Hagae 1:1 - Pijin Bible

¹ Long mektu yia wea Darias hemi king long Pesia, long fas de blong meksiks mans long hem, Yawe hemi talemaot Mesij blong hem long Profet Hagae, mekem hemi go talemaot long gavna blong Jiuda, Serababel, san blong Sealtiel, an long Haeprist Josua, san blong Jehosadak.

Pijin Deuterocanon

¹ Long mektu yia wea Darias hemi king long Pesia, long fas de blong meksiks mans long hem, Yawe hemi talemaot Mesij blong hem long Profet Hagae, mekem hemi go talemaot long gavna blong Jiuda, Serababel, san blong Sealtiel, an long Haeprist Josua, san blong Jehosadak.

Hagae 1:1 Iomraidhean Croise

1 Kings 10:15

Hem nao antap long olketa seleni blong taks wea olketa bisnisman i gohed fo peim hem, an olketa seleni wea olketa bisnisman blong hem i winim, an olketa seleni wea olketa king blong Arebia i gohed fo peim hem, an olketa seleni wea olketa gavna blong olketa provins long Israel i gohed fo peim hem.

1 Kings 14:18

Nao evriwan long Israel i krae fo hem, an olketa berem hem, olsem Yawe hemi bin talem long wakaman blong hem, Profet Ahaeja.

2 Kings 14:25

Disfala mektu Jeroboam, hemi tekembaek olketa lan blong Israel stat long Lebo-Hamat long not, go kasem Ded Si long saot. Hemi duim falom Mesij blong Yawe, God blong Israel. Wakaman blong Yawe nao, Jona san blong Amitae, hu hemi profet blong Gat-Hefa, hemi bin talemaot disfala toktok blong Yawe.

1 Kronikols 3:17

King Jehoeakin wea olketa tekem hem go long prisin long Babilon, hemi garem sevenfala san. Olketa nao i Sealtiel,

1 Kronikols 3:19

Pedaea ya hemi garem tufala san wea nem blong tufala, Serababel an Simei. An Serababel hemi garem tufala san wea nem blong tufala, Mesulam an Hananaea. An hemi garem wanfala dota wea nem blong hem Selomit.

Esra 1:8

King ya hemi talem Mitredat, hu hemi man fo lukaftarem seleni blong king, fo tekemaot olketa tambu samting ya. An Mitredat hemi kaontem olketa samting ya long ae blong Sesbasa, hu hemi lida long traeb blong Jiuda, nao hemi givim olketa gobaek long hem.

Esra 10:18

Hem nao list long olketa prist hu bin maritim olketa hiden woman: Long famili blong Jesua, san blong Josadak, wetem olketa brata blong hem: Maasea, an Eliesa, an Jarib, an Gedalaea.

Esra 2:2

Olketa man hu i lidim olketa ya fo gobaek, nem blong olketa i olsem: Serababel, an Jesua, an Nehemaea, an Seraea, an Reelaea, an Modekae, an Bilsan, an Mispa, an Bigvae, an Rehum, an Baana. An olketa pipol long olketa laen blong Israel wea i gobaek, list blong olketa laen wetem namba blong olketa pipol ya hemi olsem:

Esra 2:63

An gavna blong provins tu hemi stopem olketa fo no kaikaim olketa tambu kaikai long Tambuhaos, go-go kasem taem wea wanfala prist hu hemi save yusim Urim an Tumim, hemi save faendemaot tingting blong God abaotem olketa.

Esra 3:2

Nao Haeprist Jesua, san blong Jehosadak, wetem olketa narafala prist, an Serababel, san blong Sealtiel, wetem olketa long laen blong hem, olketa wakembaek moa olta blong God blong Israel, mekem olketa save bonem olketa sakrifaes long hem, barava falom wei wea hemi stap long Lo blong Mosis, man blong God.

Esra 3:8

Long mektu mans blong mektu yia bihaen long taem olketa bin kambaek long ples wea olfala Tambuhaos hemi stap long hem bifoa, olketa stat fo wakembaek moa Tambuhaos ya. Serababel, san blong Sealtiel, an Jesua, san blong Jehosadak, wetem olketa prist an olketa Livaet, an evri narafala pipol hu i kambaek long Jerusalem, i joen tugeta fo duim waka ya. Olketa lida i siusim olketa Livaet hu i kasem mektuenti yia blong olketa, fo kamap bos ovarem olketa waka ya fo bildimbaek moa Tambuhaos blong Yawe.

Esra 4:2

So olketa kam fo lukim Serababel wetem olketa hed long olketa laen blong olketa, an olketa tok olsem, “Bae mifala joenem yufala long disfala waka, bikos mifala tu i wosipim God blong yufala, an mifala bin gohed fo mekem sakrifaes long hem stat long taem wea King Esahadon blong Asiria, hemi putum olketa olo blong mifala fo stap long disfala ples long bifoa.”

Esra 4:24

From samting ya nao, disfala waka fo bildimbaek moa Tambuhaos blong God long Jerusalem, hemi barava stop nao, an hemi gohed olsem, wea olketa no waka long hem go-go kasem mektu yia wea King Darias hemi rul ovarem Pesia.

Esra 5:1

Long datfala taem, Profet Hagae, an Profet Sekaraea, hu hemi long laen blong Ido, wea tufala i profet long olketa Jiu long Jerusalem an olketa narafala pat blong Jiuda, tufala talemaot profesi long olketa long nem blong God blong Israel.

Esra 5:3

Bat long datfala taem tu, Tatenae, hu hemi gavna blong provins ya long west saet blong Yufretis Riva, an Seta-Bosenae wetem olketa narafala bikman blong provins ya, olketa kam long Jerusalem, an askem olketa olsem, “?Hu nao givim raet long yufala fo statem moa fo bildimbaek disfala Tambuhaos, an fo redim olketa ston an timba blong hem?”

