Hagae 2:15 - Pijin Bible

¹⁵ ?Yufala mas tingting gud long olketa samting wea i kasem yufala kam kasem distaem. Taem yufala no stat yet fo bildimbaek moa disfala Tambuhaos blong mi,

Pijin Deuterocanon

¹⁵ ?Yufala mas tingting gud long olketa samting wea i kasem yufala kam kasem distaem. Taem yufala no stat yet fo bildimbaek moa disfala Tambuhaos blong mi,

Hagae 2:15 Iomraidhean Croise

Esra 3:10

Taem olketa man ya i stat fo putum faondesin long Tambuhaos ya blong Yawe, olketa prist i werem olketa spesol kaleko blong olketa, an holem olketa trampet, an olketa go stanap long ples blong olketa. An olketa Livaet wea i long laen blong Asaf i holem olketa simbol, an olketa go stanap long ples blong olketa. Nao olketa mekredi fo preisim Yawe, falom wei wea King Deved bin talem long olketa pipol bifoa.

Esra 4:24

From samting ya nao, disfala waka fo bildimbaek moa Tambuhaos blong God long Jerusalem, hemi barava stop nao, an hemi gohed olsem, wea olketa no waka long hem go-go kasem mektu yia wea King Darias hemi rul ovarem Pesia.

Sams 107:43

Hemi gud tumas sapos olketa pipol hu i waes mas tingim olketa samting ya. An hemi gud tumas tu fo olketa mas tingim olowe dat Yawe hemi tinghevi long yumi. (Singsing blong Deved.)

Aesaea 5:12

Taem yufala holem olketa fist blong yufala, oltaem yufala pleim olketa gita an tamborin blong yufala, an yufala gohed fo bloum olketa bambu paep an dringim waen fo mekem yufala hapi an no save tingim olketa samting wea Yawe hemi duim fo yufala.

Hosia 14:9

(Profet) Man hu hemi waes mas savegud long olketa toktok ya wea mi talem, an hemi mas kipim gudfala insaet long haat blong hem. Evri wei blong Yawe hemi stret fogud. An olketa pipol hu i stret, olketa nomoa i falom disfala wei. Bat olketa pipol hu i agensim God i wikdaon an foldaon, bikos olketa nating tinghevi long olketa stretfala wei.

Hagae 1:5

Yufala mas luksave long olketa samting yufala du-duim.

Hagae 1:7

Hem nao wanem Yawe hu hemi garem evri paoa hemi talem, ?Yufala mas luksave long olketa samting yufala du-duim.

Hagae 2:16

evritaem yufala go fo tekemaot olketa wit an bali long olketa gaden blong yufala, yufala tingse bae yufala garem 200 kilo, bat wea, yufala garem nomoa 100 kilo. An taem yufala go fo tekem waen long ples blong hem, yufala tingse bae yufala garem 100 lita, bat yufala garem nomoa 40 lita.

Hagae 2:18

Tude hemi mektuenti-foa de blong meknaen mans, an tude yufala finisim nao faondesin blong Tambuhaos blong mi. Stat distaem, yufala save lukim wanem bae hemi kamap.

Sekaraea 8:10

Bifoa datfala taem, olketa pipol i no garem seleni fo peim man o animol fo duim waka. No eniwan hemi save duim bisnis blong hem bikos olketa enemi i mekem laef hemi had fogud fo olketa. An mi mekem olketa fo agensim wantok blong olketa.

Sekaraea 8:11

?Bat mi talem yufala tru nao: Distaem, bae mi no duim long yufala wea i stap laef yet olsem mi bin duim bifoa. Bae mi duim gud long yufala.

Leta wea Pol hemi raetem go long sios long Rom 6:21

An yufala nating tekem eni gudfala samting nomoa from olketa sin wea yufala bin mekem. An distaem, yufala filsem nao long olketa samting ya. Olketa kaen wei ya, hemi mekem pipol fo dae nomoa.

1 Korin 11:31

Sapos yumi luksave gud long tingting blong yumi seleva fastaem, bae yumi no save kam andanit long panis blong God.