Hibrus 1:3 - Pijin Bible

³ Hem nao hemi somaot saen blong bikfala paoa blong God. Hemi barava olsem God nao, an hemi holem skae an wol ya strong wetem toktok blong hem, wea hemi garem bikfala paoa. Taem hemi tekemaot sin blong olketa pipol finis, hemi go sidaon long heven long raetsaet blong God hu hemi garem evri paoa.

Pijin Deuterocanon

³ Hem nao hemi somaot saen blong bikfala paoa blong God. Hemi barava olsem God nao, an hemi holem skae an wol ya strong wetem toktok blong hem, wea hemi garem bikfala paoa. Taem hemi tekemaot sin blong olketa pipol finis, hemi go sidaon long heven long raetsaet blong God hu hemi garem evri paoa.

Hibrus 1:3 Iomraidhean Croise

1 Kronikols 29:11

Yu barava hae fogud, an yu garem evri paoa. Nem blong yu hemi hae, an yu gud tumas. Yawe yu nao king an yu rul long paoa blong yu. Evrisamting long heven an long wol hemi blong yu nomoa. An yu barava hae fogud, an yu rul ovarem evrisamting.

Stori abaotem Job 37:22

Laet wea hemi saen bikfala tumas olsem gol, hemi saen kam long not. An disfala saen blong bikfala paoa blong God, hemi mekem yumi barava fraet fogud.

Sams 110:1

Yawe hemi tok olsem long King hu hemi masta blong mi, “Yu sidaon long raet saet blong mi, go-go kasem taem wea mi mekem olketa enemi blong yu fo stap andanit long paoa blong yu.”

Sams 75:3

Nomata evrisamting wea i laef olketa seksek, an graon hemi seksek tu, bae mi mekem faondesin blong wol ya fo hemi stap strong.

Eklesiastes 8:4

Bikos king hemi garem paoa, yumi no save tok olsem long hem, “?Wanem nao yu duim ya?”

Levitikas 15:15

An prist hemi mas kilim wanfala fo mekem sakrifaes fo mekem man ya stret moa long ae blong mi, an hemi mas kilim narawan fo mekem sakrifaes wea hemi barava bone. Long disfala wei, datfala man hemi save kamap klin long ae blong mi.

Maeka 5:4

Taem pikinini ya hemi kamap, bae hemi lukaftarem gudfala olketa pipol blong hem. Bae hemi rul ovarem olketa long paoa wea Yawe hemi givim long hem, an bae hemi rul nomoa long nem blong Yawe hu hemi King. Long datfala taem, olketa pipol blong hem bae i stap gudfala, bikos evri pipol long wol bae i luksave dat hemi garem bikfala paoa.

Matiu 22:24

“Tisa, Mosis hemi tok olsem ya, ‘Sapos wanfala man hemi dae from waef blong hem taem tufala no garem eni pikinini yet, bae brata blong hem hemi mas sensim hem fo maritim moa woman ya. Long wei ya, bae olketa pikinini blong tufala ya olketa kamap olsem olketa pikinini blong nara brata hu hemi dae finis.’

Gudnius abaotem Jisas Kraes wea Mak hemi raetem 16:19

Taem Jisas Masta blong olketa, hemi toktok long olketa finis nomoa, God hemi tekem hem go antap long heven nao. An hemi sidaon long raetsaet blong God.

Gudnius abaotem Jisas Kraes wea Jon hemi raetem 1:14

Nao Toktok ya hemi kamap man an hemi barava somaot klia dat God hemi kaen tumas. Hemi somaot klia evri tru samting abaotem God. Hemi bin stap wetem mifala an mifala bin lukim saen blong bikfala paoa blong hem. Bikfala paoa wea hemi tekem finis bikos hem seleva nomoa hemi San Blong God.

Gudnius abaotem Jisas Kraes wea Jon hemi raetem 1:29

Long neks de, Jon hemi lukim go Jisas wea hemi wakabaot kam nao. So hemi sei, “!Ei, lukim go man ya! Hem nao Smolfala Sipsip blong God fo sakrifaesim, wea hemi tekemaot sin blong evri pipol long disfala wol.

Gudnius abaotem Jisas Kraes wea Jon hemi raetem 1:4

Tru laef hemi stat kam long hem. An disfala tru laef ya hemi olsem laet wea hemi saen go long olketa pipol.

Aposol 2:33

God hemi tekem hem goap fo sidaon long raetsaet blong hem. An God Dadi blong hem, hemi givim Holi Spirit long hem olsem hemi promisim finis. So wanem yufala lukim an herem distaem, hemi samting wea God hemi givim kam long mifala.

Aposol 7:56

So Stivin hemi tok olsem, “!Lisin fastaem, mi lukim heven hemi open an disfala San Blong Man hemi stanap long raetsaet blong God!”

Leta wea Pol hemi raetem go long sios long Rom 1:16

Mi nating filsem long disfala Gudnius, bikos hem ya nao paoa blong God fo sevem evriwan hu i biliv long hem. Fastaem, olketa Jiu nao i herem, an bihaen nao, olketa pipol hu i no Jiu herem tu.

Leta wea Pol hemi raetem go long sios long Rom 8:34

So no eniwan save jajem yumi an sei yumi rong. Bikos Jisas Kraes hu hemi dae an laefbaek moa, hemi stap long raetsaet blong God wea hemi prea gud fo helpem yumi.

2 Korin 4:4

Olketa no save biliv, bikos laea god blong disfala wol hemi mekem maen blong olketa fo blaen. So olketa no save lukim disfala laet blong Gudnius, wea hemi abaotem saen blong bikfala paoa blong Kraes hu hemi barava olsem God.