Esra 6:14

So, olketa lida blong olketa Jiu i gohed gudfala long waka ya, falom olketa profesi blong Profet Hagae wetem Profet Sekaraea, hu hemi long laen blong Ido. Olketa finisim Tambuhaos ya, olsem wea God blong Israel bin talem, an olsem wea King Saeras, an King Darias, an King Atasekses bin talem long taem wea trifala ya bin king blong Pesia.

Nehemaea 12:1

Taem Serababel, san blong Sealtiel, wetem Haeprist Jesua, tufala kambaek from Babilonia, plande prist and Livaet i kambaek wetem tufala. Nem blong olketa prist ya hemi olsem: Seraea, an Jeremaea, an Esra,

Nehemaea 12:10

Haeprist Jesua, hemi dadi blong Joeakim, an Joeakim, hemi dadi blong Eliasib, an Eliasib, hemi dadi blong Joeada,

Nehemaea 5:14

Hem ya nao narafala samting wea mi duim. Long mektuenti yia wea King Atasekses hemi rul ovarem Pesia, king hemi mekem mi fo kamap gavna blong Jiuda, an mi gohed fo rul olsem go-go kasem mekteti-tu yia wea hemi rul ovarem Pesia. Long tuel yia ya, mi wetem olketa wantok blong mi, mifala no kaikaim olketa barava nambawan kaikai wea gavna hemi garem raet fo tekem.

Nehemaea 7:7

Olketa man hu i lidim olketa ya fo gobaek, nem blong olketa i olsem: Serababel, an Jesua, an Nehemaea, an Asaraea, an Raamaea, an Nahamani, an Modekae, an Bilsan, an Mispa, an Bigvae, an Rehum, an Baana. An olketa pipol long olketa laen blong Israel wea i gobaek, list blong olketa laen wetem namba blong olketa pipol ya hemi olsem:

Nehemaea 8:9

Taem olketa pipol i herem olketa toktok ya blong Lo, olketa sore fogud mekem olketa krae bikfala. Bat mi Nehemaea, hu mi gavna blong Jiuda, wetem Prist Esra an olketa Livaet hu i gohed fo helpem olketa pipol fo minim Lo ya, mifala tok olsem long olketa pipol, “Tude hemi tambu fo Yawe God blong yumi. So yufala mas no sore an krae.”

Eksodas 4:13

Bat Mosis hemi tok olsem, “Plis Masta, yu sendem go narafala man.”

Hagae 1:12

Nao Serababel, san blong Sealtiel, an Haeprist Josua, san blong Jehosadak, an olketa pipol hu i stap long dea i barava herem toktok blong Yawe hu hemi God blong olketa. Olketa obeim mesij wea Yawe, God blong olketa hemi bin sendem Profet Hagae fo talemaot. An olketa pipol i fraetem Yawe.

Hagae 1:14

Nao Yawe hemi mekem Gavna Serababel, an Haeprist Josua, an olketa people long dea fo tingting strong long mesij ya. So olketa stat fo bildimbaek moa Tambuhaos blong Yawe hu hemi garem evri paoa.

Hagae 1:15

Olketa statem waka ya long mektu yia blong King Darias, long mektuenti-foa de blong meksiks mans.

Hagae 1:2

Yawe hu hemi garem evri paoa, hemi tok olsem, ?Olketa pipol ya i talem dat hemi no taem yet fo bildimbaek moa Tambuhaos blong mi.?

Hagae 1:3

Yawe hemi talem Profet Hagae fo go talemaot Mesij blong hem olsem,

Hagae 2:10

Long disfala sem yia nomoa, long mektuenti-foa de blong meknaen mans, Yawe hemi talemaot Mesij blong hem long Profet Hagae. Nao profet hemi tok olsem,

Hagae 2:20

Long sem de ya tu, Yawe hemi talemaot mektu Mesij blong hem long Profet Hagae mekem hemi go talemaot

Hagae 2:21

long Serababel, gavna blong Jiuda. Hemi tok olsem, ?Bae mi mekem heven an disfala wol fo seksek.

Hagae 2:4

Bat yu Serababel, yu mas strongim tingting blong yu seleva. An yu Josua, yu mas strongim tingting blong yu seleva. Yufala evriwan long disfala ples, yufala mas strongim tingting blong yufala seleva. Mi Yawe hu mi garem evri paoa, mi talem stret long yufala nao: Mi laekem yufala evriwan fo waka, bikos mi stap wetem yufala.

Sekaraea 1:1

Long mekeit mans blong mektu yia wea King Darias hemi rul ovarem Pesia, Yawe hemi talemaot Mesij blong hem long Profet Sekaraea, san blong Berekaea, an grani blong Ido. Hemi tok olsem,

Sekaraea 3:1

Mi lukim narafala spesol drim moa wea Yawe hemi som long mi. Long spesol drim ya, mi lukim Haeprist Josua hemi stanap frant long Enjel blong Yawe. An Seitan tu hemi stanap long dea, long raet saet blong hae prist, an hemi redi fo talemaot samfala poen fo agensim hem.

Malakae 1:8

Yufala gohed fo sakrifaesim kam olketa animol wea i blaen, o sik, o garem dae lek. ?Waswe, yufala tingse disfala wei olsem hemi stret? Yufala trae fo tekem go wanfala olsem long bikman blong yufala. Yufala save finis, bae hemi les long hem tu?

Gudnius abaotem Jisas Kraes wea Luk hemi raetem 3:27

Joda hemi san blong Joanan. Joanan hemi san blong Risa. Risa hemi san blong Serababel. Serababel hemi san blong Sialtiel. Sialtiel hemi san blong Nirae.