Hibrus 1:4 - Pijin Bible

⁴ God hemi mekem San blong hem fo kamap bikfala tumas moa winim olketa enjel, bikos disfala nem wea God hemi givim long hem, hemi hae an bikfala tumas moa winim olketa.

Pijin Deuterocanon

⁴ God hemi mekem San blong hem fo kamap bikfala tumas moa winim olketa enjel, bikos disfala nem wea God hemi givim long hem, hemi hae an bikfala tumas moa winim olketa.

Hibrus 1:4 Iomraidhean Croise

Efesas 1:21

Kraes hemi stap long heven fo King ovarem olketa enjel an evri narakaen paoa moa long skae. An Kraes hemi garem nem wea hemi bikfala tumas winim evri narafala nem long disfala wol an long nara wol wea bae hemi kam.

Kolosi 1:18

An Kraes nao hemi hed blong sios, an sios nao hemi olsem bodi blong hem, an laef blong sios ya nao hemi kamaot long hem. Hemi faswan wea hemi laefbaek moa from dae, olsem hem nomoa hemi nambawan long evrisamting ya.

Kolosi 2:10

An Kraes hemi hae moa winim evri enjel an evri narakaen paoa moa. An hem nao hemi bin givim tru laef long yufala hu i joen wetem hem.

2 Tesalonaeka 1:7

An fo yufala wea yufala barava safa tumas an fo mifala tu, bae God hemi finisim trabol blong yumi evriwan. Diswan bae hemi hapen long taem wea Jisas Masta blong yumi, bae hemi kamdaon from heven wetem olketa enjel blong hem hu i garem strongfala paoa.

Hibrus 1:9

Yu laekem tumas wei wea hemi stret, bat yu heitem wei wea hemi nogud. Dastawe God hu hemi God blong yu, hemi siusim yu an mekem yu hapi moa winim olketa fren blong yu.

Hibrus 12:17

Yufala save, bihaen nao, Iso hemi laekem dadi blong hem fo blesim hem fo givim moa disfala spesol raet, bat dadi blong hem hemi no duim nao. No eni wei moa fo Iso hemi sensim disfala rong samting wea hemi duim finis ya, nomata hemi krae bikfala an askem tumas dadi blong hem fo blesim hem.

Hibrus 2:9

Bat Jisas nao hemi garem olketa paoa. Fo lelebet taem, God hemi mekem hem fo stap lou andanit long olketa enjel, mekem hemi somaot kaenfala lav blong God taem hemi sensim evri pipol an dae. An bikos hemi safa tumas an dae, God hemi liftimap nem blong hem an givim hem saen blong bikfala paoa blong hem.

1 Pita 3:22

Jisas ya nao hemi goap long heven an hemi sidaon long raetsaet blong God. An hemi rul ovarem olketa enjel an evri paoa long heven.