Hibrus 11:12 - Pijin Bible

¹² an dastawe plande pipol nao i bon kam long laen blong hem. Nomata Ebraham hemi olo tumas an taem blong hem fo dae hemi kam kolsap, olketa long laen blong hem i kamap plande tumas olsem olketa sta antap long skae, an olketa plande tumas fo kaontem olsem olketa sanbis long saet si.

Pijin Deuterocanon

¹² an dastawe plande pipol nao i bon kam long laen blong hem. Nomata Ebraham hemi olo tumas an taem blong hem fo dae hemi kam kolsap, olketa long laen blong hem i kamap plande tumas olsem olketa sta antap long skae, an olketa plande tumas fo kaontem olsem olketa sanbis long saet si.

Hibrus 11:12 Iomraidhean Croise

Jenesis 15:5

Bihaen, Yawe hemi tekem Ebram go aotsaet, an hemi tok olsem long hem, “Yu luk goap long skae, an trae fo kaontem olketa sta ya. Yu tingse yu save kaontem olketa ya go-go finis? !Ating nomoa ya! Mi talem yu, olketa pikinini wea bae olketa bon kam long laen blong yu, bae olketa staka fogud olsem olketa sta ya.”

Jenesis 22:17

bae mi barava blesim yu, an olketa wea bae i bon kam long laen blong yu, bae olketa staka fogud. Bae olketa plande tumas olsem olketa sta long skae, an olsem olketa sanbis daon long saet si. An bae olketa gohed fo winim olketa enemi blong olketa.

Jenesis 26:4

Olketa pikinini ya wea bae i bon kam long laen blong yu bae olketa i plande tumas, olsem olketa sta long skae, an bae mi givim graon ya fo olketa. Bae olketa man blong olketa narafala kantri i gohed fo askem mi fo blesim olketa olsem mi blesim olketa pikinini blong yu ya.

Jenesis 32:12

Bifoa ya, yu promis sei bae yu mekem evrisamting long laef blong mi i gohed gudfala, an bae yu mekem olketa pikinini wea bae i bon kam long laen blong mi fo kamap plande tumas, wea no eni man save kaontem olketa, an bae olketa i plande olsem sanbis long saet si. Plis yu no fogetem disfala promis blong yu ya.”

2 Samuel 17:11

“So tingting blong mi hemi olsem. Bae yu mas kolem kam evri soldia blong Israel, stat long Dan long not olowe go kasem Beereseba long saot, mekem olketa i plande olsem sanbis long saet si. Den yu nomoa yu mas lidim olketa go fo faet.

1 Kings 4:20

Olketa pipol blong Israel wetem olketa pipol blong Jiuda, i barava plande fogud, an pipol no save kaontem olketa olsem pipol no save kaontem sanbis long saet si. Olketa kaikai an dring, an olketa i hapi.

1 Kronikols 27:23

King Deved hemi bin mekem sensas, bat hemi no bin kaontem olketa yangman wea i no kasem eij tuenti, bikos Yawe hemi bin promis fo mekem pipol blong Israel fo kamap plande fogud olsem olketa sta long skae.

Nehemaea 9:23

Yu mekem wea olketa garem plande pikinini, olsem olketa sta long skae, an yu tekem olketa kam fo stap long disfala lan wea yu bin talem olketa grani blong olketa fo go tekova long hem.

Eksodas 32:13

Plis yu tingim trifala wakaman blong yu ya, Ebraham, an Aesak, an Jekob, an plis yu tingim disfala strongfala promis wea yu bin mekem long trifala, long nem blong yu seleva. Yu bin promisim finis long trifala olsem, ‘Bae mi mekem olketa hu i bon kam bihaen long yufala fo kamap plande fogud, olsem olketa sta long skae. An bae mi givim long olketa ya evri lan wea mi bin promisim long yufala, fo olketa onam olowe nao.’ ”

Aesaea 10:22

Olketa pipol blong Israel, nomata yufala plande tumas distaem olsem sanbis long saet si, bat long datfala taem, bae samfala long yufala nomoa i laef. Wei blong Yawe nao hemi stret fogud, an hemi bin talemaot finis wea bae hemi spoelem finis olketa pipol blong hem.

Aesaea 48:19

Ya, sapos yufala bin obeim mi, bae mi mekem olketa hu bae i bon kam long laen blong yufala, fo kamap plande tumas olsem olketa sanbis long saet si. An bae mi nating letem eniwan fo spoelem olketa.”

Jeremaea 33:22

Bae mi mekem olketa long laen blong Deved, hu hemi wakaman blong mi, an olketa prist long traeb blong Livae i kamap plande tumas, olsem olketa sta long skae, an olsem sanbis long solwata, wea man hemi no save kaontem.”

Hosia 1:10

(Profet) Olketa pipol blong Israel. Bae yumi kamap plande tumas olsem sanbis long saetsi, wea no eniwan save kaontem. Distaem Yawe hemi gohed fo tok olsem, “Yufala i no pipol blong mi nao,” bat bae hemi kasem wanfala de wea bae hemi tok olsem long yumi, “Yufala nao i pikinini blong mi, God blong yufala wea mi laef.”

Habakuk 1:9

?Tingting blong olketa ya nao, fo barava spoelem evri enemi blong olketa. Taem ami ya hemi kam kolsap fo faet, evri pipol i fraet an seksek tumas. Oltaem, olketa soldia i kasholem staka pipol wea no eniwan nao save kaontem.

Leta wea Pol hemi raetem go long sios long Rom 9:27

An Aesaea hemi tokabaotem olketa pipol blong Israel, wea hemi singaot olsem, “Nomata pipol blong Israel olketa plande tumas olsem sanbis long saet si, bae samfala nomoa God hemi sevem olketa.

Diutronomi 1:10

Yawe, God blong yufala, hemi mekem yufala fo kamap plande tumas olsem olketa sta long skae.

Diutronomi 28:62

Nomata fastaem yufala garem plande pipol olsem olketa sta long skae, bat sapos yufala no obeim Yawe, God blong yufala, oraet, tu-tri nomoa long yufala bae i stap laef.

Josua 11:4

Olketa paramaon sif ya kam tugeta wetem evri soldia blong olketa, wea i staka fogud olsem sanbis long saet si. Olketa garem tu plande hos an plande kaat fo faet wea olketa hos nao i pulum.

Revelesin 20:8

An bae hemi goaot fo trikim olketa pipol long evri ples long wol, wea olketa kolem laen blong Gog an Megog. Seitan bae hemi mekem olketa pipol ya fo kam hipap fo faetem olketa pipol blong God. Olketa soldia blong Seitan bae olketa plande tumas olsem sanbis long saetsi.

Jajis 7:12

Olketa ami wea i stap long bikfala flat ples ya nao hemi olsem, ami blong Midian wetem ami blong Amalek, an ami blong olketa long drae eria long saet long ist. Olketa ya i staka tumas olsem anis wea hemi kavaremap olketa ples. An olketa kamel blong olketa evriwan i plande tumas tu olsem sanbis long saetsi.

1 Samuel 12:5

Den, Samuel hemi tok olsem, “Yawe wetem king wea hemi bin siusim, tufala nao i witnes long toktok blong yufala tude, wea yufala talem mi nating duim enisamting wea hemi rong.” An olketa sei olsem, “Ya, Yawe nao hemi witnes blong yumi.”