketa ya long tambuples wea hemi wanfala piksa nomoa long barava tambuples blong God long heven. Dastawe nao God hemi wonem Mosis, taem hemi laekem hem fo wakem disfala haostent blong hem, wea hemi sei, “An taem yu wakem olketa samting ya, yu mas barava falom disfala plan wea mi gohed fo talemaot long yu, antap long disfala maonten.”

1 Pita 3:20

Hem ya nao olketa spirit blong olketa pipol long taem blong Noa hu i les fo obeim God nomata hemi kaen gud long olketa. Eitfala pipol nomoa God hemi sevem olketa long wata.

2 Pita 1:1

Mi Saemon Pita, wakaman an aposol blong Jisas Kraes. Mi raet go long yufala wea God hemi givim disfala nambawan biliv wea mifala tu garem. Long stretfala wei blong God an Sevia blong yumi Jisas Kraes, hem nao yumi evriwan garem disfala nambawan biliv.

2 Pita 2:5

Long bifoa tu, Noa hemi tokabaotem stretfala wei long olketa pipol. An taem olketa pipol no obeim God, God hemi panisim olketa. Hemi sendem bikfala flad fo kilim olketa dae. Bat Noa wetem sevenfala pipol nomoa, God hemi sevem olketa.

2 Pita 3:6

Bifoa, hemi yusim wata ya fo spoelem disfala wol taem hemi mekem wata fo kamap hae an kavaremap disfala graon.