Hagae 1:14 - Pijin Bible

¹⁴ Nao Yawe hemi mekem Gavna Serababel, an Haeprist Josua, an olketa people long dea fo tingting strong long mesij ya. So olketa stat fo bildimbaek moa Tambuhaos blong Yawe hu hemi garem evri paoa.

Pijin Deuterocanon

¹⁴ Nao Yawe hemi mekem Gavna Serababel, an Haeprist Josua, an olketa people long dea fo tingting strong long mesij ya. So olketa stat fo bildimbaek moa Tambuhaos blong Yawe hu hemi garem evri paoa.

Hagae 1:14 Iomraidhean Croise

1 Kronikols 5:26

So God hemi mekem King Pul blong Asiria fo kam faetem olketa. King ya, olketa kolem hem tu long Tiglat-Pilesa. Hemi kasholem olketa ya, an fosim olketa fo go long Asiria. Hemi mekem olketa fo stap kam olowe long trifala taon long Hala, an Haboa, an Hara, kolsap long Gosan Riva.

2 Kronikols 36:22

Long fas yia wea King Saeras blong Pesia hemi rul ovarem Babilonia, Yawe hemi waka insaet long tingting blong king ya fo mekem wanfala toktok. Olketa sekretri blong hem i raetemdaon disfala toktok, an hemi sendem mesij ya go long evri ples long bikfala kingdom blong hem, mekem olketa ridimaot long olketa pipol. Yawe hemi duim diswan, mekem Mesij blong Yawe wea Profet Jeremaea bin talemaot, fo kamtru. Toktok ya hemi olsem,

Esra 1:1

Long fas yia wea King Saeras blong Pesia hemi rul ovarem Babilonia, Yawe hemi waka insaet long tingting blong king ya fo mekem wanfala toktok. Olketa sekretri blong hem i raetemdaon disfala toktok, an hemi sendem mesij ya go long evri ples long bikfala kingdom blong hem, mekem olketa ridimaot long olketa pipol. Yawe hemi duim diswan, mekem Mesij blong Yawe wea Profet Jeremaea bin talemaot, fo kamtru. Toktok ya hemi olsem,

Esra 1:5

Long datfala taem, Yawe hemi waka insaet long tingting blong plande pipol fo gobaek an bildimbaek moa Tambuhaos blong hem. So olketa ya, olsem olketa hed long laen blong Jiuda, an olketa hed long laen blong Benjamin, an olketa prist an olketa Livaet, i mekredi fo gobaek long Jerusalem.

Esra 5:2

Taem tufala Serababel, san blong Sealtiel, an Haeprist Jesua, san blong Jehosadak, i herem olketa profesi ya, tufala statem moa disfala waka long Tambuhaos ya blong God long Jerusalem. An tufala profet ya blong God i helpem olketa.

Esra 5:8

“King. Mifala laekem fo talemaot long yu, wea mifala bin visitim distrik long Jiuda, an mifala lukim dat olketa pipol gohed fo wakem wanfala niufala Tambuhaos blong Bikfala God. Olketa yusim olketa bikfala ston wea olketa katem, an olketa putum olketa bikfala timba insaet long olketa wol blong hem. Olketa gohed fo wakahad tumas fo mekem evrisamting blong Tambuhaos ya hemi mas stret gudfala, an waka ya hemi gohed gud tumas.

Nehemaea 4:6

Mifala gohed fo wakembaek moa bikfala wolston ya. An hemi no longtaem, hae blong wolston ya hemi kasem haf long mak blong hem, bikos olketa pipol ya i wiling tumas fo wakahad nao.

Sams 110:3

Long de wea bae yu go fo faetem olketa enemi blong yu, bae olketa pipol blong yu i hapi tumas fo kam an joen long ami blong yu. Ya, olsem wata long naet hemi kamap long moning fo givim niufala laef long olketa gras, bae olketa yangfala man blong yu i kam joen wetem yu long olketa tambu hil fo mekem ami blong yu i strong moa.

Hagae 1:1

Long mektu yia wea Darias hemi king long Pesia, long fas de blong meksiks mans long hem, Yawe hemi talemaot Mesij blong hem long Profet Hagae, mekem hemi go talemaot long gavna blong Jiuda, Serababel, san blong Sealtiel, an long Haeprist Josua, san blong Jehosadak.

Hagae 1:12

Nao Serababel, san blong Sealtiel, an Haeprist Josua, san blong Jehosadak, an olketa pipol hu i stap long dea i barava herem toktok blong Yawe hu hemi God blong olketa. Olketa obeim mesij wea Yawe, God blong olketa hemi bin sendem Profet Hagae fo talemaot. An olketa pipol i fraetem Yawe.

Hagae 1:15

Olketa statem waka ya long mektu yia blong King Darias, long mektuenti-foa de blong meksiks mans.

Hagae 2:2

?Yu go tok long Gavna Serababel blong Jiuda, an long Haeprist Josua, an long olketa pipol long dea, an yu askem olketa olsem,

Hagae 2:21

long Serababel, gavna blong Jiuda. Hemi tok olsem, ?Bae mi mekem heven an disfala wol fo seksek.

1 Korin 15:58

Olketa gudfala fren blong mi, from diswan yufala mas stanap strong an no seksek olobaot. Olowe, yufala mas go-gohed strong fo duim waka blong Masta. Yufala save finis wea no enisamting wea yufala duim long waka blong Masta hemi save lus nating.

2 Korin 8:16

!Mifala tengkiu tumas long God, bikos hemi mekem Taetas fo laekem tumas fo helpem yufala olsem mifala save duim!

Hibrus 13:21

Mi prea wea bae God ya hemi givim evri gudfala samting long yufala, mekem yufala save duim wanem hemi laekem. An mi prea tu wea long paoa blong Jisas Kraes, bae God hemi duim long yumi wanem hem seleva hemi hapi long hem. An bae yumi mekhae long Kraes olowe nao. Amen.