Hibrus 11:25 - Pijin Bible

²⁵ Bat hemi siusim nomoa fo safa wetem olketa pipol blong God, bikos hemi no laek fo stap gud long wei blong sin, wea hemi fo lelebet taem nomoa.

Pijin Deuterocanon

²⁵ Bat hemi siusim nomoa fo safa wetem olketa pipol blong God, bikos hemi no laek fo stap gud long wei blong sin, wea hemi fo lelebet taem nomoa.

Hibrus 11:25 Iomraidhean Croise

Stori abaotem Job 20:5

ravis pipol i save hapi fo lelebet taem nomoa.

Stori abaotem Job 36:21

Yu mas no falom olketa ravis wei. God hemi letem yu fo safa mekem yu no falom olketa ravis wei ya.

Sams 47:9

Olketa lida blong olketa narafala kantri i joen tugeta wetem yumi olketa pipol blong God blong Ebraham. Hemi garem moa paoa winim olketa ami, an bae hemi King ovarem evriwan. (Singsing blong olketa long laen blong Kora.)

Sams 84:10

God blong mi, sapos mi stap fo wanfala de nomoa insaet long Tambuhaos blong yu, hemi moabeta winim sapos mi stap fo 1,000 de long eni narafala ples. Nomata mi stanap nomoa long doa blong Tambuhaos blong yu, hemi moabeta winim sapos mi stap insaet long haos blong olketa nogud pipol.

Aesaea 21:4

Ae blong mi hemi raon tumas, an bodi blong mi hemi seksek fogud, bikos mi barava fraet tumas. Oltaem mi laekem tumas fo ivining hemi kam kuiktaem, bat taem hemi ivining, hemi mekem mi jes fraet fogud moa.

Daniel 3:18

Bat nomata sapos hemi no sevem mitrifala, bae mitrifala no save wosipim olketa god blong yu, an mitrifala no save baodaon long disfala gol kaving wea yu stanemap.”

Matiu 13:21

Bat hemi no go dip nomoa insaet long maen blong hem, so hemi no stap longtaem nomoa. Taem hadtaem hemi kasem hem, an taem olketa pipol i meksave long hem from toktok ya, bae hemi kuiktaem tu fo lusim go evrisamting.

Gudnius abaotem Jisas Kraes wea Luk hemi raetem 16:25

“Bat Ebraham hemi tok olsem, ‘San, yu save long taem yu laef yet, yu bin garem evri gud samting nomoa, bat Lasaros hemi bin garem evri ravis samting nao. Bat long distaem, Lasaros hemi hapi tumas nao, bat yu gohed fo safa fogud nomoa.

Aposol 7:34

Mi bin lukim finis hao olketa spoelem nogud olketa pipol blong mi long Ijip. Mi herem finis wea olketa krae from diswan, an mi kamdaon nao fo mekem olketa kamap fri moa. Yu kam, mekem mi sendem yu gobaek moa long Ijip.’

Leta wea Pol hemi raetem go long sios long Rom 5:3

An yumi hapi tu long olketa trabol blong yumi, bikos yumi save hemi mekem yumi fo stanap strong moa.

2 Korin 5:17

Taem eniwan hemi joen wetem Kraes, God hemi mekem hem niufala moa. Olketa olfala samting i go finis, an olketa niufala samting nao i kam.

Kolosi 1:24

Nomata mi safa distaem, mi save hapi tumas ya, bikos diswan hemi fo helpem yufala. Kraes hemi safa tumas bifoa fo helpem sios wea hemi bodi blong hem. An long sem wei, mi tu mi safa long bodi blong mi fo finisim lelebet waka blong Kraes wea hemi stap yet.

2 Timoti 1:8

So, yu mas talemaot toktok abaotem Masta blong yumi, an yu mas no filsem long diswan. An yu mas no filsem long mi tu, wea mi stap long prisin bikos mi waka fo hem. Yu mas no fraetem olketa wea bae olketa save mekem yu safa bikos yu talemaot Gudnius. God nao bae hemi givim yu paoa, mekem yu save gohed strong nomoa.

Hibrus 10:32

Yufala mas tingimbaek olketa samting wea hemi hapen bifoa, long taem yufala jes kasem finis disfala laet blong God. Long taem ya, nomata yufala safa tumas long plande samting, yufala gohed nomoa fo stanap strong.

Hibrus 11:37

Samfala ya, olketa enemi i sutim olketa dae long ston, o olketa katem bodi blong olketa long tufala haf, o olketa kilim olketa dae wetem naef fo faet. Olketa ya, olketa i pua tumas wea olketa save werem nomoa olketa skin blong sipsip an nanigot, an olketa enemi i save mekful long olketa an duim enikaen ravis samting long olketa.

Hibrus 4:9

So from diswan yumi save nao, wea olketa pipol blong God bae olketa save kasem yet disfala taem fo res, olsem God hemi res finis long mekseven de.

Jemes 1:20

Kros blong man hemi no save helpem eniwan fo duim wanem God hemi laekem.

Jemes 5:5

Taem yufala stap long disfala wol, yufala ris tumas long enikaen gudfala samting an yufala yusim evrisamting ya fo mekem yufala seleva nomoa fo filgud long hem. Long diskaen wei, yufala jes mekem yufala seleva fat, olsem fat buluka wea bae olketa busarem.

1 Pita 2:10

Long bifoa, yufala i no pipol blong God an God hemi no sore an kaen long yufala. Bat distaem, yufala i barava pipol blong God tru nao an God hemi barava sore an kaen tumas long yufala.

Revelesin 18:7

Yufala mas mekem plande trabol fo kasem hem, fitim disfala wei blong hem fo haemapem hem seleva an fo garem hapi taem wetem olketa gudfala samting blong hem. Ya, yufala mas mekem hem filnogud tumas, bikos hemi gohed fo tokpraod long hem seleva olsem, ‘Mi nao kuin an mi sidaon gud long tron blong kuin. Mi no olsem wido woman wea hemi save sore an krae.’