Hibrus 10:1 - Pijin Bible

¹ Disfala Lo blong Mosis ya, hemi olsem piksa nomoa blong olketa gudfala samting wea bae olketa kam. An hemi no save somaot barava tru samting. Disfala Lo ya hemi talem olketa fo mekem semkaen sakrifaes evri yia nomoa. Dastawe nao, Lo ya hemi no save mekem olketa pipol wea olketa kam fo mekem sakrifaes long God fo olketa kamap stret fogud.

Pijin Deuterocanon

¹ Disfala Lo blong Mosis ya, hemi olsem piksa nomoa blong olketa gudfala samting wea bae olketa kam. An hemi no save somaot barava tru samting. Disfala Lo ya hemi talem olketa fo mekem semkaen sakrifaes evri yia nomoa. Dastawe nao, Lo ya hemi no save mekem olketa pipol wea olketa kam fo mekem sakrifaes long God fo olketa kamap stret fogud.

Hibrus 10:1 Iomraidhean Croise

Levitikas 9:16

An hemi tekem kam tufala animol fo mekem sakrifaes wea hemi barava bone, an hemi sakrifaesim tufala olsem wea Yawe hemi talem.

Leta wea Pol hemi raetem go long sios long Rom 8:3

Lo hemi no garem paoa fo tekemaot sin blong yumi, bikos yumi no save obeim. Bat God nao hemi duim diswan taem hemi mekem San blong hem fo kamap man olsem yumi man, bat yumi nao i man blong sin. Hemi sendem hem kam olsem wanfala sakrifaes fo tekemaot sin blong yumi. Long wei ya nao, God hemi jajem wei blong sin blong yumi man.

Kolosi 2:17

Olketa samting olsem, olketa i piksa nomoa blong olketa samting wea bae kam bihaen. Bat Kraes nao hemi barava truwan ya.

Hibrus 10:22

Hemi bin mekem tingting blong yumi fo kamap klin an no filsem moa, an hemi mekem bodi blong yumi tu fo kamap klin wetem gudfala wata. So yumi mas kam kolsap long God nao, wea yumi garem gudfala tingting an biliv blong yumi hemi barava strong.

Hibrus 7:11

Bikos olketa prist long traeb blong Livae olketa stap fo duim waka blong olketa, God hemi save givim go disfala Lo blong Mosis long olketa pipol blong Israel. ?Nao sapos waka blong olketa prist ya hemi fit fo mekem olketa pipol kamap stret fogud, waswe nao wanfala narakaen prist moa hemi mas kam bihaen? Bat waka blong olketa prist ya hemi no fit, an dastawe nao wanfala prist hemi kam hu hemi no olsem olketa prist long laen blong Eron, bat hemi olsem Melkisedek.

Hibrus 8:5

Olketa duim waka blong olketa ya long tambuples wea hemi wanfala piksa nomoa long barava tambuples blong God long heven. Dastawe nao God hemi wonem Mosis, taem hemi laekem hem fo wakem disfala haostent blong hem, wea hemi sei, “An taem yu wakem olketa samting ya, yu mas barava falom disfala plan wea mi gohed fo talemaot long yu, antap long disfala maonten.”

Hibrus 9:11

Bat Kraes hemi kam finis, wea hem nao disfala Haeprist ovarem olketa gudfala samting wea olketa stap finis. Hemi go insaet finis long disfala Tambu Haostent wea hemi gudfala moa winim disfala haostent blong bifoa. I no pipol nao hu i wakem disfala haostent, an hemi no samting blong disfala wol tu.

Hibrus 9:23

Olketa samting ya wea i stap olsem piksa blong olketa samting long heven, olketa prist mas splasem blad long olketa olsem fo mekem olketa kamap klin. Bat olketa barava samting wea i stap long heven ya, wanfala sakrifaes wea hemi gudfala winim olketa olfala sakrifaes nao, hem nomoa hemi save mekem olketa kamap klin.

Hibrus 9:25

Evri yia nao, haeprist blong olketa Jiu hemi mas go insaet long Barava Tambu Rum fo tekem go blad blong animol insaet long hem. Bat Kraes wea hemi givim laef blong hem long God olsem wanfala sakrifaes, hemi no go insaet long heven long plande taem. Nomoa.