Kolosi 3:1

Nao hemi olsem yufala bin laefbaek moa from dae wetem Kraes ya. So yufala mas wakahad fo kasem olketa samting blong heven. Long ples ya nao, Kraes hemi sidaon fo rul long raetsaet blong God.

Taetas 2:14

Jisas Kraes hemi letem hem seleva fo dae fo sensim yumi an peimaot yumi evriwan from evri sin blong yumi. Hemi mekem laef blong yumi barava klin, mekem yumi kamap pipol blong hem an barava wande duim evri gud samting.

Hibrus 1:13

God hemi no talem eni enjel wanem hemi talem go long San blong hem, wea hemi sei, “Yu sidaon kam long raetsaet blong mi. Bae mi putum olketa enemi blong yu andanit long paoa blong yu.”

Hibrus 10:12

Bat Kraes hemi mekem wanfala sakrifaes nomoa. An disfala sakrifaes blong hem, hemi garem paoa fo finisim olketa sin olowe nao. An bihaen, hemi go fo sidaon long raetsaet blong God.

Hibrus 12:2

Yumi mas gohed fo lukluk go long Jisas, wea hem nao hemi mekem disfala wei fo yumi save biliv, an hem nao hemi lukaftarem biliv blong yumi go-go kasem en long resis blong yumi. Nomata olketa kilim hem dae long kros, hemi hapi fo tingim disfala laef wea bae hemi kasem bihaen. Hemi no tingim disfala dae blong hem long kros, olsem samting fo filsem long hem. An long distaem ya, hemi sidaon nao long raetsaet blong God fo rul wetem hem.

Hibrus 4:14

Nao yumi garem barava nambawan Haeprist, an hem nao Jisas San Blong God, hu hemi goap finis long heven. So, yumi mas gohed fo holestrong long disfala biliv wea yumi talemaot oltaem.

Hibrus 7:27

Olketa nara haeprist ya i mekem olketa sakrifaes evri de nao. Fastaem, olketa mekem sakrifaes fo askem God fo finisim sin blong olketa seleva, an bihaen, olketa mekem sakrifaes fo sin blong olketa nara pipol. Bat Jisas hemi mekem wanfala sakrifaes nomoa wea hemi gohed fo waka olowe, taem hemi letem hem seleva fo dae, fo finisim sin blong evri pipol.

Hibrus 8:1

Bikfala samting wea mifala gohed fo talem long yufala nao, hemi olsem. Yumi garem diskaen Haeprist ya hu hemi sidaon long heven long raetsaet blong God hu hemi garem evri paoa.

Hibrus 9:16

Nao sapos wanfala man hemi bin raetem wanfala agrimen fo talemaot hu nao bae tekem olketa samting blong hem taem hemi dae, oraet, olketa mas somaot dat man ya hemi barava dae finis bifoa olketa save tekem olketa samting blong man ya.

Hibrus 9:26

Sapos hemi bin duim plande taem, Kraes hemi bin safa plande taem tumas nao, stat long taem God hemi mekem wol ya kam kasem distaem. Bat nomoa. Hemi kam kasem yumi wanfala taem nomoa, long disfala taem wea hemi no longtaem fo wol ya bae hemi finis. An hemi letem hem seleva fo dae olsem wanfala sakrifaes, fo finisim evri sin.

1 Pita 1:21

Bikos Kraes hemi helpem yufala, hem nao yufala save biliv long God. God nao hemi mekem Kraes fo laefbaek moa from dae an givim hem saen blong bikfala paoa blong hem. Dastawe nao yufala save biliv long God an trastem hem.

1 Pita 3:22

Jisas ya nao hemi goap long heven an hemi sidaon long raetsaet blong God. An hemi rul ovarem olketa enjel an evri paoa long heven.

2 Pita 1:16

Mifala no falom enikaen olobaot stori, taem mifala talemaot long yufala dat Jisas Kraes Masta blong yumi bae hemi kambaek moa wetem bikfala paoa. Nomoa. Mifala nao lukim long ae blong mifala, taem Kraes hemi garem saen blong bikfala paoa blong God.

2 Pita 1:17

An taem ya nao, God hu hemi Dadi hemi mekhae long nem blong Kraes, an hemi givim hem disfala saen blong bikfala paoa blong hem. An God hu hemi bikfala tumas, hemi toktok kam an hemi sei, “Hem ya nao barava San blong mi wea mi lavem hem tumas, an mi hapi tumas long hem.”

1 Jon 1:7

Bat sapos yumi falom wei blong laet olsem God hemi long laet, bae yumi save stapgud tugeta olowe. An bae blad blong Jisas San Blong God, hemi mekem yumi barava klin from evri sin blong yumi.

1 Jon 3:5

Yufala save, Kraes hemi bin kam long disfala wol fo tekemaot sin blong olketa pipol. An hemi no garem eni sin.

Jiud 1:25

!Yumi preisim God Sevia blong yumi! Bikos Masta blong yumi Jisas Kraes hemi sevem yumi, yumi mas mekhae long God. Yumi mas talemaot dat hemi hae tumas an hemi garem evri paoa, stat kam bifoa wol hemi stap, an kam kasem distaem, an go-go hemi no save finis enitaem. Amen.

Revelesin 3:21

Man wea hemi winim faet, bae mi mekem hem fo sidaon fo rul wetem mi, bikos mi winim faet finis an mi gohed fo rul wetem Dadi blong mi.

Revelesin 4:11

“Yu nao God an Masta blong mifala. Yu mekem evrisamting long wol ya, an yu givim laef long olketa samting, bikos hem nao wanem yu laek fo duim. So hemi fitim fo mifala singsing fo liftimap nem blong yu an fo mekhae long yu an fo preisim yu from bikfala paoa blong yu.”